Тэлевізар, архіўны фотаздымак

Латвія на год забараняе трансляцыю тэлеканала "Россия-РТР"

14
(абноўлена 15:39 08.02.2021)
Мясцовы рэгулятар рынку СМІ лічыць, што такімі абмежаваннямі ён абараняе інфармацыйную прастору рэспублікі.

МІНСК, 8 лют – Sputnik. Рэтрансляцыю тэлеканала "Россия-РТР" у Латвіі забароняць на год, такое рашэнне прыняў Нацыянальны савет па электронных СМІ рэспублікі. Рашэнне аб забароне ўступіць у сілу 15 лютага.

"Мы сваю інфапрастору абаранялі і будзем абараняць. Савет прыняў рашэнне на год забараніць трансляцыю канала "Россия-РТР", - заявіў кіраўнік савета Івар Абаліньш.

Раней гэтае ведамства запусціла працэдуру абмежавання вяшчання расійскага тэлеканала. Як заяўлялі ў Нацсавеце, нагодай стала "распальванне варожасці ў перадачы "60 хвілін".

Дарэчы, Нацыянальны савет па электронных СМІ не ўпершыню абмяжоўвае трансляцыю тэлеканала "Россия-РТР". У студзені 2019 года яе спынялі на тры месяцы.

Забарона на расійскія СМІ

Улады прыбалтыйскіх краін неаднаразова абмяжоўвалі работу расійскіх СМІ. У канцы 2019 года супрацоўнікі Sputnik Эстонія атрымалі ад мясцовых праваахоўных органаў апавяшчэнні з патрабаваннямі спыніць дзейнасць, у адваротным выпадку супраць журналістаў будуць распачаты крымінальныя справы. У выніку рэдакцыя Sputnik Эстонія спыніла працу.

Узамен быў створаны новы інфармацыйны рэсурс Sputnik Meedia, ён пачаў працаваць у Эстоніі 2 лютага 2021 года. Асноўны склад калектыву склалі былыя супрацоўнікі Sputnik Estonia.

У МЗС РФ не раз звярталі ўвагу еўрапейскіх калег аб відавочных прыкметах скаардынаванай лініі Літвы, Латвіі і Эстоніі ў плане абмежавання працы расійскіх медыя.

Множныя выпадкі прыгнёту СМІ "наглядна паказваюць, чаго на практыцы вартыя дэмагагічныя заявы аб прыхільнасці Вільнюса, Рыгі і Таліна да прынцыпаў дэмакратыі і свабоды слова", адзначалі ў расійскім знешнепалітычным ведамстве.

Чытайце таксама:

14
Тэги:
тэлеканал, Расія, Эстонія, Латвія, СМІ
Прэзідэнт ЗША Джо Байдэн

Байдэн пагаварыў з Пуціным пра Беларусь

26
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

26
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн
(56:25 / 900.24Mb / просмотров видео: 615)

Прэс-канферэнцыя Пуціна на саміце Расія - ЗША ў Жэневе

13
(абноўлена 20:53 16.06.2021)
Першая сустрэча прэзідэнтаў Расіі і ЗША пасля абрання Байдэна на высокую пасаду складалася з трох частак: вузкай і двух пашыраных. Глядзіце на відэа прэс-канферэнцыю Уладзіміра Пуціна на саміце ў Жэневе.

Расійскі лідэр Уладзімір Пуцін упершыню сустрэўся з Джо Байдэнам пасля таго, як Байдэн заступіў на пасаду прэзідэнта ЗША. Папярэдні саміт Расія - ЗША прайшоў у 2018 годзе ў Хельсінкі, кіраўніком Белага дома тады быў Дональд Трамп.

Цяперашні саміт праходзіць у Жэневе на віле Ла Гранж. Перад пачаткам перамоў кіраўнікі дзяржаў паціснулі адзін аднаму рукі і сфатаграфаваліся з прэзідэнтам Швейцарыі Гі Пармеленам.

Першая сустрэча двух прэзідэнтаў складалася з трох частак: вузкай і двух пашыраных з перапынкам на чай-каву. Перамовы Пуціна і Байдэна працягваліся чатыры гадзiны.

Перад самітам у Маскве адзначалі змякчэнне рыторыкі з боку Вашынгтона, хоць ноткі стрымлівання па-ранейшаму захоўваюцца, пра гэта заяўляў прэс-сакратар расійскага лідэра Дзмітрый Пяскоў.

"Для таго, каб разабрацца, наколькі яны разыходзяцца ў меркаваннях, наколькі крытычныя супярэчнасці ёсць паміж РФ і ЗША, трэба спачатку сесці пагаварыць", - рэзюміраваў ён.

Чытайце таксама:

13
Тэги:
відэа, Жэнева, ЗША, Расія, Саміт, Уладзімір Пуцін, прэс-канферэнцыя