Міністр замежных спраў РФ Сяргей Лаўроў

Лаўроў сустрэнецца з Лукашэнкам і правядзе пасяджэнне калегій МЗС РБ і РФ

14
(абноўлена 12:08 26.11.2020)
Кіраўнік расійскага МЗС прыбыў з рабочым візітам у Мінск, у планах - сустрэча з беларускім калегам і прэзідэнтам краіны.

МІНСК, 26 ліс - Sputnik. Міністр замежных спраў Расіі Сяргей Лаўроў у чацвер сустрэнецца з прэзідэнтам Беларусі Аляксандрам Лукашэнкам і кіраўніком дыпведамства рэспублікі Уладзімірам Макеем у рамках рабочага візіту ў Мінск.

Расійскі міністр прыбыў у Мінск у сераду ўвечары.

У працоўным графіку ў Лаўрова - сустрэча з кіраўніком дзяржавы і беларускім калегам. На парадку дня - сітуацыя ў Беларусі, а таксама двухбаковыя і міжнародныя тэмы.

Акрамя таго, Лаўроў возьме ўдзел у сумесным пасяджэнні калегій МЗС Беларусі і Расіі.

Плануецца, што бакі абмяркуюць бягучыя адносіны з Еўрасаюзам, магчымасці ўдзелу АДКБ у аперацыях ААН па падтрыманні міру, перспектывы фарміравання "вялікага еўразійскага партнёрства" праз спалучэнне інтэграцыйных працэсаў, а таксама ўзаемадзеянне ў галіне міжнароднай інфармацыйнай бяспекі.

Акрамя таго, у рамках сумеснага пасяджэння калегіі, будзе разгледжаны ход выканання праграмы ўзгодненых дзеянняў у галіне знешняй палітыкі Саюзнай дзяржавы на 2020-2021 гады.

Як раней паведамляла афіцыйны прадстаўнік МЗС Расіі Марыя Захарава, Лаўроў прабудзе ў Мінску два дні. Гэта першы візіт кіраўніка расійскага МЗС у Беларусь пасля выбараў прэзідэнта рэспублікі, якія прайшлі ў жніўні. Папярэдні рабочы візіт міністра ў беларускую сталіцу адбыўся ў чэрвені бягучага года.

14
Тэги:
МЗС Беларусі, МЗС РФ, Аляксандр Лукашэнка, Сяргей Лаўроў
Сцягі дзяржаў членаў ЕС у будынку Еўрапейскага Савета ў Бруселі

Пяць краін Еўропы далучыліся да санкцый супраць Беларусі

1
(абноўлена 20:06 15.01.2021)
Цяпер гэтыя дзяржавы будуць весці сваю нацыянальную палітыку ў адпаведнасці з санкцыйным рашэннем Савета ЕС.

МІНСК, 16 сту - Sputnik. Пяць еўрапейскіх дзяржаў далучыліся да санкцый, уведзеных ЕС у адносінах да Беларусі, паведаміў у пятніцу Савет ЕС.

"Краіны-кандыдаты - Рэспубліка Паўночная Македонія, Чарнагорыя і Албанія, а таксама Ісландыя і Нарвегія, якія ўваходзяць у Еўрапейскую эканамічную прастору, далучаюцца да гэтага рашэння Савета (пра санкцыі - Sputnik)", - гаворыцца ў паведамленні.

Там таксама адзначаецца, што пасля дадзенага кроку гэтыя дзяржавы будуць весці сваю нацыянальную палітыку ў адпаведнасці з рашэннем Савета ЕС.

Раней Еўрасаюз двойчы публікаваў санкцыйныя спіскі па Беларусі 2 кастрычніка і 6 лістапада, трэці - 17 снежня. Прэзідэнта Аляксандра Лукашэнку ўнеслі ў "чорны спісак" у другім пакеце. Беларусь увяла люстраныя санкцыі супраць Еўрасаюза. У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве". 18 снежня ў МЗС рэспублікі заявілі, што падрыхтавалі "адчувальны адказ" на чарговыя абмежавальныя меры ЕС.

Чытайце таксама:

1
Тэги:
ЕС, Беларусь, санкцыі
Джо Байдэн

Рэпетыцыю інаўгурацыі Байдэна перанеслі па меркаваннях бяспекі

9
(абноўлена 10:51 16.01.2021)
У Вашынгтоне дзейнічае рэжым надзвычайнага становішча, сцягваюцца дадатковыя сілы паліцыі і войскі.

МІНСК, 16 сту - Sputnik. Выбраны прэзідэнт ЗША Джо Байдэн адклаў рэпетыцыю сваёй інаўгурацыі, якая была запланавана на нядзелю 17 студзеня, паведамляе выданне Politico.

Рэпетыцыя пройдзе на дзень пазней - 18 студзеня. Таксама Байдэн перадумаў дабірацца цягніком у Вашынгтон на інаўгурацыю - як заявілі ў ФБР, "па меркаваннях бяспекі". Раней кіраўнік разведвальнага ведамства паведамляў, што напярэдадні інаўгурацыі адсочваюцца патэнцыйныя пагрозы гвалту, у тым ліку - пагрозы ў інтэрнэце і магчымасць узброеных пратэстаў.

Ужо цяпер у горад сцягваюць дадатковыя сілы правапарадку: паліцыю і войска. Зрэшты, меры бяспекі ў сталіцы ЗША і без таго былі ўзмоцненыя пасля спробы захопу Капітолія.

З 7 студзеня ў Вашынгтоне дзейнічае рэжым надзвычайнай сітуацыі, ён будзе доўжыцца да 15:00 (23:00 па Мінску) 21 студзеня. Таксама ўведзена каменданцкая гадзіна.

Нагадаем, беспарадкі ў Вашынгтоне ўспыхнулі 6 студзеня. Прыхільнікі пакуль яшчэ дзеючага кіраўніка дзяржавы Дональда Трампа прарваліся ў будынак Кангрэса у дзень афіцыйнага зацвярджэння вынікаў прэзідэнцкіх выбараў, паводле якіх пераможцам стаў Джо Байдэн. У выніку сутыкненняў з паліцыяй загінулі мінімум пяць чалавек.

Пасяджэнне Кангрэса прыйшлося перапыніць, аднак неўзабаве праваахоўнікі змаглі ўзяць сітуацыю пад кантроль. У дачыненні да ўдзельнікаў беспарадкаў заведзена больш за 170 спраў.

Інаўгурацыя новага прэзідэнта ЗША адбудзецца 20 студзеня.

Чытайце таксама:

9
Тэги:
ЗША, Кангрэс ЗША, інаўгурацыя