МУС, бяспека і Антарктыда: зацверджаны дзяржпраграмы да 2025 года
(абноўлена 09:33 30.12.2020)
Міністэрствам і ведамствам на бліжэйшыя пяць гадоў даручана развіццё найбольш значных сфер жыцця рэспублікі.МІНСК, 30 сне - Sputnik. Трыццаць дзяржаўных і яшчэ шэсць спецыяльных праграм прыняты для рэалізацыі на бліжэйшыя пяць гадоў, адпаведная пастанова Саўміна №759 ад 24 снежня 2020 года апублікавана на Нацыянальным прававым інтэрнэт-партале Беларусі.
Пералік ахоплівае найбольш значныя сферы дзейнасці ў эканоміцы, сацыяльнай абароне і ахове дзяржавы.
Так, згодна з дзяржаўнай праграмай "Аграрны Бізнес" з 2021 па 2025, у сельскай гаспадарцы будзе асоба нададзена ўвага 9 напрамкам. Сярод іх, перапрацоўка прадукцыі, племянная жывёлагадоўля, меліярацыя зямель.
У фінансавым сектары, будуць прыняты дадатковыя меры па ўстойлівасці бюджэтнай сістэмы, развіццю страхавой дзейнасці, абароту каштоўных камянёў і металаў.
Развіццё сацыяльнай падтрымкі ўскладзена на профільныя міністэрствы - працы і сацыяльнай абароны і аховы здароўя. Восем падпраграмах закрануць рашэнне абароны сям'і і дзяцей, праблем інвалідаў, прафілактыкі захворванняў.
Таксама дзяржпраграмы будуць накіраваныя на разьвіццё навукі, тэхналогій і, інавацыйнай дзейнасці. Да 2025 года будзе ўдасканалена сфера адукацыі, турызму і транспарт. У апошнім, у прыватнасці, гаворка аб электрычных сродках перамяшчэння.
Таксама асобнай дзяржпраграмай вырашана перакладаць на лічбавы фармат дзяржаўнае кіраванне, галіны эканомікі і сферу інфармацыйнай бяспекі.
Для Нацыянальнай акадэміі навук выдзелены сродкі для шасці кірункаў, уключаючы вывучэнне Антарктыды, генетычных матэрыялаў, культурна-гістарычнай спадчыны.
Дзяржаўныя праграмы ў сферах ЖКГ, папярэджанне надзвычайных здарэнняў, ўвекавечанне памяці, ліквідацыя наступстваў ЧАЭС працягнуць рэалізацыю ў бліжэйшыя гады.
Спецыяльныя праграмы ўскладзены для выканання на сілавыя структуры. Ім даручана удасканаліць сістэму правапарадку, ваеннай і пагранічнай бяспекі Беларусі.
Тэги:
Імпічмент Трампу і інаўгурацыя Байдэна: што адбываецца ў Вашынгтоне - відэа
(абноўлена 14:34 16.01.2021)
Палата прадстаўнікоў ЗША прагаласавала за імпічмент прэзідэнту Дональду Трампу з-за беспарадкаў у Капітоліі, тым часам на ўсю моц ідзе падрыхтоўка інаўгурацыі Джо Байдэна. Глядзіце на відэа, што адбываецца ў Вашынгтоне.Дональд Трамп стаў першым прэзідэнтам ЗША у гісторыі, якога двойчы падвергнулі імпічменту падчас яго знаходжання на пасадзе. Палата прадстаўнікоў Кангрэсу ЗША адобрыла рэзалюцыю аб імпічменце дзеючага прэзідэнта краіны, абвінаваціўшы яго ў "падбухторванні да нападзення" на будынак Капітолія, якое адбылося ў сераду, 6 студзеня.
Тэкст рэзалюцыі аб імпічменце быў абнародаваны ў панядзелак, і праз два дні ён быў прыняты ў ходзе галасавання усімі дэмакратамі і дзесяццю рэспубліканцамі. За імпічмент дзеючага прэзідэнта ЗША прагаласавалі 232 чалавекі, супраць - 197.
Лідэр рэспубліканскага большасці Мітч Маконэл заявіў, што Сенат разгледзіць абвінавачванне пасля інаўгурацыі Джо Байдэна, якая адбудзецца 20 студзеня. Тым часам у Вашынгтоне ідзе падрыхтоўка да цырымоніі інаўгурацыі Байдэна.
Працоўныя манціруюць сцэну і дэкарацыі для мерапрыемства, а вакол будынка ўзмацняецца бяспека: усталёўваюць платы і блакіруюць дарогі, паліцэйскія і нацыянальная гвардыя ахоўваюць уваходы вакол.
Пасля штурму Капітолія ЗША прыхільнікамі Трампа на мінулым тыдні ФБР папярэдзіла аб запланаваных узброеных пратэстах у Вашынгтоне перад інаўгурацыяй.
Паведамляецца, што 20 студзеня Нацыянальная гвардыя накіруе ў акругу Калумбія 20 тысяч вайскоўцаў для ўзмацнення бяспекі.
Чытайце таксама:
- Спікер палаты прадстаўнікоў ЗША падпісала артыкул пра імпічмент Трампу
- Дэмакраты хочуць сыходу Трампа і поўнага скону яго палітычнай кар'еры
- Інаўгурацыя Байдэна набліжаецца: ЗША запрасілі Расію, у сталіцы ўвялі НС
Тэги:
Пяць краін Еўропы далучыліся да санкцый супраць Беларусі
(абноўлена 20:06 15.01.2021)
Цяпер гэтыя дзяржавы будуць весці сваю нацыянальную палітыку ў адпаведнасці з санкцыйным рашэннем Савета ЕС.МІНСК, 16 сту - Sputnik. Пяць еўрапейскіх дзяржаў далучыліся да санкцый, уведзеных ЕС у адносінах да Беларусі, паведаміў у пятніцу Савет ЕС.
"Краіны-кандыдаты - Рэспубліка Паўночная Македонія, Чарнагорыя і Албанія, а таксама Ісландыя і Нарвегія, якія ўваходзяць у Еўрапейскую эканамічную прастору, далучаюцца да гэтага рашэння Савета (пра санкцыі - Sputnik)", - гаворыцца ў паведамленні.
Там таксама адзначаецца, што пасля дадзенага кроку гэтыя дзяржавы будуць весці сваю нацыянальную палітыку ў адпаведнасці з рашэннем Савета ЕС.
Раней Еўрасаюз двойчы публікаваў санкцыйныя спіскі па Беларусі 2 кастрычніка і 6 лістапада, трэці - 17 снежня. Прэзідэнта Аляксандра Лукашэнку ўнеслі ў "чорны спісак" у другім пакеце. Беларусь увяла люстраныя санкцыі супраць Еўрасаюза. У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве". 18 снежня ў МЗС рэспублікі заявілі, што падрыхтавалі "адчувальны адказ" на чарговыя абмежавальныя меры ЕС.
Чытайце таксама:
- Лукашэнка ўпэўнены, што ўлады рэспублікі не заслужылі санкцыі
- Лукашэнка рыхтуе сіметрычны адказ на "бандыцкія санкцыі"
- "У што б там ні стала захаваць суверэнітэт": Лукашэнка аб планах на 2021-ы
Тэги: