Петыцыя супраць БелАЭС перададзена ў Еўрапейскі парламент
(абноўлена 23:08 28.01.2021)
Пад петыцыяй падпісаліся больш за 12 тысяч грамадзян Літвы, Беларусі, ЗША і некаторых еўрапейскіх краін.МІНСК, 29 сту – Sputnik. Актывісты літоўскага "Руху супраць Астравецкай АЭС" перадалі петыцыю Еўрапарламенту, паведаміла арганізацыя на сваёй старонцы ў сацыяльнай сетцы Facebook.
Поўная назва петыцыі - "Аб спыненні небяспечнай Астравецкай атамнай электрастанцыі (першага рэактара), забароне на імпарт электраэнергіі, што выпрацоўваецца гэтай станцыяй, у ЕС ці асацыяваныя краіны і паскарэнні сінхранізацыі электрычнай сеткі Балтыі з сеткай кантынентальнай Еўропы".
Пад петыцыяй паставілі свае подпісы больш за 12 тысяч грамадзян Літвы, Беларусі, іншых еўрапейскіх краін і ЗША, так як "ядзерная бяспека не прызнае межаў".
Ганаровы старшыня руху Вітаўтас Ландзбергіс лічыць, што калі б у гады будаўніцтва станцыі ў Астраўцы паказвалі фільм "Чарнобыль", атрымалася б сабраць мільён подпісаў.
Адзін з аўтараў петыцыі Пятрас Аўштравічус мяркуе, што ўзгодненыя намаганні Еўропы павінны гарантаваць, што катастрофа, падобная аварыі на Чарнобыльскай АЭС у 1986 годзе, больш не паўторыцца.
Петыцыю зараз павінны разгледзець у камітэтах Еўрапарламента, а пасля яго дэпутаты прымуць рэзалюцыю.
Раней у Мінэнерга Беларусі неаднаразова заяўлялі, што замест прадуктыўнага дыялогу Літва працягвае "раздзімаць" пагрозу "БелАЭС для Еўропы" і наўмысна прасоўвае антыбеларускую рыторыку на міжнародных пляцоўках.
Аб праекце БелАЭС
Беларусь будуе АЭС у Астраўцы па расійскім праекце "ВВЭР-1200". Ён адказвае ўсім нормам бяспекі МАГАТЭ. Станцыя будзе складацца з двух энергаблокаў, магутнасць кожнага 1200 МВт.
©
Sputnik / Виктор Толочко
Фізічны пуск першага энергаблока станцыі адбыўся 20 жніўня, а 3 лістапада яго ўключылі ў агульную энергасістэму краіны. Аднак турбіна першага блока была спынена 8 лістапада. Як запэўнілі ў Мінэнерга, гэта не паўплывала на бяспеку станцыі і графік выконваемых работ. После таго як была праведзена замена трансфарматараў напружання і выпрабавана цеплаэнергетычнае абсталяванне, першы энергаблок уключылі ў сетку.
Першы рэактар атамнай станцыі пачаў працу на 50% сваёй магутнасці 21 снежня, на 100% магутнасць ён быў выведзены 12 студзеня.
Першы энергаблок быў адключаны ад сеткі 16 студзеня - гэта здарылася пасля таго, як спрацавала сістэма абароны генератара. Зноў ён запрацаваў праз некалькі дзён - 21 студзеня.
Чытайце таксама:
- Дзяржатамнагляд: БелАЭС ідзе па графіку выхаду на прамысловую эксплуатацыю
- Еўрасаюз датэрмінова апублікуе вынікі стрэс-тэстаў БелАЭС
- Урад Літвы створыць спецкамісію для блакады БелАЭС
Тэги:
"Подласць небывалая": Захарава пра заявы Ціханоўскай у Кангрэсе ЗША
(абноўлена 19:19 12.06.2021)
Выступаючы па відэасувязі перад кангрэсменамі, экс-кандыдат у прэзідэнты заклікала амерыканскія ўлады ўвесці санкцыі супраць буйных прадпрыемстваў рэспублікі.МІНСК, 13 чэр – Sputnik. Афіцыйны прадстаўнік МЗС Расіі Марыя Захарава пракаменціравала выступленне экс-кандыдата ў прэзідэнты Беларусі Святланы Ціханоўскай у Кангрэсе ЗША, дзе прагучалі заявы аб увядзенні санкцый супраць асноўных прадпрыемстваў рэспублікі.
"На гэтых прадпрыемствах беларусы працуюць! Як жа можна прасіць прыцэльна біць па людзях, па сваім жа грамадзянах, якія гадамі, дзесяцігоддзямі стваралі ўнутраны прадукт?!", - абурылася Марыя Захарава ў сваім Telegram-канале.
Яна таксама выказала сумненне, што амерыканскія ўлады яшчэ не прадумвалі такі санкцыйны сцэнарый у дачыненні да беларускіх заводаў.
"Ці амерыканскія санкцыі супраць беларускіх прадпрыемстваў ужо гатовыя, і патрэбен быў той, хто ад імя і па даручэнні агучыць "шматлікія просьбы працоўных пра павышэнне цэн на асноўныя тавары?"- задалася пытаннем прадстаўнік МЗС РФ.
Захарава назвала заяву Ціханоўскай пра санкцыі "подласцю небывалай".
Нагадаем, экс-кандыдат у прэзідэнты Святлана Ціханоўская выступіла па відэасувязі ў Кангрэсе ЗША. Яна заклікала амерыканскія ўлады ўвесці санкцыі ў дачыненні да вядучых прадпрыемстваў рэспублікі, у тым ліку "Беларуськалія" і Мазырскага НПЗ. Паводле яе слоў, гэтыя заводы фінансуюць рэжым. Як заявіла Ціханоўская, увядзенне санкцый можа "стаць штуршком для пачатку транзіту ўлады".
Таксама экс-кандыдат у прэзідэнты заклікала ЗША падняць тэму сітуацыі ў Беларусі на будучых самітах G7, НАТА, ЗША-ЕС, а таксама на сустрэчы прэзідэнта ЗША Джо Байдэна з прэзідэнтам Расіі Уладзімірам Пуціным.
Санкцыі ЗША у дачыненні да Беларусі
Нагадаем, прэзідэнт ЗША Джо Байдэн 8 чэрвеня на год працягнуў санкцыі супраць Беларусі. Ён паставіў подпіс пад пастановай і накіраваў Кангрэсу ЗША апавяшчэнне пра гэта.
У дакуменце гаворыцца, што "дзеянні і палітыка пэўных прадстаўнікоў беларускага ўрада і іншых асоб працягваюць прадстаўляць незвычайную і надзвычайную пагрозу нацыянальнай бяспецы і знешняй палітыцы ЗША".
Акрамя таго, згодна з апублікаванай пастановай кіраўніка Белага дома, гэтыя дзеянні "падрываюць дэмакратычныя працэсы і інстытуты ў Беларусі". У Вашынгтоне заяўляюць, што ў краіне па-ранейшаму парушаюцца правы чалавека, а ўлада злоўжывае сваімі паўнамоцтвамі.
Адзначым, што 3 чэрвеня амерыканскія ўлады аднавілі рэстрыкцыі ў дачыненні да дзевяці беларускіх дзяржпрадпрыемстваў: "Белнафтахім", "Белнафтахім ЗША", "Беларускі нафтавы гандлёвы дом", "Белшына", "Гродна Азот", "Гродна Хімвалакно", "Лакафарба", "Нафтан" і "Полацк Шкловалакно".
У адказ на амерыканскія санкцыі ў МЗС Беларусі заявілі аб адказных мерах, назваўшы дзеянні Вашынгтона "недружалюбным выпадам".
Чытайце таксама:
- Галодныя бунты: Макей назваў мэту заходніх санкцый у дачыненні да Беларусі
- Байдэн працягнуў на год санкцыі супраць Беларусі
- Прафсаюз нафтахімічнай галіны выступіў з заявай супраць санкцыі ЗША
Тэги:
Светлае, сяброўскае свята: у Мінску адзначылі Дзень Расіі
(абноўлена 00:27 13.06.2021)
Лепшыя самадзейныя расійскія калектывы выступілі ў цэнтры Мінска, акрамя гэтага, мінчане атрымалі запрашэнне наведаць культурную сталіцу Расіі.Сотні мінчан і гасцей сталіцы прыйшлі 12 чэрвеня на свята, прысвечанае Дню Расіі. Традыцыйна такія мерапрыемствы нацыянальных культур праходзяць у Мінску на пляцоўцы каля гарадской Ратушы з траўня па верасень. У мінулым годзе з-за пандэміі каронавіруса не было ніводнай такой урачыстасці, і пасля працяглага перапынку Дзень Расіі аднавіў традыцыю правядзення такіх свят у беларускай сталіцы.
Традыцыйна расіяне прывезлі ў Беларусь самабытныя калектывы, якія парадавалі мінчан выканальніцкім майстэрствам.
А пачаліся мерапрыемствы, прысвечаныя Дню Расіі ва Усіхсвяцкім храме Мінска. У крыпце Храма-помніка ў гонар Усіх Святых і ў памяць аб ахвярах, выратаванні Айчыны нашай паслужыўшых, Надзвычайны і Паўнамоцны пасол Расіі і настаяцель храма протаіерэй Фёдар Поўны заклалі капсулу з зямлёй з месцаў спачынку беларускіх воінаў, якія загінулі ў Крымскай вайне 1853-1856 гадоў.
У храме былі сказаны словы не толькі аб брацкай дружбе двух славянскіх народаў, але і пра важнасць гістарычнай памяці.
Святочны канцэрт
На канцэрт з нагоды Дня Расіі мінчане прыйшлі амаль за гадзіну да пачатку - і да пачатку мерапрыемства не было ніводнага свабоднага месца.
©
Sputnik / Виктор Толочко
Святочны канцэрт у Мінску з нагоды Дня Расіі
Адкрываючы канцэрт, расійскі пасол Яўген Лук'янаў, пажадаў беларусам міра, дабра і росквіту. Кіраўнік дыпмісіі сказаў, што будзе сціслым у прамовах, каб не затрымліваць пачатак канцэрта і дадаў: "Квітней, Беларусь, и да здравствует Россия!".
©
Sputnik / Виктор Толочко
Пасол Расіі ў Беларусі Яўген Лук"янаў
Паўночная ягада з Санкт-Пецярбурга
Прагучалі ў Мінску і прывітальныя словы ад губернатара Паўночнай сталіцы Расіі, якія зачытаў намеснік старшыні камітэта па знешніх сувязях Санкт-Пецярбурга Андрэй Хлуткоў. Ён прадставіў самабытны калектыў - дзяржаўны тэатр песні і танца "Морошка" з Санкт-Пецярбурга.
©
Sputnik / Виктор Толочко
Намеснік старшыні камітэта па знешніх сувязях Санкт-Пецярбурга Андрэй Хлуткоў
Паводле яго слоў калектыў ужо пабываў са сваёй канцэртнай праграмай у Гродна, а заўтра пакажа яе жыхарам Бабруйска. Ён таксама запрасіў мінчан наведаць горад на Няве.
©
Sputnik / Виктор Толочко
Святочны канцэрт у Мінску з нагоды Дня Расіі
"Санкт-Пецярбург таксама гасцінны, як і Мінск", - сказаў ён.
Таксама перад мінчанамі і гасцямі беларускай сталіцы выступіў славуты дзяржаўны акадэмічны рускі народны ансамбль імя Людмілы Зыкінай. У яго выкананні прагучалі песні ваенных гадоў, а таксама душэўныя савецкія шлягеры.
©
Sputnik / Виктор Толочко
Выстава каля гарадской Ратушы ў Мінску, прымеркаваная да свята
Мінчане, якія прыйшлі на канцэрт, казалі, што "любяць і захапляюцца расійскімі артыстамі".
©
Sputnik / Виктор Толочко
Святочны канцэрт у Мінску з нагоды Дня Расіі
"Нам заўсёды прыемна бачыць нашых дарагіх расіян у Мінску. Мы ж родныя, у нас адна гісторыя, мы гаворым на адной мове, спяваем адны і тыя ж песні, выхаваны на вялікай літаратуры Пушкіна і Гогаля", - падзялілася ўражаннямі з карэспандэнтам Sputnik карэнная мінчанка Ірына Мікалаеўна.
©
Sputnik / Виктор Толочко
Святочны канцэрт у Мінску ля Ратушы
А яшчэ прыйшоўшыя на свята рабілі сэлфі з расійскім паслом Лук'янавым. "Мы цікавімся жыццём Расіі, мы цікавімся расійскімі навінамі", - распавядае Людміла.
©
Sputnik / Виктор Толочко
Святкаванне Дня Расіі у цэнтры Мінска
Паводле яе слоў, яна расіянка, але 25 гадоў жыве з мужам у Мінску. Захапляючыся святам, якое праходзіць сёння ў Мінску, яна выказала ідэю арганізаваць беларускі "Цягнік Памяці" па прыкладзе таго, які прыбыў у Беларусь з Расіі.
©
Sputnik / Виктор Толочко
Мінчане ў захапленні ад святочнага канцэрта
"Возьмёмся за руки, друзья!"
Пасол Лук'янаў у "кулуарах" свята пагутарыў з прэсай. Вядома, ён успомніў, сваё беларускае юнацтва і выказаўся пра бягучы момант.
"Што для мяне Беларусь? Зараз гэта месца працы. Яшчэ ў студзені я не ведаў пра тое, што прыеду сюды працаваць. (...) тут я правёў сваё малалецтва, вучыўся, і потым успрымаў Беларусь як частку велізарнай краіны - Савецкага Саюза", - расказаў пасол.
©
Sputnik / Виктор Толочко
Пасол Расіі ў Беларусі Яўген Лук"янаў
"Цяпер ёсць незалежная Беларусь, і ёсць незалежная Расія. Але куды мы дзенем стагоддзі агульнай гісторыі і культуры, агульныя каштоўнасці?" - задаў рытарычнае пытанне Лук'янаў.
©
Sputnik / Виктор Толочко
Квітней, Беларусь, и да здравствует Россия!
"Нас хочуць раскалоць і гэта цалкам зразумела, таму што тады мы былі б слабей, тады паасобку намі можна будзе лягчэй кіраваць, - сказаў дыпламат і працытаваў радкі савецкай песні. - "Возьмемся за руки, друзья, чтоб не пропасть поодиночке!".
Чытайце таксама:
- Гонар за спадчыну: Пуцін павіншаваў суайчыннікаў з Днём Расіі
- Загартаваныя адносіны: Лукашэнка павіншаваў Пуціна і расіян з Днём Расіі
- Расіян павіншавалі з Днём Расіі з космасу
Тэги:
Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.
Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.
"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.
Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.
Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.
З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.
Чытайце таксама:
- Фотафакт: часовы "дах" у Будслаўскім касцёле
- Помнік мітрапаліту Філарэту з'явіцца ў Мінску
- Бразільцы будуюць яшчэ адну статую Хрыста - і яна будзе вышэй ранейшай
Тэги:
Тэмы: