Еўрапарламент прыняў рэзалюцыю па Беларускай АЭС
(абноўлена 09:40 12.02.2021)
Еўрапейскія дэпутаты заклікалі прыпыніць запуск АЭС у Астраўцы, за дакумент выступілі 642 члены парламента.МІНСК, 12 лют – Sputnik. Еўрапарламент прыняў рэзалюцыю, у якой патрабуе прыпыніць запуск Беларускай АЭС у Астраўцы, гэта звязана з асцярогамі еўрадэпутатаў наконт бяспекі атамнай станцыі.
Галасаванне па дакуменце адбылося на пленарнай сесіі ў Бруселі. "За" выказаліся 642 дэпутаты, 29 - прагаласавалі супраць, яшчэ 21 чалавек устрымаўся.
У рэзалюцыі БелАЭС называюць "недастаткова празрыстым геапалітычным праектам Беларусі і Расіі". Занепакоены еўрапарламентарыі і тым, што станцыя размешчана ў 50 км ад Вільнюса, у непасрэднай блізкасці ад межаў краін ЕС.
Дэпутаты заклікалі Еўракамісію супрацоўнічаць з уладамі Беларусі, каб прыпыніць працэс запуску да таго часу, пакуль усе рэкамендацыі па стрэс-тэстах не будуць канчаткова выкананы. У тэксце рэзалюцыі пацвярджаецца факт таго, што краіны Балтыі спыняюць камерцыйны абмен электраэнергіяй з Беларуссю.
Пры гэтым Еўрапарламент вітаў першую фазу экспертнага агляду ЕС, якая завяршылася на станцыі 10 лютага.
Еўраэксперты на БелАЭС
Эксперты Еўрапейскай камісіі і Еўрапейскай групы рэгулюючых органаў у галіне ядзернай бяспекі (ENSREG) 9 і 10 лютага наведвалі БелАЭС. Яны працавалі ў рамках партнёрскага агляду Нацплана дзеянняў па выніках стрэс-тэстаў. У складзе групы былі дзевяць чалавек, у тым ліку прадстаўнікі Аўстрыі, Бельгіі, Вялікабрытаніі, Венгрыі, Германіі, Літвы.
Як адзначыў кіраўнік дадзенай групы Петэры Ційпана, беларускі бок прадаставіў доступ на ўсе аб'екты станцыі, якія цікавілі спецыялістаў. Ційпана дадаў, што самі эксперты выканалі ўсе пастаўленыя задачы ў рамках візіту. Цяпер яны працуюць над папярэдняй справаздачай, якую пададуць еўрапейскаму рэгулятару. Пасля справаздачу давядуць і да беларускага боку. Гэта плануецца зрабіць у сакавіку.
Сучасная атамная станцыя
Фізічны пуск першага энергаблока адбыўся 20 жніўня, а 3 лістапада яго ўключылі ў агульную энергасістэму. Цырымонія яго запуску з удзелам прэзідэнта Беларусі прайшла пазней - 7 лістапада, дзе Аляксандр Лукашэнка заявіў, што рэспубліцы патрэбна яшчэ адна такая станцыя.
Рэактар АЭС выведзены на 100-працэнтную магутнасць 12 студзеня. Чакаецца, што першы блок увядуць у прамысловую эксплуатацыю ў 2021-м годзе, а другі - у 2022-м.
Чытайце таксама:
- Мінэнерга Беларусі абвінаваціла Літву ў распаўсюджванні фейкаў пра БелАЭС
- Еўрапейскія эксперты пачалі працу на БелАЭС
- Міністр: Літва ўжо заплаціла 4 млн еўра за энергію з БелАЭС
Тэги:
Байдэн пагаварыў з Пуціным пра Беларусь
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.
Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі
"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.
Падрабязнасці абмеркаванняў амерыканскі лідэр раскрываць не стаў.
Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.
Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.
А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі
"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.
Чытайце таксама:
- Пуцін: Расія і ЗША дамовіліся вярнуць паслоў
- Прэс-канферэнцыя Пуціна на саміце Расія - ЗША ў Жэневе
- Як прайшла сустрэча Пуціна і Байдэна ў Жэневе
Тэги:
Прэс-канферэнцыя Пуціна на саміце Расія - ЗША ў Жэневе
(абноўлена 20:53 16.06.2021)
Першая сустрэча прэзідэнтаў Расіі і ЗША пасля абрання Байдэна на высокую пасаду складалася з трох частак: вузкай і двух пашыраных. Глядзіце на відэа прэс-канферэнцыю Уладзіміра Пуціна на саміце ў Жэневе.Расійскі лідэр Уладзімір Пуцін упершыню сустрэўся з Джо Байдэнам пасля таго, як Байдэн заступіў на пасаду прэзідэнта ЗША. Папярэдні саміт Расія - ЗША прайшоў у 2018 годзе ў Хельсінкі, кіраўніком Белага дома тады быў Дональд Трамп.
Цяперашні саміт праходзіць у Жэневе на віле Ла Гранж. Перад пачаткам перамоў кіраўнікі дзяржаў паціснулі адзін аднаму рукі і сфатаграфаваліся з прэзідэнтам Швейцарыі Гі Пармеленам.
Першая сустрэча двух прэзідэнтаў складалася з трох частак: вузкай і двух пашыраных з перапынкам на чай-каву. Перамовы Пуціна і Байдэна працягваліся чатыры гадзiны.
Перад самітам у Маскве адзначалі змякчэнне рыторыкі з боку Вашынгтона, хоць ноткі стрымлівання па-ранейшаму захоўваюцца, пра гэта заяўляў прэс-сакратар расійскага лідэра Дзмітрый Пяскоў.
"Для таго, каб разабрацца, наколькі яны разыходзяцца ў меркаваннях, наколькі крытычныя супярэчнасці ёсць паміж РФ і ЗША, трэба спачатку сесці пагаварыць", - рэзюміраваў ён.
Чытайце таксама:
- Пуцін: Расія і ЗША дамовіліся вярнуць паслоў
- Як прайшла сустрэча Пуціна і Байдэна ў Жэневе
- Пуцін і Байдэн не будуць даваць сумесную прэс-канферэнцыю
Тэги: