Прэзідэнт ЗША Джо Байдэн

СМІ паведамілі аб жаданні Байдэна прадоўжыць ДСНУ на пяць гадоў

25
(абноўлена 09:54 28.01.2021)
Высокапастаўлены чыноўнік з амерыканскай адміністрацыі заяўляе, што прадаўжэнне ДСНУ "відавочна адпавядае інтарэсам нацыянальнай бяспекі ЗША".

МІНСК, 22 сту – Sputnik. Прэзідэнт ЗША Джо Байдэн мае намер прадоўжыць Дагавор аб мерах па далейшым скарачэнні і абмежаванні стратэгічных наступальных узбраенняў (ДСНУ) на пяць гадоў, паведамляе выданне Washington Post са спасылкай на крыніцы.

"Прэзідэнт Байдэн дамагаецца пяцігадовага прадаўжэння адзінай пакінутай дамовы з Расіяй, якая абмяжоўвае два найбуйнейшых у свеце ядзерных арсенала, усяго за некалькі дзён да заканчэння тэрміну яго дзеяння", - гаворыцца ў паведамленні газеты.

Крыніца адзначае, што рашэнне аб працягу звязана з надыходзячым апошнім тэрмінам для прадаўжэння дамовы Вашынгтонам - 5 лютага.

Раней пасол Расіі ў ЗША Анатоль Антонаў заявіў, што Масква адкрыта для дыялога па прадаўжэнні ДСНУ, і шанец дамовіцца з Вашынгтонам ёсць. "Мяч на баку Вашынгтона - чакаем канструктыўных прапаноў", - падкрэсліў кіраўнік расійскай дыпмісіі.

Трамп лічыў ДСНУ нявыгадным

Папярэднік Байдэна Дональд Трамп абвясціў ДСНУ нявыгадным для Вашынгтона. Экс-прэзідэнт спрабаваў ініцыяваць новы дакумент з прыцягненнем да перамоў Кітая.

Магчымасць прадаўжэння ДСНУ-3 дапускалася, але пры выкананні шэрагу ўмоў, у тым ліку па рэжыме верыфікацыі. Прэзідэнт Расіі Уладзімір Пуцін прапанаваў працягнуць дамову без усялякіх умоваў на год, пры гэтым Масква заявіла пра гатоўнасць разам з Вашынгтонам узяць на сябе палітычнае абавязацельства, каб замарозіць на дадзены перыяд колькасць наяўных у бакоў ядзерных боезарадаў, але без дадатковых патрабаванняў. Але тады амерыканскія ўлады не прынялі прапанову расійскага боку.

Антонаў адзначыў, што адміністрацыя Трампа выставіла непрымальныя ўмовы па прадаўжэнні ДСНУ-3 і па сутнасці "ператварыла адзінае дзеючае расійска-амерыканскае пагадненне па кантролі над ядзернымі ўзбраеннямі ў прадмет палітычнага гандлю".

Чытайце таксама:

25
Тэги:
Узбраенні, дамова, ЗША, Джо Байдэн
Прэзідэнт РФ Уладзімір Пуцін прыняў удзел у пасяджэнні калегіі ФСБ РФ

Пуцін распавёў пра "анекдатычныя тэорыі змовы" супраць Расіі

4
(абноўлена 16:43 24.02.2021)
Абвінавачванні ў адрас Расійскай Федэрацыі, а таксама спробы паставіць пад сумненне дасягненні краіны безапеляцыйныя і бяздоказныя, адзначыў прэзідэнт.

МІНСК, 24 лют – Sputnik. Мэтанакіраваная інфармацыйная кампанія вядзецца ў дачыненні да РФ, заявіў прэзідэнт краіны Уладзімір Пуцін на пасяджэнні калегіі ФСБ.

Расійскі лідэр заявіў, што РФ абвінавачваюць па цэлым шэрагу пытанняў і робяць гэта без якіх-небудзь доказаў. Пуцін таксама назваў спробы скампраметаваць Расію "анэкдатычнымі тэорыямі змовы".

"Недружалюбнае стаўленне да Расіі і да шэрага іншых самастойных суверэнных цэнтраў сусветнага развіцця нават не спрабуюць хаваць. Але справа далёка не ў такой агрэсіўнай рыторыцы, а ў рэальных практычных дзеяннях. Супраць нас вядзецца мэтанакіраваная інфармацыйная кампанія з безапеляцыйнымі і бяздоказнымі абвінавачваннямі па цэлым шэрагу пытанняў", - цытуе яго РІА Навіны.

У свеце ідзе палітыка стрымлівання Расіі, пра што ўлады краіны ўжо даўно ведаюць, падкрэсліў Пуцін. Прэзідэнт дадаў, што гаворка ідзе не аб натуральнай канкурэнцыі паміж краінамі, але аб "паслядоўнай і вельмі агрэсіўнай лініі". Мэтай такой палітыкі, на яго думку, з'яўляецца стварэнне праблем "па вонкавым перыметры і контуры" і зрыў развіцця Расіі.

У якасці прыкладу прэзідэнт прывёў спробы ўсумніцца ў дасягненнях Расіі ў сферы медыцыны, а менавіта - у пытаннях барацьбы з пандэміяй COVID-19.

Плацяць з-за бугра

Прэзідэнт заявіў, што трэба выразна размяжоўваць натуральную для любога грамадства палітычную канкурэнцыю і дзеянні, "якія не маюць нічога агульнага з дэмакратыяй і накіраваны на падрыў стабільнасці і бяспекі" Расіі, а таксама на абслугоўванне чужых інтарэсаў.

"Інтарэсаў тых, пра якія ў народзе кажуць, якія з-за бугра плацяць за гэтую дзейнасць, але плацяць у сваіх інтарэсах, а не ў нашых", - адзначыў Пуцін.

Бесперспектыўныя санкцыі

Расійскі лідэр заявіў, што краіну спрабуюць "скаваць" санкцыямі, у тым ліку эканамічнымі.

"Падобная лінія ў дачыненні да Расіі абсалютна беспэрспэктыўная", - падкрэсліў Пуцін і дадаў, што часцяком блакіроўка буйных міжнародных праектаў, справакаваная эканамічнымі рэстрыкцыямі, шкодзіць не толькі Расіі, але і яе замежным партнёрам.

Па словах Пуціна, у спробах умяшацца ў палітыку расійскай дзяржавы, актыўна выкарыстоўваюцца інструменты з арсенала спецслужбаў.

"У сувязі з гэтым адзначу, што эфектыўна і выразна дзейнічалі ў мінулым годзе органы контрразведкі. У выніку спынена дзейнасць 72 кадравых супрацоўнікаў і 423 агентаў замежных спецслужбаў", - сказаў прэзідэнт РФ.

Чытайце таксама:

4
Тэги:
ФСБ, Расія, тэорыя, Уладзімір Пуцін
Пасольства РФ у Рэспубліцы Беларусь

СМІ: новым паслом РФ у Беларусі могуць прызначыць Яўгена Лук'янава

12
Цяперашняму расійскаму паслу Мезенцаву прадказваюць статутную пасаду - дзяржсакратара Саюзнай дзяржавы Беларусі і Расіі.

МІНСК, 24 лют – Sputnik. Новым паслом Расійскай Федэрацыі ў Беларусі можа стаць Яўген Лук'янаў, які ў цяперашні час узначальвае расійскую дыпламатычную місію ў Латвіі, пра гэта піша "Коммерсантъ".

Аб кадравых перастаноўках ў кіраўніцтве расійскай дыпмісіі СМІ пішуць рэгулярна. Пасля таго, як Рыгор Рапота заявіў аб сыходзе з пасады дзяржаўнага сакратара Саюзнай дзяржавы Беларусі і Расіі, тэма змены пасла загучала з новай сілай. Але афіцыйных каментарыяў з нагоды кадравых перастановак пакуль не было.

77-гадовы Рыгор Рапота займае пасаду дзяржаўнага сакратара Саюзнай дзяржавы ўжо больш за 10 гадоў. На мінулым тыдні ён сустракаўся з прэзідэнтам Беларусі Аляксандрам Лукшенкам, атрымаў з яго рук высокую дзяржаўную ўзнагароду. Пазней заявіў беларускай прэсе, што збіраецца сыходзіць з пасады дзяржсакратара.

Хто можа стаць новым паслом РФ у Беларусі

"Новым паслом Расіі ў Мінску замест Дзмітрыя Мезенцава стане Яўген Лук'янаў. Ён пераедзе ў Беларусь з Латвіі, дзе апошнія чатыры гады займаў аналагічны пост", - паведамляе "Коммерсантъ", спасылаючыся на свае крыніцы.

Выданне таксама паведамляе, што, паводле яго інфармацыі, кандыдатура 69-гадовага Лук'янава нібыта ўжо ўзгоднена, у бліжэйшы час будзе падпісаны адпаведны ўказ. Таксама выданне паведаміла, што цяперашні пасол Дзмітрый Мезенцаў можа сысці на месца Рыгора Рапоты, у якога заканчваецца тэрмін паўнамоцтваў на пасадзе дзяржсакратара Саюзнай дзяржавы.

Яўген Лук'янаў, кандыдатура якога называецца ў якасці новага пасла, скончыў Ленінградскі дзяржаўны ўніверсітэт у 1974 годзе з дыпломам па спецыяльнасці "англійская мова і літаратура". Яшчэ ў савецкія часы пачаў працу на дыпламатычнай службе, паспеў досыць працяглы час папрацаваць намеснікам дырэктара Эрмітажа, у Савеце бяспекі РФ. Цяпер узначальвае пасольства РФ у Латвіі.

Як часта мяняліся расійскія паслы ў Беларусі

Масква ў трэці раз за апошнія тры гады можа памяняць свайго пасла ў Мінску. Пасля "пасольскага доўгажыхара" Аляксандра Сурыкава, які ўзначальваў пасольства РФ у Мінску рэкордныя 12 гадоў, на пасаду пасла ў жніўні 2018 года быў прызначаны Міхаіл Бабіч. Ён папрацаваў паслом РФ у Мінску менш за год, пасля чаго прэзідэнт Расіі вызваліў яго ад пасады, а на пасаду кіраўніка дыпведамства прызначыў сенатара Дзмітрыя Мезенцава.

Чытайце таксама:

12
Тэги:
Саюзная дзяржава, Расія, Дзмітрый Мезенцаў, Беларусь, пасол, СМІ
Тэмы:
Саюзная дзяржава Беларусі і Расіі
Тбілісі

На самалёце і з ПЦР-тэстам: Грузія дазволіла ўезд беларусам

23
(абноўлена 17:27 24.02.2021)
Новы прэм'ер паведаміў, што зняў усе абмежаванні, уведзеныя з-за каронавіруса, - акрамя каменданцкай гадзіны.

МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.

Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.

У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.

Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.

З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.

Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.

За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.

Дзе ў Мінску можна здаць ПЦР-тэст для паездкі за межы рэспублікі - можна прачытаць тут.

Чытайце таксама:

23
Тэги:
каронавірус, беларусы, Грузія, тэст, Самалёты
Тэмы:
Каронавірус COVID-19