Сустрэча кіраўніка МЗС РФ Сяргея Лаўрова і вярхоўнага прадстаўніка ЕС Жозэпа Барэля

Лаўроў параўнаў жорсткасць паліцыі на акцыях пратэсту ў Расіі, ЗША і ЕС

55
(абноўлена 16:13 05.02.2021)
Падчас апошніх акцый у Расіі паліцэйскія былі не раз атакаваныя пратэстуючымі, але самі не ўжывалі ніякіх спецыяльных сродкаў, заявіў кіраўнік МЗС РФ Сяргей Лаўроў.

МІНСК, 5 лют – Sputnik. Жорсткасць расійскіх паліцэйскіх несупастаўная з дзеяннямі іх калег у ЗША ці Еўрасаюзе, лічыць міністр замежных спраў РФ.

Расійскі бок ужо перадаў у Брусэль кадры жорсткага абыходжання паліцэйскіх з удзельнікамі вулічных акцый, якія былі зняты ў ЗША і Еўропе, заявіў Сяргей Лаўроў на прэс-канферэнцыі, якая была арганізавана пасля перамоў з вярхоўным прадстаўніком ЕС па замежных справах і палітыцы бяспекі Жозэпам Барэлем. Да прыкладу, ёсць кадры, як амерыканскі паліцэйскі пераязджае пратэстуючых, якія ляжаць на зямлі.

"Нічога блізкага не было ў нас. У Расіі паліцэйскія падчас апошніх дэманстрацый шматразоўна былі атакаваныя і не ўжывалі ніякіх спецыяльных сродкаў, уключаючы слёзатачывы газ. Слёзатачывы газ ўжывалі дэманстранты супраць паліцыі", - звярнуў увагу Лаўроў.

Ён таксама дадаў, што напярэдадні размаўляў з дзяржсакратаром ЗША Энтані Блінкенам і закрануў сітуацыю вакол Навальнага і пратэстных акцый. У тым ліку Лаўроў пацікавіўся, ці няма нейкай інфармацыі пра тое, дзе і ў якіх умовах утрымліваюцца затрыманыя падчас штурму Капітолія.

"Іх, па некаторых дадзеных, недзе 400 чалавек. Некалькі дзесяткаў з іх абвінавачваюцца ў нападзенні на паліцыю. Згодна з амерыканскімі законамі, гэта ад аднаго да 20 гадоў пазбаўлення волі", - адзначыў Лаўроў.

Згадаў ён і аб працэсе над трыма асуджанымі ў Іспаніі, якіх прысудзілі да 10 і больш гадоў турмы за арганізацыю рэферэндуму ў Каталоніі. Калі судовыя ўлады Бельгіі і Германіі звярнуліся ў Мадрыд з патрабаваннем адмяніць палітызаванае рашэнне, іспанскія ўлады адказалі, што прымаюць рашэнні па сваіх законах.

Справа Навальнага

Што да сітуацыі вакол Аляксея Навальнага і магчымых санкцый з-за яго арышту, то кіраўнік МЗС РФ нагадаў, што для Расіі ЕС даўно з'яўляецца ненадзейным партнёрам. І да пытання ўвядзення любых абмежаванняў у Маскве ставяцца як да ўнутрана справы Еўрапейскага саюза.

"Мы сваё жыццё выбудоўваем зыходзячы з таго, што Еўрасаюз з'яўляецца ненадзейным партнёрам, па меншай меры, на дадзеным этапе. Спадзяюся, што стратэгічны агляд, які прыйдзе, усё ж такі зверне ўвагу на карэнныя інтарэсы Еўрасаюза ў сваім найбліжэйшым суседстве", - сказаў Лаўроў .

І дадаў, што ў Еўропе пачынаюць прыслухоўвацца, але ёсць пазіцыя Берліна, дзе з самога пачатку ўсё вырашылі па гэтым пытанні і аб'явілі ўсім.

"Улічваючы прынцып салідарнасці ў ЕС, я не здзіўляюся гэтай пазіцыі. Але я ўпэўнены, што недарэчнасць такога падыходу, недарэчнасць такой пазіцыі выдатна разумее большасць палітыкаў у Еўропе. Гэта відавочная рэч", - падкрэсліў ён.

Нагадаем, Навальнага шпіталізавалі ў Омску 20 жніўня пасля таго, як яму стала дрэнна ў самалёце. Па выніках абследаванняў лекары дыягнаставалі ў апазіцыйнага палітыка парушэнне абмену рэчываў, якое выклікала рэзкае змяненне цукру ў крыві. Ядаў ў крыві і мачы Навальнага, па дадзеных омскіх лекараў, не было. Пазней Навальнага перавезлі на самалёце ў Германію, дзе ён прайшоў курс рэабілітацыі.

У студзені ён вырашыў вярнуцца ў Расію і быў затрыманы ў аэрапорце. Сіманаўскі суд Масквы ў аўторак пастанавіў адмяніць Аляксею Навальнаму ўмоўны тэрмін па справе кампаніі "Іў Рашэ". Блогеру замянілі яго на 3,5 гады калоніі агульнага рэжыму.

Чытайце таксама:

55
Тэги:
ЕС, ЗША, Расія, акцыі пратэстаў, Сяргей Лаўроў
Мяжа цяпер увесь час на замку

У пагранкамітэце адказалі на самыя частыя пытанні аб выездзе з Беларусі

28
(абноўлена 16:30 01.03.2021)
Пагранічная служба распавяла пра тое, якія дакументы патрэбны, каб перасячы наземную мяжу краіны і як часта могуць выязджаць з Беларусі тыя, у каго ёсць права на пастаяннае пражыванне за мяжой.

МІНСК, 1 сак – Sputnik. Грамадзяне Беларусі, якія маюць права пастаянна пражываць у іншай дзяржаве, могуць выязджаць з Беларусі да месца жыхарства за мяжой адзін раз у шэсць месяцаў, адзначылі ў прэс-службе Дзяржаўнага пагранічнага камітэта рэспублікі (ДПК).

Для выезду з Беларусі ПЦР-тэст не патрабуецца, падкрэслілі ў пагранкамітэце.

Калі чалавек пакідае краіну па працы, яму абавязкова мець пры сабе акрамя пашпарта загад аб камандзіраванні альбо выпіску з яго. Пажадана прад'явіць пагранічнікам арыгінал дакумента, аднак копіі таксама будзе дастаткова. Акрамя таго, замест загада можна прад'яўляць камандзіровачнае пасведчанне.

Тыя, хто выязджае з Беларусі па вучобе павінны мець пры сабе пашпарт, арыгінал дагавора або даведку аб атрыманні адукацыі. Акрамя таго, у іх павінна быць віза для ўезду ў тую краіну, у якую яны накіроўваюцца.

Для тых, хто едзе за мяжу ў сувязі з хваробай або гібеллю блізкага чалавека, неабходна мець на руках "арыгінал тэлеграмы з указаннем факта смерці (хваробы)", завераны ўрачом. Замест яго можна прад'явіць пасведчанне пра смерць альбо яго копію.

У ДПК таксама распавялі пра тое, як часта можна пакідаць краіну праз паветраную мяжу. Па дадзеных пагранкамітэта, выезд беларусаў і замежных грамадзян з рэспублікі не абмежаваны, аднак здзяйсняць паездкі можна не раней заканчэння тэрміну самаізаляцыі.

Нагадаем, з 21 снежня 2020 года Беларусі ўступілі ў сілу новыя правілы, паводле якіх большасці беларусаў забаронена выязджаць у краіны ЕС або Украіну праз наземныя межы.

Чытайце таксама:

28
Тэги:
мяжа, дакументы, Беларусь, Дзяржпагранкамітэт Беларусі
Маскоўскі Крэмль

У Крамлі пракаментавалі адмову Байдэна прызнаць Крым расійскім

12
(абноўлена 15:25 01.03.2021)
Анэксіі паўвострава не было, заявіў прэс-сакратар прэзідэнта Расіі, а ўз'яднанне Крыма праходзіла строга па міжнародных правілах і нормах.

МІНСК, 1 сак – Sputnik. Прэс-сакратар прэзідэнта Расіі пракаментаваў словы лідара ЗША пра нежаданне прызнаваць анэксію Крыма.

Па словах Дзмітрыя Пяскова, анэксію Крыма на самай справе і не трэба прызнаваць.

"Таму што яе не было", - дадаў ён.

Пяскоў падкрэсліў, што ўз'яднанне паўвострава праходзіла па міжнародных нормах, правілах. Волевыяўленне было сумленным і адкрытым.

Раней Джо Байдэн сказаў, што Амэрыка ніколі не прызнае анэксію Крыма. Афіцыйны сайт Белага дома апублікаваў заяву прэзідэнта, дзе той назваў Крым часткай Украіны. Па словах амерыканскага лідэра, Расія парушыла міжнароднае права і суверэнітэт краіны-суседкі.

Заяву Байдэна пракаментавалі і дэпутаты Дзярждумы РФ. Яны нагадалі, што на паўвостраве быў праведзены рэферэндум. І 96 адсоткаў жыхароў Крыма выказаліся за далучэнне да Расійскай Федэрацыі.

Некаторыя сенатары адзначылі, што ад слоў Байдэна сам па сабе гістарычны факт, што Крым - гэта Расія, не зменіцца.

Крым увайшоў у склад Расіі ў 2014 годзе. Тады ў сакавіку быў праведзены рэферэндум на паўвостраве. Гэтай падзеі папярэднічалі доўгія акцыі пратэсту ў Кіеве, так званы Еўрамайдан. Вынікам стала зрушэнне з пасады прэзідэнта Віктара Януковіча і яго Кабінета міністраў. У Крыме многія ўспрынялі такія навіны як дзяржпераварот.

Украіна, краіны-члены ЕС, а таксама ЗША не прызналі вынікаў галасавання па крымскаму рэферэндуму, прагучалі заявы пра захоп гэтай тэрыторыі Расіяй.

Чытайце таксама:

12
Тэги:
Расія, Дзмітрый Пяскоў, Крым, Джо Байдэн, Крэмль
Які сёння дзень: 2 сакавіка

Які сёння дзень: 2 сакавіка 2021 года

0
(абноўлена 18:06 01.03.2021)
Гэты дзень з'яўляецца шэсцьдзясят першым па грыгарыянскім календары, таму да канца года засталося 304 дні.

Якія падзеі адбыліся 2 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 2 сакавіка

  • У 1992 годзе Беларусь устанавіла дыпламатычныя адносіны з Польшчай.
  • У 1994 годзе Вярхоўны Савет Беларусі пpагаласаваў за пpэзідэнцкyю фоpмy кipавання.

Хто нарадзіўся 2 сакавіка

  • 1562 год: Крыштаф Дарагастайскі, дзяржаўны дзеяч ВКЛ, доктар медыцыны.
  • 1896 год: Станіслаў Глякоўскі, каталіцкі святар, беларускі рэлігійна-грамадскі дзеяч, выдавец.
  • 1918 год: Алесь Бачыла, беларускі паэт.
  • 1931 год: Леніна Міронава, беларускі архітэктар, педагог, мастацтвазнаўца.

Таксама сёння нарадзіліся чэшскі кампазітар Бедржых Сметана, яўрэйскi пiсьменнiк Шолам-Алейхем і прэзідэнт СССР Міхаіл Гарбачоў.

2 сакавіка ў народным календары

Сёння праваслаўныя вернікі шануюць памяць вялікапакутніка Фёдара, якому моляцца пра знаходку страчаных рэчаў і людзей, якія зніклі без вестак. Таксама лічыцца, што святы абараняе дом ад злодзеяў.

У народзе лічылі, што сны, якія бачылі з 1 на 2 сакавіка, хутка спраўдзяцца.

Калі 2 сакавіка шмат ледзяшоў, будзе добры ўраджай. Калі аблокі плывуць з заходу – будзе дождж.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей