Прэм'ер-міністр Беларусі Раман Галоўчанка

Галоўчанка: санкцыі супраць Беларусі - гэта непрыкрыты ціск на краіну

26
(абноўлена 10:19 03.02.2021)
Паводле слоў кіраўніка ўрада, практыка прыняцця тых ці іншых санкцыйных мер супраць рэспублікі набірае абароты.

МІНСК, 3 лют – Sputnik. Санкцыі, уведзеныя некаторымі дзяржавамі ў дачыненні да Беларусі, з'яўляюцца прыкладам непрыкрытага ціску на рэспубліку, заявіў у эфіры тэлеканала "Беларусь 1" прэм'ер-міністр краіны Раман Галоўчанка.

Паводле слоў кіраўніка ўрада, практыка прыняцця тых ці іншых санкцыйных мер супраць рэспублікі набірае абароты.

"Калі раней гэта былі нейкія кропкавыя меры, сапраўды вывераныя, то цяпер гэта ператварылася фактычна ў інструмент нейкага агульнага ганьбавання і фактычна непрыкрытага ціску, што фактычна дыскрэдытуе прававую сістэму краін і іх аб'яднанняў", - сказаў Галоўчанка.

Ён адзначыў: пад санкцыйных удар трапляюць беларускія грамадзяне, якія кажуць не тое, што ад іх хочуць пачуць замежныя палітыкі.

"Санкцыі закранаюць як фізічных асоб, так і юрыдычных асоб, прадпрыемствы. Адзіная іх віна - што яны працуюць у гэтай краіне і абараняюць яе інтарэсы", - паведаміў прэм'ер.

Можна аспрэчыць

Галоўчанка таксама падкрэсліў, што пытанне адмены абмежавальных мер можна вырашыць, хоць гэта і зойме пэўны час - прэцэдэнты такіх дзеянняў ёсць.

"Аспрэчванне гэтых санкцый, вядома ж, мае практыку - у нас у гісторыі былі ўжо выпадкі, не так даўно, калі практычна ўсе санкцыі, якія былі ўведзеныя ў дачыненні да фізічных асоб і кампаній беларускіх, былі паспяхова апратэставаны ў тым жа судзе Еўрапейскага саюза", - заявіў ён.

Прэм'ер паведаміў: наколькі мэтазгодна зараз увязвацца ў юрыдычныя дэбаты па сітуацыі, якая склалася - трэба дадаткова ацаніць.

Еўрасаюз двойчы публікаваў санкцыйныя спіскі па Беларусі 2 кастрычніка і 6 лістапада, трэці - 17 снежня. Прэзідэнта Аляксандра Лукашэнкі ўнеслі ў "чорны спісак" у другім пакеце. Беларусь увяла люстраныя санкцыі супраць Еўрасаюза. У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве". 18 снежня ў МЗС рэспублікі заявілі, што падрыхтавалі "адчувальны адказ" на чарговыя абмежавальныя меры ЕС.

Чытайце таксама:

26
Тэги:
Беларусь, Еўрасаюз, санкцыі, Раман Галоўчанка
Прэзідэнт ЗША Джо Байдэн

Байдэн пагаварыў з Пуціным пра Беларусь

26
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

26
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн
(56:25 / 900.24Mb / просмотров видео: 615)

Прэс-канферэнцыя Пуціна на саміце Расія - ЗША ў Жэневе

13
(абноўлена 20:53 16.06.2021)
Першая сустрэча прэзідэнтаў Расіі і ЗША пасля абрання Байдэна на высокую пасаду складалася з трох частак: вузкай і двух пашыраных. Глядзіце на відэа прэс-канферэнцыю Уладзіміра Пуціна на саміце ў Жэневе.

Расійскі лідэр Уладзімір Пуцін упершыню сустрэўся з Джо Байдэнам пасля таго, як Байдэн заступіў на пасаду прэзідэнта ЗША. Папярэдні саміт Расія - ЗША прайшоў у 2018 годзе ў Хельсінкі, кіраўніком Белага дома тады быў Дональд Трамп.

Цяперашні саміт праходзіць у Жэневе на віле Ла Гранж. Перад пачаткам перамоў кіраўнікі дзяржаў паціснулі адзін аднаму рукі і сфатаграфаваліся з прэзідэнтам Швейцарыі Гі Пармеленам.

Першая сустрэча двух прэзідэнтаў складалася з трох частак: вузкай і двух пашыраных з перапынкам на чай-каву. Перамовы Пуціна і Байдэна працягваліся чатыры гадзiны.

Перад самітам у Маскве адзначалі змякчэнне рыторыкі з боку Вашынгтона, хоць ноткі стрымлівання па-ранейшаму захоўваюцца, пра гэта заяўляў прэс-сакратар расійскага лідэра Дзмітрый Пяскоў.

"Для таго, каб разабрацца, наколькі яны разыходзяцца ў меркаваннях, наколькі крытычныя супярэчнасці ёсць паміж РФ і ЗША, трэба спачатку сесці пагаварыць", - рэзюміраваў ён.

Чытайце таксама:

13
Тэги:
відэа, Жэнева, ЗША, Расія, Саміт, Уладзімір Пуцін, прэс-канферэнцыя