Надзвычайны і Паўнамоцны пасол Расіі ў Беларусі Дзмітрый Мезенцаў

Вельмі складаны год: пасол Расіі ў Беларусі падвёў вынікі 2020-га

14
(абноўлена 09:54 28.12.2020)
Дзмітрый Мезенцаў лічыць што дружба, адносіны, гісторыя і будучыня Саюзнай дзяржавы "не павінны вымярацца толькі тонамі, кіламетрамі і кубаметрамі".

МІНСК, 28 сне - Sputnik. Год 2020-ы, якім ён складаным ні быў, даў пацверджанне мільёнам грамадзян Расіі і Беларусі асаблівага характару адносін паміж абедзвюма дзяржавамі, пра гэта распавёў у эфіры тэлеканала СТБ Надзвычайны і Паўнамоцны пасол РФ у рэспубліцы Дзмітрый Мезенцаў.

"Гэтыя адносіны сфарміраваны не за 12 месяцаў, а за доўгую адзіную гісторыю Беларусі і Расіі. Мы бачым пацверджанне глыбіні і маштабу дыялогу нацыянальных лідараў - Уладзіміра Пуціна і Аляксандра Лукашэнкі", - адзначыў кіраўнік дыппрадстаўніцтва.

Медыцына

Пасол прызнаў, што год быў вельмі складаны: COVID-19, што называецца, "паляпаў усіх". Гэта, на думку Мезенцава, стала падставай для асэнсавання глыбіні беларуска-расійскіх адносін.

"Першая вакцына, расійская "Спутник V", прыйшла на тэрыторыю Беларусі. І мы ўдзячныя за прафесійную ацэнку, якую далі санітарныя ўрачы Беларусі", - падкрэсліў пасол, удакладніўшы пры гэтым, што першая партыя прэпарата "Спутник V" паступіць у рэспубліку для вакцынацыі ўжо на пачатку наступнага года.

Паводле яго слоў, гэта яшчэ адна нагода для згуртавання і вызначэння таго, што Беларусь і Расія могуць рабіць разам у рамках рэальных вытворчасцяў.

Гандаль

Успомніў дыпламат і вераснёўскі Форум рэгіёнаў у Мінску, які прайшоў у анлайн-фармаце.

"Новыя акцэнты зроблены ў падтрымку рэальнага супрацоўніцтва гарадоў-пабрацімаў. Больш чым 50 гарадоў Беларусі маюць пабрацімскія пагадненні з больш чым сотняй гарадоў Расіі. Важна напоўніць гэтыя адносіны", - сказаў Мезенцаў.

На яго думку, краіны павінны развіваць патэнцыял супрацоўніцтва гандлю.

"Прыкладна 50% усяго знешнегандлёвага абароту Беларусі прыпадае на Расійскую Федэрацыю, а па блоку агракомплексу гэта больш за 85%. Важна забяспечыць пастаўку тысяч тон нафты, мільёнаў кубічных метраў газу, па шырокай лінейцы забяспечыць выкананне знешнегандлёвых дамоваў", - растлумачыў пасол, дадаўшы, што дружба двух народаў не павiнна вымярацца толькі тонамі, кіламетрамі і кубаметрамі.

Знешнія пагрозы і санкцыі

Мезенцаў нагадаў, што Беларусь і Расія зноў пацвердзілі узаемадзеянне ў абароннай сферы.

"Прэзідэнт Пуцін вельмі выразна і важка сказаў пра тое, што Беларусь у рамках магчымай знешняй пагрозы ніколі не застанецца адна. Мы перажывалі за той складаны перыяд, які перажыла Беларусь у апошнія месяцы", - канстатаваў ён.

На думку пасла, свет у апошні час становіцца больш жорсткім, і вялікія краіны абараняюць свае нацыянальныя і эканамічныя інтарэсы, выкарыстоўваючы санкцыі супраць іншых дзяржаў.

"Санкцыйны ціск - не адказ на тую ці іншую палітычную сітуацыю, гэта інструмент вываду патэнцыйных канкурэнтаў з зоны тых рэгіянальных рынкаў, дзе мы можам зарабляць, дзе можам быць прадстаўлены і ўмацоўваць супрацоўніцтва. Нам важна быць вельмі моцнымі, мудрымі, умець дамаўляцца", - заключыў Мезенцаў.

14
Тэги:
Саюзная дзяржава, Дзмітрый Мезенцаў
Тэмы:
Саюзная дзяржава Беларусі і Расіі (43)
Прэзідэнт Кыргызскай Рэспублікі Садыр Жапараў

ЦВК Кыргызстана аб'явіла Жапарава пераможцам прэзідэнцкіх выбараў

3
(абноўлена 19:42 20.01.2021)
Выбары прэзідэнта адбыліся 10 студзеня, адначасова з рэферэндумам па вызначэнні формы праўлення ў рэспубліцы. Яўка склала крыху менш за 40%.

МІНСК, 21 сту – Sputnik. ЦВК Кыргызстана афіцыйна абвясціла Садыра Жапарава пераможцам прэзідэнцкіх выбараў, адпаведнае рашэнне прынята на пасяджэнні Цэнтрвыбаркама краіны ў сераду.

"У яго 79,2% галасоў", - назвала канчатковыя дадзеныя кіраўнік ЦВК Нуржан Шайлдабекава.

Нагадаем, выбары кіраўніка дзяржавы былі прызначаны пасля таго, як Сааранбай Жээнбекаў падаў у адстаўку з-за сітуацыі, якая склалася ў краіне пасля парламенцкіх выбараў. Яны адбыліся 10 студзеня, адначасова з рэферэндумам па вызначэнні формы праўлення ў рэспубліцы. Яўка склала крыху менш за 40%.

Паводле дадзеных ЦВК пасля падліку 100% бюлетэняў, на выбарах перамог Жапараў (ён быў прэм'ер-міністрам і выконваў абавязкі прэзідэнта да выбараў) - за яго прагаласавалі больш за 1,1 мільёна чалавек, ці 79,23%. Другое месца заняў Адахан Мадумараў з 95 тысячамі галасоў (6,8%).

Па выніках рэферэндуму за ўзмацненне інстытута прэзідэнта прагаласавалі больш за 1,1 мільёна грамадзян, за парламенцкую форму праўлення - 152 тысячы, ці крыху менш за 11%, яшчэ 62 тысячы (4,5%) прагаласавалі супраць усіх форм праўлення.

3
Тэги:
Выбары, Кыргызстан
Прэзідэнты Аляксандр Лукашэнка і Уладзімір Пуцін

Пуцін і Лукашэнка пагаварылі па тэлефоне

6
(абноўлена 19:24 20.01.2021)
Прэзідэнты ўпершыню сазваніліся у новым годзе і абмеркавалі саюзную інтэграцыю і барацьбу з каронавірусам (COVID-19).

МІНСК, 21 сту – Sputnik. Прэзідэнт Расіі Уладзімір Пуцін абмеркаваў у тэлефоннай размове з беларускім калегам Аляксандрам Лукашэнкам Саюзную дзяржаву, паведамілі ў прэс-службе Крамля.

Тэлефонная гутарка двух лідэраў адбылася ў сераду, 20 студзеня.

"Абмеркаваны шэраг актуальных пытанняў двухбаковага парадку дня, у тым ліку ў кантэксце ўзаемадзеяння ў рамках Саюзнай дзяржавы", - гаворыцца ў паведамленні.

Акрамя таго, кіраўнікі дзяржаў абмеркавалі процідзеянне распаўсюджванню каронавіруснай інфекцыі.

У апошні раз Лукашэнка і Пуцін размаўлялі па тэлефоне ў лістападзе мінулага года. Прэзідэнты гутарылі каля гадзіны, за гэты час яны абмеркавалі праблему распаўсюджвання COVID-19 і арганізацыю вытворчасці вакцыны ў Беларусі з выкарыстаннем расійскіх тэхналогій; абмеркавалі сітуацыю ў ЗША, Літве, Польшчы і Украіне, унутраныя пытанні беларуска-расійскага парадку. Асобна была паднятая тэма магчымасці куплі Беларуссю нафтавага радовішча ў РФ (з гэтай ініцыятывай выступіў беларускі лідэр).

У студзені беларускі лідэр правёў тэлефонную размову з намеснікам старшыні Савета бяспекі РФ Дзмітрыем Мядзведзевым. Бакі абмеркавалі "шырокі спектр актуальных пытанняў".

Чытайце таксама:

6
Тэги:
Саюзная дзяржава, Уладзімір Пуцін, Аляксандр Лукашэнка