Праграміраванне

Лукашэнка: інструменты IT выкарыстоўваюцца ў палітычных працэсах

0
(абноўлена 13:34 16.03.2021)
У Палацы Незалежнасці сёння абмяркоўваюць праекты прававых актаў, накіраваных на спыненне незаконных фінансавых аперацый у сферы высокіх тэхналогій.

МІНСК, 16 сак – Sputnik. У некаторых краінах IT-тэхналогіі актыўна і непрыкрыта выкарыстоўваюцца ў палітычных працэсах, і Беларусі гэта знаёма, заявіў у аўторак прэзідэнт Аляксандр Лукашэнка.

Паводле яго слоў, "лічба" сёння ў літаральным сэнсе пранікае ў кожны дом.

"Дзеянні, а часам і проста публічныя заявы кіраўніцтва лічбавых гігантаў сталі істотна ўплываць на традыцыйныя галіны: аўтамабілебудаванне, транспарт, лагістыку, паслугі, касмічныя распрацоўкі і гэтак далей", - цытуе кіраўніка дзяржавы БелТА.

Ён адзначыў, што ў некаторых краінах інструменты IT-карпарацый актыўна і непрыкрыта выкарыстоўваюцца ў палітычных працэсах, і Беларусі гэта знаёма.

"Тыя, хто выпусціў ўсе гэтыя працэсы з-пад кантролю, зараз пажынаюць адпаведныя плады", - дадаў беларускі лідэр.

Першапраходцы галіны

Лукашэнка адзначыў, што яшчэ два дзесяцігоддзі таму фінансы і IT-індустрыя жылі кожны сваім жыццём, цяпер гэта сумежныя галіны. У сувязі з гэтым урад, КДБ і Нацбанк прапануюць выпрацаваць рашэнні і ўстанавіць неабходны ўзровень кантролю над новай сферай фінансавых аперацый - токенамі і крыптавалютамі. Кіраўнік дзяржавы нагадаў, што ў 2017 годзе Беларусь першай у свеце легалізавала крыптавалютную дзейнасць, стварыўшы дэкрэт №8 "Аб развіцці лічбавай эканомікі".

"За тры гады напрацавана канкрэтная практыка, атрыманы рэальны вопыт. Крыклівых злоўжыванняў, як мне дакладваюць, у гэтай сферы не дапушчана", - удакладніў ён.

Вопыт Кітая

У лічбавым развіцці краіны ёсць пэўныя праблемы і, па словах кіраўніка дзяржавы, вырашэнне гэтых пытанняў зацягнулася. Цяпер па гэтай тэматыцы рыхтуецца ўказ, у бліжэйшы час ён будзе дапрацаваны і падпісаны. У выніку павінен з'явіцца адзіны дзяржаўны орган па рэгуляванні лічбавай сферы ў краіне. На думку Лукашэнкі, трэба максімальна выкарыстоўваць вопыт Кітая ў пабудове лічбавага грамадства.

"Неабходна, каб усе прапановы былі вывераны і глыбока прапрацаваны. Улетку мы іх павінны разгледзець на асобнай нарадзе", - канстатаваў кіраўнік дзяржавы.

Прыцягнуць грошы ў IT-сектар

Аляксандр Лукашэнка акцэнтаваў увагу на тым, што ў Беларусі ўжо з'явілася новая і вельмі эфектыўная галіна эканомікі. Кампаніі, якія працуюць у Парку высокіх тэхналогій, па большасці эканамічных паказчыкаў значна апярэджваюць традыцыйныя галіны.

"І валютная выручка, якая паступае ў краіну дзякуючы іх працы, стала значным фактарам фінансавай, а значыць, і цэнавай устойлівасці", - растлумачыў беларускі лідэр.

Ён дадаў, што падчас пандэміі каронавіруса краіны-сусветныя лідэры "надрукавалі трыльёны долараў, каб выратаваць людзей".

Па словах прэзідэнта, надрукаваныя сродкі сталі ўкладаць у IT-індустрыю - тое, што мае найбольшую перспектыву да росту і, натуральна, прыбытковасць. У выніку сфармаваўся шалёны попыт, і кошт высокатэхналагічных кампаній павялічыўся ад 200% да 800%.

Кіраўнік дзяржавы падкрэсліў, што трэба палепшыць прававое поле, каб прыцягнуць гэтыя грошы ў беларускі сегмент сусветнага IT-рынку.

Чытайце таксама:

0
Тэги:
Праекты, палац Незалежнасці, Аляксандр Лукашэнка
Раман Галоўчанка і Міхаіл Мішусцін на сустрэчы ў Маскве

Перамовы Галоўчанкі і Мішусціна пройдуць у бліжэйшыя дні

0
(абноўлена 17:26 12.04.2021)
Сустрэча прэм'ераў Беларусі і Расіі пройдзе ў Мінску ў вочным фармаце. Галоўнай тэмай для абмеркавання стануць дарожныя карты.

МІНСК, 12 кра - Sputnik. Перамовы прэм'ер-міністра Беларусі Рамана Галоўчанкі і старшыні ўрада Расіі Міхаіла Мішусціна пройдуць у бліжэйшыя дні, заявіў дзяржсакратар Саюзнай дзяржавы Дзмітрый Мезенцаў.

"У бліжэйшыя дні адбудуцца перамовы старшыні ўрада Расіі Міхаіла Мішусціна з прэм'ер-міністрам Беларусі Раманам Галоўчанкам", - заявіў Мезенцаў падчас наведвання Навуковага цэнтра аператыўнага маніторынгу Зямлі АТ "Расійскія касмічныя сістэмы".

Дзмітрый Мезенецаў раней адзначаў, што кантакты ўрадаў дзвюх краін выйшлі на новы ўзровень узаемадзеяння, а Беларусі і Расіі трэба сыходзіць ад размоў, колькі і па якой цане прадаць адзін аднаму нафты, газу і трактароў. Ён падкрэсліў таксама, што краінам неабходна аб'ядноўваць намаганні, ствараць сумесныя вытворчасці, "каб быць канкурэнтаздольнымі".

Ніякія спрэчкі не могуць зацямніць стратэгічную накіраванасць, маштаб нашага супрацоўніцтва", - падкрэсліў дзяржсакратар СД падчас урачыстага мерапрыемства з нагоды Дня яднання народаў Беларусі і Расіі.

Раней сустрэча прэм'ераў анансавалася таксама паслом Беларусі ў Расіі Уладзімірам Сямашкам. Ён адзначаў, што галоўнай тэмай перамоў стануць дарожныя карты. Сама ж сустрэча павінна прайсці ў вочным фармаце ў беларускай сталіцы.

Папярэдняя сустрэча Рамана Галоўчанкі і Міхаіла Мішусціна прайшла ў студзені ў Маскве. На перамовах закраналіся пытанні барацьбы з пандэміяй, актуальныя напрамкі расійска-беларускага гандлёва-эканамічнага супрацоўніцтва. Затым у лютым прэм'еры пагутарылі па тэлефоне, абмеркаваўшы пагадненне аб перавалцы нафтапрадуктаў і барацьбу з каронавірусам.

Чытайце таксама:

0
Тэги:
дарожныя карты, Мінск, Расія, Беларусь, прэм'ер, Міхаіл Мішусцін, Раман Галоўчанка, перамовы
Тэмы:
Саюзная дзяржава Беларусі і Расіі
Папка для матэрыялаў крымінальнай справы

СК РБ: Стрыжак і Лявончык абвешчаны ў міждзяржаўны вышук

0
(абноўлена 15:01 12.04.2021)
Яны праходзяць па артыкулах аб фінансаванні экстрэмізму і падрыхтоўцы асоб для ўдзелу ў дзеяннях, якія парушалі грамадскі парадак.

МІНСК, 12 кра – Sputnik. УСК па Мінску працягвае расследаваць крымінальную справу, узбуджаную па факце масавых беспарадкаў, якія адбыліся на тэрыторыі сталіцы ў мінулым годзе, па іх абвінавачанымі ў здзяйсненні злачынстваў, прадугледжаных чч. 1 і 2 арт. 342 КК Рэспублікі Беларусь, прызнаны Андрэй Аляксандраў і Ірына Злобіна.

"Падчас папярэдняга расследавання следчымі ва ўзаемадзеянні з ГУБАЗіК МУС выяўлены факты арганізацыі і перадачы Аляксеем Лявончыкам і Андрэем Стрыжаком пры дапамозе іншых асоб грашовых сродкаў, для наступнага іх выкарыстання ў злачыннай дзейнасці Аляксандрава і Злобінай", - паведамілі Sputnik у панядзелак у СК.

Па дадзеных следства, у далейшым гэтыя грошы абвінавачаныя накіроўвалі на аплату штрафаў, якія былі выпісаны некаторым удзельнікам несанкцыянаваных акцый пратэсту, а таксама для кампенсацыі нанесенага іх дзеяннямі ўрону.

BY_help і BYSOL

З матэрыялаў справы стала вядома, што падобная дзейнасць вышэйзгаданых асоб з'яўляецца супрацьпраўнай і ажыццяўлялася на сістэмнай аснове. Следства ўдакладняе, што Лявончык з'яўляецца сузаснавальнікам і кіраўніком фонду BY_help, дзейнасць яго накіравана на аплату расходаў асоб, якія ўдзельнічалі ў пратэстах.

Пры гэтым, як дадалі следчыя, Стрыжак з'яўляецца членам так званага апазіцыйнага каардынацыйнага савета, дзейнасць якога накіравана ў тым ліку на захоп і ўтрыманне ўлады ў краіне неканстытуцыйным шляхам, а таксама з'яўляецца сузаснавальнікам BY_help і BYSOL.

У СК адзначылі, што арганізацыя BYSOL фінансуе страйккамы прадпрыемстваў, дэструктыўных супольнасцяў, так званых фондаў медыцынскай, а таксама спартыўнай і культурнай салідарнасці. Следчыя ўстанавілі, што аб'яднанні цесна ўзаемадзейнічаюць паміж сабой. У ходзе следства, як патлумачылі следчыя, таксама былі атрыманы доказы аб фінансаванні BYSOL дзейнасці раней прызнанага УСК па Мінску экстрэмісцкага фарміравання, створанага як аб'яднанне дэструктыўных дваровых чатаў у месенджэрах.

Дзеянні Лявончыка і Стрыжака кваліфікаваны следствам па двух артыкулах КК - ч.2 арт.342 (іншая падрыхтоўка асоб для ўдзелу ў групавых дзеяннях, якія груба парушаюць грамадзкі парадак) і арт.361-2 (фінансаванне дзейнасці экстрэмісцкага фармiравання) КК.

УСК па горадзе Мінску ў дачыненні да грамадзян Стрыжака і Лявончыка вынесены пастановы аб прыцягненні іх па ўсіх вышэйпаказаных злачынствах у якасці абвінавачаных. Яны абвешчаны ў міждзяржаўны вышук.

Чытайце таксама:

0
Тэги:
крымінальная справа, справа, грамадскі парадак, экстрэмізм, артыкул, Вышук, СК РБ
Тэмы:
Пратэсты пасля выбараў у Беларусі
Які сёння дзень: 13 красавіка

Які сёння дзень: 13 красавіка 2021 года

0
(абноўлена 17:32 12.04.2021)
Гэты дзень з'яўляецца сто трэцім па грыгарыянскім календары, да канца года засталося 262 дні.

Якія яшчэ падзеі адбыліся 13 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 красавіка

  • У 1991 годзе былі ўтвораны Мінска-Магілёўская каталіцкая архідыяцэзія і Гродзенская дыяцэзія.
  • У 1992 годзе Беларусь устанавіла дыпламатычныя адносіны з Італіяй.

Хто нарадзіўся 13 красавіка

  • 1966 год: Юрась Барысевіч, беларускі эсэіст, перакладчык і мастак.

Таксама сёння нарадзіліся самы вядомы ўдзельнік Парахавой змовы Гай Фокс і рускі паэт Дзям'ян Бедны.

13 красавіка ў народным календары

Сёння праваслаўныя вернікі шануюць памяць вялебнага Іпація Цудатворца, які быў вядомы цудамі ацалення сляпых і хворых. Акрамя таго, Іпацію моляцца цяжарныя жанчыны і тыя, хто марыць пра дзіця.

У даўніну ў гэты дзень расчышчалі месца пад ворыва, высякалі лес, палілі галінкі і лісце і на гэтым месцы сеялі зерне.

Калі 13 красавіка цёпла і сонечна, лета будзе цёплым. Нізкія аблокі прадвяшчаюць хуткае пахаладанне.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей