Міністр замежных спраў РФ Сяргей Лаўроў

Лаўроў назваў умову нармалізацыі адносін з ЕС

26
(абноўлена 20:15 08.02.2021)
Па словах расійскага міністра, Масква зацікаўлена ў аднаўленні супрацоўніцтва з ЕС у асобных сферах.

МІНСК, 9 лют – Sputnik. Расія не з'яўлялася ініцыятарам астуджэння адносін з Еўрапейскім саюзам, Масква настроена на нармалізацыю ўзаемадзеяння ў асобных сферах, калі двухбаковы дыялог не будзе прыносіцца ў ахвяру палітычным інтарэсам, заявіў у панядзелак кіраўнік МЗС РФ Сяргей Лаўроў.

"Па выніках візіту ў Маскву 4-6 лютага высокі прадстаўнік ЕС у сваім блогу апублікаваў шэраг каментарыяў. У адным з іх падае справу так, быццам "Расія імкліва аддаляецца ад Еўропы". Падчас перамоваў з Барэлем ў Маскве я як раз казаў пра важнасць выбудоўваць адносіны Расія-ЕС на сістэмнай аснове", - сказаў ён.

Паводле слоў Лаўрова, у 2014 годзе Еўрасаюз сам абрынуў структуру шматпланавых адносін з Расіяй, якая стваралася гадамі, а прычынай гэтага была падтрымка з боку ЕС дзяржперавароту на Украіне.

Міністр пералічыў вынікі такога кроку: былі прыпынены сустрэчы ўрада РФ з Еўракамісіяй, правядзенне самітаў Расія - ЕС, "замарожаны" фарматы Пастаяннага савета партнёрства Расія - ЕС, а таксама два дзесяткі галіновых дыялогаў.

Хто ад каго аддаляецца?

Лаўроў удакладніў, што пры гэтым узнікае слушнае пытанне: хто ад каго аддаляецца - Еўрасаюз ад Расіі ці наадварот?

"Што тычыцца расійскага боку, то мы ў чарговы раз пацвердзілі на перамовах у Маскве нашу нацэленасць на нармалізацыю ўсяго комплексу адносін з Еўрасаюзам - на аснове не аднабаковых патрабаванняў, а ўзаемнай павагі і ўліку інтарэсаў адзін аднаго", - сказаў кіраўнік МЗС РФ.

Ён таксама назваў напрамкі, якія былі б выгадныя абодвум бакам: гэта ўзаемадзеянне ў галіне аховы здароўя, навукі і тэхналогій, сумесная праца ў сферы барацьбы са зменай клімату.

"Калі дадаць ключавы традыцыйны напрамак энергетыкі, то атрымаецца цалкам салідны ўзаемавыгадны парадак дня, калі не прыносіць яе ў ахвяру геапалітычным гульням", - сказаў на заканчэнне Лаўроў.

Чытайце таксама:

26
Тэги:
ЕС, Расія, Сяргей Лаўроў
Прэзідэнт ЗША Джо Байдэн

Байдэн пагаварыў з Пуціным пра Беларусь

28
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

28
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн
(56:25 / 900.24Mb / просмотров видео: 615)

Прэс-канферэнцыя Пуціна на саміце Расія - ЗША ў Жэневе

13
(абноўлена 20:53 16.06.2021)
Першая сустрэча прэзідэнтаў Расіі і ЗША пасля абрання Байдэна на высокую пасаду складалася з трох частак: вузкай і двух пашыраных. Глядзіце на відэа прэс-канферэнцыю Уладзіміра Пуціна на саміце ў Жэневе.

Расійскі лідэр Уладзімір Пуцін упершыню сустрэўся з Джо Байдэнам пасля таго, як Байдэн заступіў на пасаду прэзідэнта ЗША. Папярэдні саміт Расія - ЗША прайшоў у 2018 годзе ў Хельсінкі, кіраўніком Белага дома тады быў Дональд Трамп.

Цяперашні саміт праходзіць у Жэневе на віле Ла Гранж. Перад пачаткам перамоў кіраўнікі дзяржаў паціснулі адзін аднаму рукі і сфатаграфаваліся з прэзідэнтам Швейцарыі Гі Пармеленам.

Першая сустрэча двух прэзідэнтаў складалася з трох частак: вузкай і двух пашыраных з перапынкам на чай-каву. Перамовы Пуціна і Байдэна працягваліся чатыры гадзiны.

Перад самітам у Маскве адзначалі змякчэнне рыторыкі з боку Вашынгтона, хоць ноткі стрымлівання па-ранейшаму захоўваюцца, пра гэта заяўляў прэс-сакратар расійскага лідэра Дзмітрый Пяскоў.

"Для таго, каб разабрацца, наколькі яны разыходзяцца ў меркаваннях, наколькі крытычныя супярэчнасці ёсць паміж РФ і ЗША, трэба спачатку сесці пагаварыць", - рэзюміраваў ён.

Чытайце таксама:

13
Тэги:
відэа, Жэнева, ЗША, Расія, Саміт, Уладзімір Пуцін, прэс-канферэнцыя
Які сёння дзень: 17 чэрвеня 2021 года

Які сёння дзень: 17 чэрвеня 2021 года

0
(абноўлена 12:10 16.06.2021)
Гэты дзень з'яўляецца сто шасцьдзясят восьмым па грыгарыянскім календары, да канца года засталося 197 дзён.

Сёння адзначаецца Сусветны дзень барацьбы з апустыньваннем і засухай. Якія яшчэ падзеі адбыліся 17 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 17 чэрвеня

  • У 1416 годзе Канстанцкі сабор прыняў рашэнне, паводле якога Жамойць у адміністрацыйным дачыненні падпарадкоўвалася імператару Жыгімонту, а ў царкоўным — польскім і літоўскім біскупам.
  • У 1793 годзе ў Гародні пачаўся апошні сойм Рэчы Паспалітай.
  • У 1907 годзе на з’ездзе ў Вільні створана Краёвая партыя Літвы і Беларусі.

Хто нарадзіўся 17 чэрвеня

  • 1934 год: Барыс Даўгатовіч, беларускі гісторык і літаратар.

Таксама сёння нарадзіліся расійскі кампазітар Ігар Стравінскі і польскі кінарэжысёр Кшыштаф Занусі.

17 чэрвеня ў народным календары

Сёння праваслаўныя вернікі шануюць памяць свяціцеля Мітрафана.

Палявыя работы, нягледзячы на спякоту, не прыпыняліся – сяляне раскідвалі па палях, якія "адпачываюць" – гэта значыць, не засяваюцца ў гэтым годзе, угнаенні.

Таксама сеялі грэчку. Пра тое, што час для гэтага настаў, казалі паружавеўшыя ягады суніц.

Калі ў гэты дзень быў дождж, ён мог зацягнуцца яшчэ на два-тры дні.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей