Прэм'ер-міністр Беларусі Раман Галоўчанка

Прэм'ер Беларусі агучыў даты правядзення Усебеларускага народнага сходу

43
Маштабны рэспубліканскі форум збярэцца ўжо ў шосты раз, каб вызначыць важнейшыя напрамкі развіцця краіны на бліжэйшую перспектыву.

МІНСК, 27 кас - Sputnik. На Усебеларускім народным сходзе будуць выдзелены два найважнейшых блокі пытанняў, паведаміў журналістам прэм'ер Беларусі Раман Галоўчанка па выніках нарады ў прэзідэнта.

Паводле яго слоў, у хуткім часе будзе падрыхтавана распараджэнне кіраўніка дзяржавы аб фарміраванні аргкамітэта па падрыхтоўцы і правядзенні "народнага форуму". Пасля гэтага на вышэйшы ўзровень будуць вынесены на абмеркаванне тэрміны правядзення, тэматыка і фармат.

"Мы разлічваем, што яно адбудзецца на пачатку 2021, магчыма, у студзені, лютым", - дадаў кіраўнік беларускага ўрада.

Плюралізм меркаванняў

На Усебеларускім народным сходзе плануецца вылучыць два асноўныя блокі пытанняў для абмеркавання, гэта будуць сацыяльна-эканамічнае і грамадска-палітычнае развіццё дзяржавы.

"Мы ўжо цяпер бачым, што не ўсе задачы, якія ставіліся (на гэтую пяцігодку - Sputnik), атрымалася выканаць. Дзесьці мы змаглі ўжо зараз перавыканаць даведзеныя задачы (я маю на ўвазе ў эканоміцы), дзесьці пакуль не вельмі атрымалася", - прызнаў Галоўчанка.

Пасля чаго дадаў, што ў сувязі з гэтым беларускі прэзідэнт даў даручэнне ўсё прааналізаваць і вызначыць неабходныя механізмы, каб у наступнай пяцігодцы прадэманстраваць тэмпы росту эканомікі, якія ўразяць.

Кіраўнік урада лічыць, што ключавой адзнакай Усебеларускага сходу ў гэты раз будзе абмеркаванне грамадскіх і палітычных аспектаў развіцця Беларусі. Прапановы, агучаныя на ініцыяваных ўладамі дыялогавых пляцоўках, будуць акумуляваныя аргкамітэтам.

Такім чынам, беларускія ўлады разлічваюць стварыць "глебу для абмеркавання магчымых пытанняў мадэрнізацыі грамадска-палітычнай сістэмы Беларусі".

"Плюралізм меркаванняў, прадстаўніцтва розных сацыяльных груп на Усебеларускім народным сходзе - гэта аснова, каб яно было паспяховым і выніковым", - сказаў прэм'ер-міністр.

43
Тэги:
Раман Галоўчанка, Усебеларускі народны сход
Тэмы:
VI Усебеларускі народны сход (52)
Прэзідэнт ЗША Джо Байдэн

Байдэн пагаварыў з Пуціным пра Беларусь

25
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

25
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн
(56:25 / 900.24Mb / просмотров видео: 615)

Прэс-канферэнцыя Пуціна на саміце Расія - ЗША ў Жэневе

13
(абноўлена 20:53 16.06.2021)
Першая сустрэча прэзідэнтаў Расіі і ЗША пасля абрання Байдэна на высокую пасаду складалася з трох частак: вузкай і двух пашыраных. Глядзіце на відэа прэс-канферэнцыю Уладзіміра Пуціна на саміце ў Жэневе.

Расійскі лідэр Уладзімір Пуцін упершыню сустрэўся з Джо Байдэнам пасля таго, як Байдэн заступіў на пасаду прэзідэнта ЗША. Папярэдні саміт Расія - ЗША прайшоў у 2018 годзе ў Хельсінкі, кіраўніком Белага дома тады быў Дональд Трамп.

Цяперашні саміт праходзіць у Жэневе на віле Ла Гранж. Перад пачаткам перамоў кіраўнікі дзяржаў паціснулі адзін аднаму рукі і сфатаграфаваліся з прэзідэнтам Швейцарыі Гі Пармеленам.

Першая сустрэча двух прэзідэнтаў складалася з трох частак: вузкай і двух пашыраных з перапынкам на чай-каву. Перамовы Пуціна і Байдэна працягваліся чатыры гадзiны.

Перад самітам у Маскве адзначалі змякчэнне рыторыкі з боку Вашынгтона, хоць ноткі стрымлівання па-ранейшаму захоўваюцца, пра гэта заяўляў прэс-сакратар расійскага лідэра Дзмітрый Пяскоў.

"Для таго, каб разабрацца, наколькі яны разыходзяцца ў меркаваннях, наколькі крытычныя супярэчнасці ёсць паміж РФ і ЗША, трэба спачатку сесці пагаварыць", - рэзюміраваў ён.

Чытайце таксама:

13
Тэги:
відэа, Жэнева, ЗША, Расія, Саміт, Уладзімір Пуцін, прэс-канферэнцыя