Міністр замежных спраў РФ Сяргей Лаўроў

Захад спрабуе зрабіць Расію "паслухмянай" краінай, заявіў Лаўроў

22
(абноўлена 14:36 10.02.2021)
Краіны Захаду спрабуюць зрабіць Расію зручнай тэрыторыяй для прасоўвання ўласных інтарэсаў, лічыць кіраўнік МЗС РФ Сяргей Лаўроў.

МІНСК, 10 лют – Sputnik. Спробы Захаду становяцца ўсё больш жорсткімі, адзначыў кіраўнік МЗС РФ.

Паводле яго слоў, становішча на сусветнай арэне імкліва развіваецца. І любыя спробы Расіі адстойваць правы на незалежную знешнюю палітыку і абарону міжнароднага права сутыкаюцца з супраціўленнем заходніх калег.

"Хочуць зрабіць нас, па вялікім ліку, "паслухмянымі", хочуць нас прымусіць пагадзіцца з тымі вельмі сумніўнымі інтэрпрэтацыямі агульначалавечых каштоўнасцей, якія яны самі вызнаюць і якія супярэчаць расійскай культурнай традыцыі, нашым цывілізацыйным традыцыям", - сказаў Лаўроў.

У Дзень дыпламатычнага работніка, які адзначаецца ў Расіі 10 лютага, Лаўроў наведаў цырымонію ўскладання кветак да мемарыяльных дошак памяці загінуўшых падчас вайны супрацоўнікаў МЗС, міністэрства знешняга гандлю, памяці ахвяр рэпрэсій 1930-40-х гадоў і памяці работнікаў дыпслужбы, якія загінулі пры выкананні службовых абавязкаў.

Паводле слоў Лаўрова, сілу, веды і вопыт расійскіх дыпламатаў трэба самым актыўным чынам задзейнічаць для прасоўвання знешнепалітычнага курсу, які раней вызначыў прэзідэнт Расіі.

Прафесійнае свята расійскіх дыпламатаў адзначаецца з 2002 года. Дата абрана невыпадкова: да 10 лютага 1549 года адносіцца першае дакументальнае згадванне аб знешнепалітычным ведамстве на Русі - Пасольскім загадзе. Узначаліў першы ў гісторыі Расіі орган знешніх зносін дзяк Іван Віскаваты.

Чытайце таксама:

22
Тэги:
Расія, Масква, МЗС РФ, Сяргей Лаўроў
Прэзідэнт РФ Уладзімір Пуцін прыняў удзел у пасяджэнні калегіі ФСБ РФ

Пуцін распавёў пра "анекдатычныя тэорыі змовы" супраць Расіі

5
(абноўлена 16:43 24.02.2021)
Абвінавачванні ў адрас Расійскай Федэрацыі, а таксама спробы паставіць пад сумненне дасягненні краіны безапеляцыйныя і бяздоказныя, адзначыў прэзідэнт.

МІНСК, 24 лют – Sputnik. Мэтанакіраваная інфармацыйная кампанія вядзецца ў дачыненні да РФ, заявіў прэзідэнт краіны Уладзімір Пуцін на пасяджэнні калегіі ФСБ.

Расійскі лідэр заявіў, што РФ абвінавачваюць па цэлым шэрагу пытанняў і робяць гэта без якіх-небудзь доказаў. Пуцін таксама назваў спробы скампраметаваць Расію "анэкдатычнымі тэорыямі змовы".

"Недружалюбнае стаўленне да Расіі і да шэрага іншых самастойных суверэнных цэнтраў сусветнага развіцця нават не спрабуюць хаваць. Але справа далёка не ў такой агрэсіўнай рыторыцы, а ў рэальных практычных дзеяннях. Супраць нас вядзецца мэтанакіраваная інфармацыйная кампанія з безапеляцыйнымі і бяздоказнымі абвінавачваннямі па цэлым шэрагу пытанняў", - цытуе яго РІА Навіны.

У свеце ідзе палітыка стрымлівання Расіі, пра што ўлады краіны ўжо даўно ведаюць, падкрэсліў Пуцін. Прэзідэнт дадаў, што гаворка ідзе не аб натуральнай канкурэнцыі паміж краінамі, але аб "паслядоўнай і вельмі агрэсіўнай лініі". Мэтай такой палітыкі, на яго думку, з'яўляецца стварэнне праблем "па вонкавым перыметры і контуры" і зрыў развіцця Расіі.

У якасці прыкладу прэзідэнт прывёў спробы ўсумніцца ў дасягненнях Расіі ў сферы медыцыны, а менавіта - у пытаннях барацьбы з пандэміяй COVID-19.

Плацяць з-за бугра

Прэзідэнт заявіў, што трэба выразна размяжоўваць натуральную для любога грамадства палітычную канкурэнцыю і дзеянні, "якія не маюць нічога агульнага з дэмакратыяй і накіраваны на падрыў стабільнасці і бяспекі" Расіі, а таксама на абслугоўванне чужых інтарэсаў.

"Інтарэсаў тых, пра якія ў народзе кажуць, якія з-за бугра плацяць за гэтую дзейнасць, але плацяць у сваіх інтарэсах, а не ў нашых", - адзначыў Пуцін.

Бесперспектыўныя санкцыі

Расійскі лідэр заявіў, што краіну спрабуюць "скаваць" санкцыямі, у тым ліку эканамічнымі.

"Падобная лінія ў дачыненні да Расіі абсалютна беспэрспэктыўная", - падкрэсліў Пуцін і дадаў, што часцяком блакіроўка буйных міжнародных праектаў, справакаваная эканамічнымі рэстрыкцыямі, шкодзіць не толькі Расіі, але і яе замежным партнёрам.

Па словах Пуціна, у спробах умяшацца ў палітыку расійскай дзяржавы, актыўна выкарыстоўваюцца інструменты з арсенала спецслужбаў.

"У сувязі з гэтым адзначу, што эфектыўна і выразна дзейнічалі ў мінулым годзе органы контрразведкі. У выніку спынена дзейнасць 72 кадравых супрацоўнікаў і 423 агентаў замежных спецслужбаў", - сказаў прэзідэнт РФ.

Чытайце таксама:

5
Тэги:
ФСБ, Расія, тэорыя, Уладзімір Пуцін
Пасольства РФ у Рэспубліцы Беларусь

СМІ: новым паслом РФ у Беларусі могуць прызначыць Яўгена Лук'янава

12
Цяперашняму расійскаму паслу Мезенцаву прадказваюць статутную пасаду - дзяржсакратара Саюзнай дзяржавы Беларусі і Расіі.

МІНСК, 24 лют – Sputnik. Новым паслом Расійскай Федэрацыі ў Беларусі можа стаць Яўген Лук'янаў, які ў цяперашні час узначальвае расійскую дыпламатычную місію ў Латвіі, пра гэта піша "Коммерсантъ".

Аб кадравых перастаноўках ў кіраўніцтве расійскай дыпмісіі СМІ пішуць рэгулярна. Пасля таго, як Рыгор Рапота заявіў аб сыходзе з пасады дзяржаўнага сакратара Саюзнай дзяржавы Беларусі і Расіі, тэма змены пасла загучала з новай сілай. Але афіцыйных каментарыяў з нагоды кадравых перастановак пакуль не было.

77-гадовы Рыгор Рапота займае пасаду дзяржаўнага сакратара Саюзнай дзяржавы ўжо больш за 10 гадоў. На мінулым тыдні ён сустракаўся з прэзідэнтам Беларусі Аляксандрам Лукшенкам, атрымаў з яго рук высокую дзяржаўную ўзнагароду. Пазней заявіў беларускай прэсе, што збіраецца сыходзіць з пасады дзяржсакратара.

Хто можа стаць новым паслом РФ у Беларусі

"Новым паслом Расіі ў Мінску замест Дзмітрыя Мезенцава стане Яўген Лук'янаў. Ён пераедзе ў Беларусь з Латвіі, дзе апошнія чатыры гады займаў аналагічны пост", - паведамляе "Коммерсантъ", спасылаючыся на свае крыніцы.

Выданне таксама паведамляе, што, паводле яго інфармацыі, кандыдатура 69-гадовага Лук'янава нібыта ўжо ўзгоднена, у бліжэйшы час будзе падпісаны адпаведны ўказ. Таксама выданне паведаміла, што цяперашні пасол Дзмітрый Мезенцаў можа сысці на месца Рыгора Рапоты, у якога заканчваецца тэрмін паўнамоцтваў на пасадзе дзяржсакратара Саюзнай дзяржавы.

Яўген Лук'янаў, кандыдатура якога называецца ў якасці новага пасла, скончыў Ленінградскі дзяржаўны ўніверсітэт у 1974 годзе з дыпломам па спецыяльнасці "англійская мова і літаратура". Яшчэ ў савецкія часы пачаў працу на дыпламатычнай службе, паспеў досыць працяглы час папрацаваць намеснікам дырэктара Эрмітажа, у Савеце бяспекі РФ. Цяпер узначальвае пасольства РФ у Латвіі.

Як часта мяняліся расійскія паслы ў Беларусі

Масква ў трэці раз за апошнія тры гады можа памяняць свайго пасла ў Мінску. Пасля "пасольскага доўгажыхара" Аляксандра Сурыкава, які ўзначальваў пасольства РФ у Мінску рэкордныя 12 гадоў, на пасаду пасла ў жніўні 2018 года быў прызначаны Міхаіл Бабіч. Ён папрацаваў паслом РФ у Мінску менш за год, пасля чаго прэзідэнт Расіі вызваліў яго ад пасады, а на пасаду кіраўніка дыпведамства прызначыў сенатара Дзмітрыя Мезенцава.

Чытайце таксама:

12
Тэги:
Саюзная дзяржава, Расія, Дзмітрый Мезенцаў, Беларусь, пасол, СМІ
Тэмы:
Саюзная дзяржава Беларусі і Расіі
Які сёння дзень: 25 лютага

Які сёння дзень: 25 лютага 2021 года

0
(абноўлена 17:27 21.02.2021)
Гэты дзень з'яўляецца пяцьдзесят шостым па грыгарыянскім календары, таму да канца года засталося 309 дзён.

Якія падзеі адбыліся 25 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 25 лютага

  • У 1918 годзе было створана Менскае беларускае прадстаўніцтва.

Хто нарадзіўся 25 лютага

  • 1909 год: Сяргей Дарожны, беларускі паэт, грамадскі і культурны дзеяч.
  • 1947 год: Яўген Шатохін, беларускі мастак, грамадскі дзеяч.
  • 1953 год: Васіль Касцючэнка, беларускі мастак-жывапісец.
  • 1957 год: Алесь Пісьмянкоў, беларускі паэт.

Таксама сёння нарадзіліся французскі мастак-імпрэсіяніст П'ер Агюст Рэнуар і украінская пісьменніца Леся Украінка.

25 лютага ў народным календары

Сёння праваслаўныя вернікі шануюць памяць мітрапаліта Аляксея і епіскапа Мелеція Антыахійскага.

У народзе гэты дзень лічылі добрым, каб вылячыць спалох – для гэтага хадзілі самі і насілі дзяцей да знахараў.

Чым халадней у гэты дзень і наступны тыдзень, тым цяплей будзе сакавік. Туман або галалёдзіца прадвяшчаюць дажджлівае лета.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей