Будынак міністэрства замежных спраў РФ

Магчымыя санкцыі з-за Навальнага пракаменціравалі ў МЗС РФ

22
(абноўлена 11:50 03.02.2021)
Заходнім краінам нагода не патрэбна, яны яе заўсёды прыдумаюць: так у МЗС РФ пракаменціравалі магчымае ўвядзенне новых санкцый з-за сітуацыі з Аляксеем Навальным.

МІНСК, 3 лют – Sputnik. Сіманаўскі суд Масквы ў аўторак пастанавіў адмяніць Аляксею Навальнаму ўмоўны тэрмін па справе кампаніі "Іў Рашэ". Блогеру замянілі яго на 3,5 гады калоніі агульнага рэжыму.

Раней МЗС РФ параіў замежным палітыкам паважаць міжнароднае права і заняцца праблемамі ўнутры сваіх краін. Як адзначыла афіцыйны прадстаўнік ведамства Марыя Захарава, заявы заходніх палітыкаў па сітуацыі з Навальным ідуць "як пад капірку".

Каментуючы магчымасць новых санкцый Захаду з-за суда над Навальным, Захарава заявіла, што нагода для такіх крокаў гэтым краінам даўно не патрэбна.

"Калі яна (нагода - Sputnik) ёсць, яны яе дастануць з самага цёмнага кута, калі яе няма - яны яе прыдумаюць ці створаць. Гэта тактыка, якая была ў 2020 годзе, у 2016 годзе, у 2011 годзе. Гэта палітыка спробы стрымлівання ажыццяўляецца на працягу ўжо многіх гадоў. І мы бачым, што падставу яны выкарыстоўваюць зусім розную", - сказала Захарава ў эфіры "Соловьев LIVE".

Справа Навальнага

Прадстаўлення ФСВП аб замене Аляксею Навальнаму ўмоўнага тэрміну рэальным суды разглядалі ўжо тройчы, але да гэтага часу адмаўлялі, падаўжаючы выпрабавальны тэрмін. Пры гэтым за апошнія тры гады, па дадзеных ФСВП, Навальны амаль 60 разоў не адзначыўся ў тэрмін у крымінальна-выканаўчай інспекцыі. Акрамя таго, ён неаднаразова атрымліваў адміністрацыйныя пакаранні ад буйных штрафаў да арыштаў.

Кожны з гэтых фактаў нават паасобку пагражаў асуджанаму адменай прывілеі адбываць тэрмін ўмоўна. Толькі ў 2020-м у Расіі ўмоўны тэрмін быў заменены рэальным 11,3 тысячам чалавек, а ў 2019-м - больш за 15 тысяч.

Акрамя таго, Еўрапейскі суд раней абверг сцвярджэнні аб тым, што Навальнага пераследуюць выключна за палітычную дзейнасць: Страсбург не прызнаў палітычнай падаплёкі ў справе "Іў Рашэ".

Чытайце таксама:

22
Тэги:
санкцыі, Аляксей Навальны, МЗС РФ
Пасяджэнне Еўрапейскага Савета ў Брусэлі

ЕС на год працягнуў санкцыі супраць Беларусі

7
(абноўлена 09:28 26.02.2021)
У Еўрасаюзе дадзенае рашэнне патлумачылі працягам рэпрэсій супраць мірных дэманстрантаў і прадстаўнікоў СМІ.

МІНСК, 26 лют - Sputnik. Еўрапейскі саюз да 28 лютага наступнага года працягнуў санкцыі, уведзеныя ў дачыненні да Беларусі, гаворыцца ў дакуменце, распаўсюджаным ЕС.

"Савет (Еўрасаюза - Sputnik) вырашыў падоўжыць да 28 лютага 2022 года абмежавальныя меры ў дачыненні да высокапастаўленых асоб за рэпрэсіі, запалохванне мірных дэманстрантаў, прадстаўнікоў апазіцыі і журналістаў Беларусі", - адзначаецца ў заяве.

Там таксама адзначаецца, што санкцыйныя меры будуць яшчэ год дзейнічаць супраць грамадзян рэспублікі, якія, на думку чыноўнікаў ЕС, датычныя да фальсіфікацыі прэзідэнцкіх выбараў, якія прайшлі ў Беларусі ў жніўні 2020 года.

Як раней паведамляў Sputnik, на гэтым тыдні Еўрапейскі саюз прыняў рашэнне пачаць працэс падрыхтоўкі новага - чацвёртага - пакета санкцый у дачыненні да рэспублікі.

Санкцыі

Раней Еўрасаюз двойчы публікаваў санкцыйныя спіскі па Беларусі 2 кастрычніка і 6 лістапада, трэці - 17 снежня. Прэзідэнта Аляксандра Лукашэнку ўнеслі ў "чорны спіс" у другім пакеце. Беларусь увяла люстраныя санкцыі супраць Еўрасаюза. У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве".

У МЗС рэспублікі з гэтай нагоды заявілі, што падрыхтавалі адказ на чарговыя абмежавальныя меры ЕС.

Акрамя Вялікабрытаніі, санкцыі ў дачыненні да некаторых беларускіх грамадзян увялі і ЗША. У амерыканскі санкцыйных спісак трапілі 43 беларускіх чыноўніка, сярод якіх высокапастаўленыя асобы са сферы юстыцыі, камандуючыя і радавыя супрацоўнікі праваахоўных органаў, якія "здзейснілі супрацьпраўныя дзеянні ў адносінах да мірных дэманстрантаў", асобныя суддзі, супрацоўнікі пракуратуры і работнікі адукацыйных устаноў.

Чытайце таксама:

7
Тэги:
СМІ, Еўрасаюз, Беларусь, ЕС, санкцыі
Пасольства Расіі в Беларусі

Пасол Расіі сустрэўся з дзяржсакратаром Савета бяспекі Беларусі

11
(абноўлена 09:24 26.02.2021)
Мезенцаў абмеркаваў з дзяржсакратаром Савета бяспекі "актуальныя пытанні расійска-беларускага супрацоўніцтва" і парадак узаемадзеяння ў сферы міжнароднай бяспекі.

МІНСК, 26 лют – Sputnik. Напярэдадні пасол Расіі ў Беларусі Дзмітрый Мезенцаў правёў сустрэчу з дзяржсакратаром Савета бяспекі рэспублікі Аляксандрам Вальфовічам, паведамілі ў прэс-службе расійскага пасольства ў Мінску.

"На сустрэчы былі абмеркаваны актуальныя пытанні расійска-беларускага супрацоўніцтва, а таксама перспектыўны парадак узаемадзеяння ў сферы міжнароднай бяспекі", - раскрылі дэталі сустрэчы ў пасольстве.

У прэс-службе дадалі, што бакі пацвердзілі прыхільнасць курсу стратэгічнага партнёрства, умацаванню кантактаў і развіццю сумесных праектаў у сферы абароны і праваахоўнай дзейнасці.

Сустрэча ў Палацы Незалежнасці

Сёння прэзідэнт Аляксандр Лукашэнка прымаў з дакладам дзяржсакратара Савета бяспекі. Кіраўнік дзяржавы заявіў аб неабходнасці рэфармавання працы СБ. Паводле слоў Лукашэнкі, абапірацца ў гэтай працы трэба на вопыт аналагічных структур у блізкіх краінах. У якасці прыкладу прэзідэнт прывёў Расію і Казахстан.

Акрамя таго, Лукашэнка адзначыў жаданне знешніх сіл расхістаць становішча ў Беларусі.

"На шчасце, мы выявілі ўсе гэтыя цэнтры. Ведаем ўсіх гэтых "змагароў" і збеглых з Беларусі. Але ведаць мала. Гэтаму трэба супрацьстаяць. Як будзем дзейнічаць у выпадку абвастрэння сітуацыі - усё трэба да дробязей прадугледзець з улікам вопыту і Беларусі, і Расіі , і Арменіі, і Кыргызстана, і Украіны (вы бачыце, успыхнула зноў Украіна), і іншых постсавецкіх рэспублік. Мы даўно пра гэта дамаўляліся, і я думаю, што вы ўжо да гэтага гатовы", - сказаў Лукашэнка.

Чытайце таксама:

11
Тэги:
Савет бяспекі Беларусі, Дзмітрый Мезенцаў, Расія, пасол
Тэмы:
Саюзная дзяржава Беларусі і Расіі