Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Макей распавёў падрабязнасці будучай сустрэчы кіраўнікоў Беларусі і Расіі

© Photo : МИД БеларусиМіністр замежных спраў Беларусі Уладзімір Макей
Міністр замежных спраў Беларусі Уладзімір Макей - Sputnik Беларусь, 1920, 15.02.2021
Падпісацца
Сустрэча прэзідэнтаў дзвюх краін адбудзецца да канца лютага, пра што кіраўнік МЗС рэспублікі паведаміў напярэдадні ў кулуарах УНС.

МІНСК, 15 лют – Sputnik. У прэзідэнтаў на стале будзе ляжаць сапраўды добры матэрыял, заявіў міністр замежных спраў Беларусі Уладзімір Макей у інтэрв'ю РБК.

Раней на Усебеларускім народным сходзе Макей паведаміў, што сустрэча адбудзецца да канца месяца. Паводле яго слоў, гэта будзе "важны кантакт паміж кіраўнікамі нашых дзяржаў".

Сур'ёзныя дамоўленасці

"Я лічу, што якраз апошнія падзеі, якія адбываюцца ўнутры і вакол нашых краін, могуць і абавязкова падштурхнуць нас да больш цесных інтэграцыйных працэсаў у двухбаковым фармаце і рана ці позна - у шматбаковым фармаце ў рамках Еўразійскага эканамічнага саюза", - адзначыў кіраўнік МЗС.

Кіраўнікам дзвюх краін ёсць пра што пагаварыць, падкрэсліў ён і выказаў здагадку, што па выніках перамоў будуць "дасягнуты сур'ёзныя дамоўленасці на перспектыву".

Абмеркаванне інтэграцыі ў рамках Саюзнай дзяржавы не спынялася, адзначыў Макей.

"Ёсць канкрэтныя рэчы, якія дазваляюць нам казаць аб тым, што гэтыя інтэграцыйныя працэсы ідуць наперад, у прэзідэнтаў на стале будзе сапраўды ляжаць добры матэрыял для абмеркавання будучыні нашых адносін", - заявіў міністр замежных спраў.

...і крэдыты

Шпрыц з вакцынай супраць COVID-19 - Sputnik Беларусь, 1920, 11.02.2021
Расія і Кітай дапамогуць Беларусі з вакцынай ад каронавіруса
Раней "Коммерсантъ" паведаміў са спасылкай на некалькі крыніц аб тым, што адной з тэмаў перамоў прэзідэнтаў Беларусі і Расіі стане абмеркаванне крэдыту ў памеры трох мільярдаў долараў.

Уладзімір Макей не выключыў, што тэма "узаемадзеяння ў фінансава-крэдытнай сферы" будзе закранута падчас гутаркі кіраўнікоў дзвюх краін.

"Але гэта не значыць, што Беларусь будзе прасіць абавязкова крэдыты ў Расіі і прасіць нейкай дапамогі. Магчыма, будзе абмяркоўвацца пытанне фінансава-крэдытнага ўзаемадзеяння з пункту гледжання рэалізацыі розных выгадных сумесных праектаў", - растлумачыў ён.

Інтэграцыя і суверэнітэт

Макей працытаваў словы Лукашэнкі аб незалежнасці Беларусі. Ён нагадаў, што беларускі лідэр падчас УНС "выразна сказаў аб тым, што суверэнітэт і незалежнасць для Беларусі - гэта святое".

"Як мне здаецца, у нашых расійскіх сяброў таксама ёсць такое разуменне, ніхто не прэтэндуе на тое, каб Беларусь страціла свой суверэнітэт і незалежнасць, таму калі інтэграцыйныя працэсы будуць накіраваны на ўмацаванне дзяржаўнасці, я не думаю, што гэта выклікае нейкае абурэнне ў беларускіх грамадзян", - падкрэсліў кіраўнік МЗС.

Чытайце таксама:

Стужка навiн
0