МІНСК, 11 сак – Sputnik. Польшча выслала беларускага дыпламата ў адказ на дзеянні Мінска, пра гэта ў сераду паведаміў намеснік міністра польскага МЗС Марцін Пшыдач.
"Адзін з супрацоўнікаў пасольства Беларусі ў Варшаве абвешчаны персонай нон грата", - напісаў у сваім Twitter намеснік кіраўніка МЗС.
Што адбылося?
У аўторак, 9 сакавіка, часовага паверанага ў справах Польшчы ў Беларусі Марціна Вайцяхоўскага выклікалі ў Міністэрства замежных спраў Беларусі і ўручылі яму ноту, згодна з якой польскаму консулу Ежы Цімафеюку прапануецца пакінуць рэспубліку.
"Польскаму дыпламату быў заяўлены рашучы пратэст у сувязі з удзелам консула Генеральнага консульства Рэспублікі Польшча ў Брэсце Ежы Цімафеюка ў неафіцыйным мерапрыемстве, прысвечаным "дню праклятых салдат", які прайшоў 28 лютага ў Брэсце з удзелам прадстаўнікоў звязаных з Польшчай няўрадавых і моладзевых арганізацый", - растлумачылі прычыну такога рашэння ў МЗС Беларусі.
Польшча паабяцала адказаць
"Мы лічым рашэнне беларускіх уладаў цалкам беспадстаўным і незразумелым. Польшча неадкладна і адэкватна адкажа на гэта беспадстаўнае рашэнне", - заявіў у адказ Пшыдач.
Гаворачы аб ушаноўванні "праклятых салдат", намеснік міністра адзначыў, што "у мінулыя гады, у тым ліку ў Беларусі, ужо праходзілі падобныя мерапрыемствы".
Пракуратура распачала справу
Сёння ж стала вядома, што пракуратура Брэста ўзбудзіла крымінальную справу па факце гераізацыі ваенных злачынцаў. Следства выявіла, што 28 лютага гэтага года ў абласным цэнтры прайшло незаконнае масавае мерапрыемства з удзелам непаўналетніх.
"Адзетыя у нацыянальную форму польскай скаўцкай арганізацыі маладыя людзі выконвалі песні, чыталі вершы ў славу ваенных злачынцаў, у тым ліку Рамуальда Райса, вядомага па мянушцы "Буры", - распавялі ў Генпракуратуры рэспублікі.
Там удакладнілі, што справа накіравана ва УСК па вобласці для арганізацыі расследавання. Пракуратура таксама запатрабавала ад аблвыканкама ўзмацніць кантроль за дзейнасцю арганізацый, якія аказваюць культурна-адукацыйныя паслугі.
Райс і "праклятыя салдаты"
Дзень памяці "праклятых салдат", якія, паводле афіцыйнай трактоўцы, пасля заканчэння Другой сусветнай вайны працягнулі барацьбу за незалежнасць Польшчы, праходзіць у краіне з 2011 года.
Між тым, многія прадстаўнікі польскага падполля, у прыватнасці, атрад капітана Рамуальда Райса (псеўданім "Буры") у пасляваенныя гады здзейснілі шматлікія забойствы, рабаванні і акты гвалту ў дачыненні да грамадзянскага насельніцтва. Бандфармаванне пад кіраўніцтвам Бурага ў 1946 годзе зрабіла крывавы рэйд у Падляшша, у выніку якога былі спалены пяць вёсак і забіты 79 мірных жыхароў краю.
Пасля вайны органамі судовай улады Рэспублікі Польшча дзеянні Райса былі афіцыйна прызнаны генацыдам, а сам ён быў пакараны ў Беластоку. У 2005 годзе беластоцкі аддзел Інстытута нацыянальнай памяці завяршыў расследаванне злачынстваў атрада Райса і вызначыў, што яго дзеянні мелі прыкметы генацыду.
Чытайце таксама:
- Консулу Польшчы ў Брэсце прапанавалі пакінуць Беларусь
- Мацвіенка: новыя пакаленні павінны ведаць усю праўду пра вайну без выключэнняў
- Пасол РФ: перапісваць гісторыю - подла ў адносінах да загінулых на вайне
