Сцяг Эстоніі

Лукашэнка: Мінск і Талін павінны працаваць разам дзеля бяспекі ў рэгіёне

27
(абноўлена 10:37 24.02.2021)
На вежы Доўгі Герман у Таліне паднялі дзяржаўны сцяг з нагоды 103-й гадавіны Незалежнасці Эстоніі.

МІНСК, 24 лют – Sputnik. Беларусь выступае за ўсебаковае развіццё адносін з Эстоніяй, пра гэта гаворыцца ў віншаванні, якое накіраваў прэзідэнт Беларусі Аляксандр Лукашэнка.

"Сёння ў першую чаргу мы павінны ўзаемадзейнічаць для бяспекі ў рэгіёне і ўпэўненасці ў заўтрашнім дні для нашых дзяцей. Беларусы заўсёды былі і застануцца вашымі добрымі суседзямі, гатовымі разам забяспечваць дасягненне такой важнай мэты", - адзначаецца ў тэксце.

Лукашэнка адзначыў, што Мінск і Талін больш за чвэрць стагоддзя знаходзяцца ў новых рэаліях, якія стварылі дадатковыя магчымасці для прадпрыемстваў, устаноў і простых людзей. Пры гэтым гады незалежнасці не пазбавілі беларусаў і эстонцаў "усяго каштоўнага і неабходнага, што было назапашана многімі пакаленнямі нашых суайчыннікаў".

"Беларусь, як і раней, выступае за працяг усебаковага супрацоўніцтва з Эстоніяй, эфектыўнае выкарыстанне чалавечага патэнцыялу і унікальнага вопыту шматгадовай сумеснай працы", - адзначыў беларускі прэзідэнт.

Дзень незалежнасці Эстоніі

Дзень незалежнасці Эстоніі з'яўляецца дзяржаўным святам і адзначаецца штогод 24 лютага ў гонар прыняцця ў Таліне Дэкларацыі аб незалежнасці Эстоніі ў 1918 годзе. Гэты дзень прынята лічыць датай стварэння Эстонскай Рэспублікі.

У гэтым годзе ўрад краіны заклікаў жыхароў адзначаць свята ў коле сям'і. Такія меры прымаюцца з-за распаўсюджвання каронавіруса. Талін сёлета адмовіўся праводзіць шматлюдны парад Сіл абароны і саюзнікаў па НАТА. Цырымонію ўзняцця сцяга, якая збірала вялікая колькасць жыхароў, вырашана паказаць у прамой трансляцыі.

Калі дазволіць надвор'е, апоўдні жыхары 9 гарадоў змогуць убачыць паветраны парад. У паветра падымецца авіяцыя Эстоніі, а таксама італьянскія, нямецкія і амерыканскія лётчыкі. У тым ліку, самалёты знішчальнікі F-15 і запраўшчыкі KC-135, якія прыбудуць з Вялікабрытаніі.

У горадзе Пайдэ да жыхароў Эстоніі звернецца прэзідэнт і адбудзецца ўрачысты канцэрт. За падзеямі таксама можна будзе сачыць толькі па тэлевізары. Таксама не будзе святочнага прыёму і цырымоніі поціскаў рукі з удзелам кіраўніка дзяржавы.

Увечары ў Таліне звычайна праходзіць яшчэ і факельнае шэсце, якое збірае тысячы жыхароў. Але па распараджэнні дэпартамента здароўя і гэта мерапрыемства ў гэтым годзе не стане такім масавым з-за супрацьэпідэмічных абмежаванняў.

Чытайце таксама:

27
Тэги:
Беларусь, Эстонія, Талін, Мінск, Аляксандр Лукашэнка
Старшыня ўрада Расіі Міхаіл Мішусцін

Мішусцін: усе нашы міністры працуюць над паляпшэннем адносін з Беларуссю

5
(абноўлена 15:57 16.04.2021)
У беларускі сталіцы расійскі прэм'ер, які прыбыў з афіцыйным візітам, падчас перамоў на вышэйшым узроўні павінен абмеркаваць пытанні двухбаковага супрацоўніцтва з рэспублікай, у тым ліку інтэграцыйную тэматыку.

МІНСК, 16 кра – Sputnik. Расце лічба ўзаемнага тавараабароту, які паступова аднаўляецца, пра гэта заявіў прэм'ер-міністр Расіі Міхаіл Мішусцін падчас перамоў з Аляксандрам Лукашэнкам у Палацы Незалежнасці, перадае карэспандэнт Sputnik.

Па словах Мішусціна, напярэдадні візіту ён абмеркаваў гэтую тэму з прэзідэнтам Расіі Уладзімірам Пуціным. Пры гэтым удакладніў, што падтрымлівае кантакты з кіраўніком беларускага ўрада Раманам Галоўчанкам.

"Усе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі", - запэўніў кіраўнік расійскага ўрада.

Усё аднаўляецца

Міхаіл Мішусцін звярнуў увагу, што пачаў аднаўляцца ўзаемны тавараабарот, пра што сведчаць лічбы, якія растуць.

"Мы зафіксавалі, што падзенне пасля каронавіруса было значным. Цяпер гэта ўсё аднаўляецца", - удакладніў ён.

"Мы аднаўляем і паветраныя зносіны. 30 красавіка з Масквы ў Мінск павінна "паляцець" "Ласточка" (фірменны цягнік - Sputnik). Мы гэта вітаем. Слава Богу каронавірусная інфекцыя адыходзіць", - адзначыў кіраўнік урада РФ.

Ёсць пытанні

Пасля чаго дадаў, што яшчэ ёсць шмат пытанняў. Медыкі папярэджваюць пра рызыкі, якія могуць утрымлівацца ў розных варыяцыях штамаў каронавіруса.

Расійскі прэм'ер выказаў надзею, што сумесныя меры па супрацьдзеянні інфекцыі прынясуць свой плён і асабліва адзначыў, што ў канцы сакавіка ў Беларусі пачаўся выраб расійскай вакцыны "Спутник V".

Інтэграцыя сістэм

"Наша ўзаемадзеянне ў галіне прамысловасці, энергетыкі, транспарту, інфраструктуры, будаўніцтва вельмі актыўнае. 2021 год - гэта год Расіі ў Беларусі, а наступны Беларусі ў Расіі. Нашы культурныя сувязі, абмен прадстаўнікамі культуры, будзе інтэнсіфікаваны", - сказаў ён.

Міхаіл Мішусцін паведаміў, што падпісаў са сваім беларускім калегам Раманам Галоўчанкам адпаведную праграму культурнага супрацоўніцтва.

"Сёння мы паглядзім, як можна інтэграваць нашы сістэмы. Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - таксама канстатаваў ён.

На яго думку, інтэграцыя будзе на карысць Саюзнай дзяржаве.

"Выгада, а ні ў якім разе нейкія паглынанні. Мы так гэта і бачым. Паспрабавалі разгледзець магчымасці гэтай інтэграцыі на аснове лепшых тэхналогій, якія прапануе і беларускі, і расійскі бок. Сёння пагаворым пра гэта, мы рыхтаваліся з Раманам Аляксандравічам (Галоўчанкам - Sputnik) да гэтай падзеі", - растлумачыў пазіцыю расійскі прэм'ер-міністр.

Чытайце таксама:

5
Тэги:
Урад, Інтэграцыя, рэспубліка, Расія, перамовы, візіт, прэм'ер, сталіца, Беларусь, Адносіны, Міністры, Міхаіл Мішусцін
Тэмы:
Саюзная дзяржава Беларусі і Расіі
Камеры і журналісты

Інфармацыйная бяспека: праект закона аб СМІ прыняты ў другім чытанні

12
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.

МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.

Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.

Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.

Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.

Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".

У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.

Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.

Чытайце таксама:

12
Тэги:
інтэрнэт-рэсурсы, сеткавыя выданні, Інтэрнэт, пракурор, Беларусь, СМІ, закон, праект, Бяспека
Тэмы:
Пратэсты пасля выбараў у Беларусі