Лагатып сацыяльнай сеткі Фэйсбук на экране кампьютэра

Дадатковыя абмежаванні ўведзены ў ЗША перад інаўгурацыяй Байдэна

23
(абноўлена 11:28 16.01.2021)
Facebook абвясціў аб увядзенні дадатковых абмежаванняў для карыстальнікаў з ЗША напярэдадні інаўгурацыі выбранага прэзідэнта Джо Байдэна.

МІНСК, 17 сту - Sputnik. Прадстаўнікі сацыяльнай сеткі Facebook растлумачылі, што хочуць не дапусціць выкарыстанне платформы для падбухторвання да гвалту.

Выдаленне кантэнту, адключэнне акаўнтаў

"Мы ўводзім дзве дадатковыя меры ў мэтах далейшага прадухілення спробаў людзей выкарыстоўваць нашы сэрвісы для падбухторвання да гвалту", - паведамляецца ў заяве Facebook.

У прыватнасці, Facebook будзе блакіраваць стварэнне любых новых мерапрыемстваў у непасрэднай блізкасці ад такіх месцаў як Белы дом, Капітолій ў штатах у дзень інаўгурацыі, 20 студзеня. Як і раней, мадэратары будуць блакіраваць стварэнне мерапрыемстваў у ЗША з неамерыканскіх уліковых запісаў.

"Мы працягнем маніторынг і дабавім дадатковыя меры па меры неабходнасці", - гаворыцца ў заяве.

Нагадаем, раней Facebook увёў дадатковыя меры ў дачыненні да маніторынгу кантэнту і палітычнай рэкламы. Паведамлялася, што сацсетка непасрэдна перад інаўгурацыяй Байдэна і некалькі дзён пасля яе будзе выдаляць кантэнт, адключаць акаўнты, інфармаваць паліцыю, калі гэтыя акаўнты будуць "утрымліваць пагрозу грамадскай бяспекі".

Беспрэцэдэнтныя меры засцярогі

Інаўгурацыя Байдэна намечана на 20 студзеня, яна рыхтуецца ва ўмовах беспрэцэдэнтных мер бяспекі. Пасля спробы захопу Капітолія, у Вашынгтон для аховы парадку накіраваны больш за 25 тысяч байцоў нацыянальнай гвардыі ЗША. Цэнтральная частка амерыканскай сталіцы перакрыта для руху ўжо за тыдзень да цырымоніі.

Раней стала вядома, што сам Джо Байдэн з меркаванняў бяспекі не паедзе ў Вашынгтон на цягніку, хоць робіць гэта ўсё жыццё.

Шостага студзеня Дональд Трамп на мітынгу каля Белага дома заклікаў прыхільнікаў ісці да Капітолія, каб "дапамагчы слабым рэспубліканцам" аспрэчыць вынікі выбараў. Прыхільнікі Трампа паспяхова штурмавалі Капітолій, Кангрэсу прыйшлося спыніць працу на некалькі гадзін.

У выніку беспарадкаў загінулі удзельніца дэманстрацый і паліцэйскі, яшчэ трое памерлі ад прычын, якія не былі звязаныя з гвалтам. У выніку праваахоўныя органы выдалілі ўдзельнікаў беспарадкаў з Капітолія, і кангрэсмены зацвердзілі перамогу на прэзідэнцкіх выбарах Байдэна. Палата прадстаўнікоў Кангрэса вынесла Трампу імпічмент, яго абвінавачваюць у падбухторванні да мецяжу.

Чытайце таксама:

23
Тэги:
ЗША, Кангрэс ЗША, інаўгурацыя
Расійскі прэм'ер Міхаіл Мішусцін і беларускі прэм'ер Раман Галоўчанка ў аэрапорце

Галоўчанка: пакет інтэграцыйных прапаноў у высокай ступені гатоўнасці

4
(абноўлена 17:00 16.04.2021)
Рэспубліка Беларусь і Расійская Федэрацыя працягваюць сумесную працу над дарожнымі картамі саюзнай інтэграцыі.

МІНСК, 16 кра – Sputnik. Тэма інтэграцыі ў эканамічнай сферы - прыярытэтнае пытанне двухбаковага парадку, сказаў прэм'ер-міністр Беларусі Раман Галоўчанка падчас перамоў на ўзроўні ўрадаў ў Нацыянальнай бібліятэцы Беларусі са сваім калегам Міхаілам Мішусціным, перадае карэспандэнт Sputnik.

Паводле яго слоў, у пачатку 2021 года бачна абнадзейлівая тэндэнцыя да аднаўлення аб'ёму двухбаковага тавараабароту.

"Тэмп росту беларускага таварнага экспарту ў Расію па выніках студзеня-лютага склаў каля 105%, а да расійскага ў Беларусь - амаль 125%", - сказаў Раман Галоўчанка.

Пасля чаго запэўніў, што "тэма інтэграцыі ў эканамічнай сферы - прыярытэтнае пытанне двухбаковага парадку. Сумеснымі намаганнямі нашых экспертаў выпрацаваны прапановы па паглыбленні эканамічнай інтэграцыі. Гэты пакет фармальна мае высокую ступень гатоўнасці".

Праблемныя пытанні

Раман Галоўчанка пры гэтым прызнаў, што ёсць яшчэ пытанні, па якіх не ўдалося дасягнуць кансэнсусу.

На яго думку, "у асноўным гэта тыя пытанні, якія маюць практычную значнасць для выраўноўвання ўмоў гаспадарання нашых эканамічных агентаў".

Беларускі прэм'ер назваў іх складанымі і адчувальнымі, але абыходзіць іх пры гэтым, паводле яго слоў, бессэнсоўна.

"Таму што, не знайшоўшы развязак па іх, мы не зможам выбудаваць па-сапраўднаму саюзную эканоміку і рэальны інтэграцыйны праект", - сказаў Раман Галоўчанка.

Паспяховыя прыклады

Пры гэтым ён лічыць, што супрацоўніцтва па перавалцы беларускіх нафтапрадуктаў праз расійскія парты павінна служыць прыкладам, як могуць і павінны вырашацца цяжкія пытанні двухбаковага ўзаемадзеяння.

"Ужо адгружана больш за 220 тысяч тон гандлёвых грузаў Беларусі праз марскую партовую інфраструктуру Расіі", - удакладніў кіраўнік урада.

Пасля чаго адзначыў, што так і павінны вырашацца складаныя пытанні пры належнай матывацыі. Падобным прыкладам ён назваў і выпуск расійскай вакцыны ў Беларусі.

Раман Галоўчанка звярнуў увагу, што фактарам, які стрымлівае аднаўленне эканомікі, з'яўляюцца абмежаванні па перасячэнні меж.

"Трэба выходзіць на нармальны перадкавідны рэжым транспартных зносін", - прапанаваў прэм'ер. Вядома, з улікам санітарна-эпідэміялагічных мер. У першую чаргу варта зняць абмежаванні ў перамяшчэнні дзелавых асоб, што надасць імпульс развіццю рэгіянальнага супрацоўніцтва.

Чытайце таксама:

4
Тэги:
Інтэграцыя, дарожныя карты, Праца, Беларусь, Расійская Федэрацыя, рэспубліка, Рэспубліка Беларусь, прапановы, Раман Галоўчанка
Тэмы:
Саюзная дзяржава Беларусі і Расіі
Старшыня ўрада Расіі Міхаіл Мішусцін

Мішусцін: усе нашы міністры працуюць над паляпшэннем адносін з Беларуссю

10
(абноўлена 15:57 16.04.2021)
У беларускі сталіцы расійскі прэм'ер, які прыбыў з афіцыйным візітам, падчас перамоў на вышэйшым узроўні павінен абмеркаваць пытанні двухбаковага супрацоўніцтва з рэспублікай, у тым ліку інтэграцыйную тэматыку.

МІНСК, 16 кра – Sputnik. Расце лічба ўзаемнага тавараабароту, які паступова аднаўляецца, пра гэта заявіў прэм'ер-міністр Расіі Міхаіл Мішусцін падчас перамоў з Аляксандрам Лукашэнкам у Палацы Незалежнасці, перадае карэспандэнт Sputnik.

Па словах Мішусціна, напярэдадні візіту ён абмеркаваў гэтую тэму з прэзідэнтам Расіі Уладзімірам Пуціным. Пры гэтым удакладніў, што падтрымлівае кантакты з кіраўніком беларускага ўрада Раманам Галоўчанкам.

"Усе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі", - запэўніў кіраўнік расійскага ўрада.

Усё аднаўляецца

Міхаіл Мішусцін звярнуў увагу, што пачаў аднаўляцца ўзаемны тавараабарот, пра што сведчаць лічбы, якія растуць.

"Мы зафіксавалі, што падзенне пасля каронавіруса было значным. Цяпер гэта ўсё аднаўляецца", - удакладніў ён.

"Мы аднаўляем і паветраныя зносіны. 30 красавіка з Масквы ў Мінск павінна "паляцець" "Ласточка" (фірменны цягнік - Sputnik). Мы гэта вітаем. Слава Богу каронавірусная інфекцыя адыходзіць", - адзначыў кіраўнік урада РФ.

Ёсць пытанні

Пасля чаго дадаў, што яшчэ ёсць шмат пытанняў. Медыкі папярэджваюць пра рызыкі, якія могуць утрымлівацца ў розных варыяцыях штамаў каронавіруса.

Расійскі прэм'ер выказаў надзею, што сумесныя меры па супрацьдзеянні інфекцыі прынясуць свой плён і асабліва адзначыў, што ў канцы сакавіка ў Беларусі пачаўся выраб расійскай вакцыны "Спутник V".

Інтэграцыя сістэм

"Наша ўзаемадзеянне ў галіне прамысловасці, энергетыкі, транспарту, інфраструктуры, будаўніцтва вельмі актыўнае. 2021 год - гэта год Расіі ў Беларусі, а наступны Беларусі ў Расіі. Нашы культурныя сувязі, абмен прадстаўнікамі культуры, будзе інтэнсіфікаваны", - сказаў ён.

Міхаіл Мішусцін паведаміў, што падпісаў са сваім беларускім калегам Раманам Галоўчанкам адпаведную праграму культурнага супрацоўніцтва.

"Сёння мы паглядзім, як можна інтэграваць нашы сістэмы. Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - таксама канстатаваў ён.

На яго думку, інтэграцыя будзе на карысць Саюзнай дзяржаве.

"Выгада, а ні ў якім разе нейкія паглынанні. Мы так гэта і бачым. Паспрабавалі разгледзець магчымасці гэтай інтэграцыі на аснове лепшых тэхналогій, якія прапануе і беларускі, і расійскі бок. Сёння пагаворым пра гэта, мы рыхтаваліся з Раманам Аляксандравічам (Галоўчанкам - Sputnik) да гэтай падзеі", - растлумачыў пазіцыю расійскі прэм'ер-міністр.

Чытайце таксама:

10
Тэги:
Урад, Інтэграцыя, рэспубліка, Расія, перамовы, візіт, прэм'ер, сталіца, Беларусь, Адносіны, Міністры, Міхаіл Мішусцін
Тэмы:
Саюзная дзяржава Беларусі і Расіі