Канстытуцыя Рэспублікі Беларусь

Склад пашыраны: Лукашэнка падпісаў указ аб Канстытуцыйнай камісіі

22
(абноўлена 20:42 16.03.2021)
У панядзелак прайшла першая нарада Канстытуцыйнай камісіі, на ёй прысутнічаў прэзідэнт Беларусі Аляксандр Лукашэнка, які адзначыў, што дзейнасць камісіі "павінна насіць галосны і адкрыты характар".

МІНСК, 17 сак – Sputnik. Прэзідэнт Беларусі Аляксандр Лукашэнка падпісаў указ аб Канстытуцыйнай камісіі, яе склад пашыраны, паведамілі ў прэс-службе кіраўніка дзяржавы.

Чым зоймецца камісія

Першае пасяджэнне Канстытуцыйнай камісіі прайшло ў панядзелак, 15 сакавіка. У яе ўвайшлі 34 чалавекі, у тым ліку кіраўнік урада Раман Галоўчанка, старшыня Канстытуцыйнага суда Пётр Міклашэвіч, старшыні верхняй і ніжняй палат беларускага парламента Наталля Качанава і Уладзімір Андрэйчанка, кіраўнік Адміністрацыі прэзідэнта Ігар Сяргеенка, першы намеснік міністра аховы здароўя, кіраўнік Беларускага саюза жанчын Алена Богдан, палітолагі Юрый Васкрасенскі і Аляксандр Шпакоўскі, былы старшыня Канстытуцыйнага суда Рыгор Васілевіч, параалімпіец Аляксей Талай.

Адзначаецца, што ўказ падпісаны ў мэтах рэалізацыі палажэнняў рэзалюцыі VI Усебеларускага народнага сходу.

Камісіі даручылі распрацаваць прапановы па змяненнях у Канстытуцыю рэспублікі і забяспечыць іх усенароднае абмеркаванне. А да 1 жніўня бягучага года камісія павінна прадставіць прэзідэнту прапановы па змяненнях. Пазней яны будуць вынесены на рэспубліканскі рэферэндум.

Хто ў складзе

Згодна з указам, у склад Канстытуцыйнай камісіі ўвайшлі 36 чалавек.

"Гэта прадстаўнікі дзяржаўных органаў, юрыдычнай навукі, грамадскіх аб'яднанняў, розных галін эканомікі і сацыяльнай сферы - заслужаныя і аўтарытэтныя людзі, якія маюць актыўную грамадзянскую пазіцыю", - гаворыцца ў паведамленні.

Кіраваць працай Камісіі будзе Старшыня Канстытуцыйнага Суда Пётр Міклашэвіч. Яго намеснікамі будуць старшыні Палаты прадстаўнікоў і Савета Рэспублікі Нацыянальнага сходу Уладзімір Андрэйчанка і Наталля Качанава.

У склад камісіі таксама ўвайшлі сенатары Алег Румо, Таццяна Рунец, Сяргей Сівец, дэпутаты Святлана Любецкая, Ігар Марзалюк і Валянцін Семяняка.

Выпрацоўваць прапановы па змяненні Канстытуцыі ў складзе камісіі будуць таксама прадстаўнікі органаў мясцовага самакіравання, фінансавага сектара эканомікі, навукі і адукацыі, сферы культуры і спорту.

Чытайце таксама:

22
Тэги:
прэзідэнт, Канстытуцыя, Канстытуцыйная камісія, Указ, Аляксандр Лукашэнка
Намеснік кіраўніка адміністрацыі прэзідэнта, прэс-сакратар прэзідэнта Расіі Дзмітрый Пяскоў

Крэмль пацвердзіў "бульканне Байдэна" на пытанне пра замах на Лукашэнку

15
(абноўлена 17:54 19.04.2021)
Беларускі лідэр у суботу распавёў, што КДБ пры дапамозе ФСБ не толькі прадухіліў замах на яго і яго сям'ю, але і затрымаў арганізаваную групу, якая рыхтавала ўзброены пераварот.

МІНСК, 19 кра – Sputnik. Прэзідэнты Уладзімір Пуцін і Джо Байдэн па тэлефоне абмяркоўвалі спробу перавароту ў Беларусі, пра гэта паведаміў прэс-сакратар прэзідэнта РФ Дзмітрый Пяскоў.

Раней Аляксандр Лукашэнка ў ходзе размовы з журналістамі пасля суботніка распавёў, што на яго і членаў яго сям'і рыхтаваўся замах. Спецслужбы рэспублікі пры дапамозе калег з ФСБ здолелі прадухіліць гэтае злачынства і затрымалі арганізаваную групу, якая рыхтавала ўзброены пераварот.

Беларускі лідэр адзначыў, што гэтая тэма ўзнімалася падчас тэлефоннай размовы прэзідэнтаў Расіі і ЗША. Пры гэтым Уладзімір Пуцін наўпрост спытаў у Джо Байдэна аб дачыненні амерыканскіх спецслужбаў да злачынстваў, якія рыхтаваліся, у адказ на што амерыканскі прэзідэнт "толькі булькаў".

У гутарцы з Дзмітрыем Пясковым журналісты спыталі, ці можа ён пацвердзіць, ці сапраўды дадзеная тэма ўзнімалася ў размове лідэраў дзвюх краін.

"Так, магу", - адказаў прэс-сакратар Уладзіміра Пуціна.

Аперацыя спецыяльных службаў

У адказ на пытанне, якія маглі б быць наступствы перавароту ў Беларусі, Дзмітрый Пяскоў сказаў, што не думае, што "тут можна нейкі ўмоўны лад ўжываць".

Паводле яго слоў, "відавочна, што планы абмяркоўваліся абсалютна канкрэтныя і абсалютна дэструктыўныя" - пра гэта можна казаць з упэўненасцю. Такія планы, вядома, сведчаць аб вялікай небяспецы.

Пры гэтым пытанне пра тое, ці ёсць у Крамля інфармацыя аб дачыненні адміністрацыі прэзідэнта ЗША да замаху і перавароту, пра якія казаў Аляксандр Лукашэнка, прэс-сакратар прэзідэнта РФ пакінуў без каментарыяў.

"Сапраўды, была аперацыя спецыяльных службаў. У дадзеным выпадку я не буду нічога каментаваць. Усю інфармацыю, якая можа выдавацца - яе выдаюць дазіравана спецыяльныя службы ўжо па сваім меркаванні", - растлумачыў Дзмітрый Пяскоў.

Чытайце таксама:

15
Тэги:
пераварот, Сям'я, ФСБ, КДБ РБ, Аляксандр Лукашэнка, замах, пытанне, Джо Байдэн, Крэмль
Суботнік, архіўны фотаздымак

Колькі грошаў сабралі беларусы на рэспубліканскім суботніку

6
(абноўлена 15:00 19.04.2021)
Удзел прынялі ў ім 2,3 млн беларусаў, атрыманыя сродкі накіруюць на добраўпарадкаванне населеных пунктаў і аснашчэнне медыцынскай базы.

МІНСК, 19 кра – Sputnik. У ходзе рэспубліканскага суботніка, які прайшоў па ўсёй краіне 17 красавіка, сабрана больш за 9 мільёнаў рублёў, вынікае са справаздачы Савета Міністраў.

Паводле папярэдняй інфармацыі ў суботніку прынялі ўдзел 2,3 мільёна беларусаў. Па ўсёй краіне грамадзяне, якія выйшлі на мерапрыемства, займаліся добраўпарадкаваннем населеных пунктаў, а таксама пасадкай лесу.

Палова выручаных сродкаў застанецца ў мясцовых бюджэтах. Іх накіруюць на добраўпарадкаванне населеных пунктаў. Грошы таксама выдаткуюць на рамонт і аднаўленне гісторыка-культурных каштоўнасцей, мемарыяльных комплексаў, месцаў баявой і воінскай славы.

Другія 50% сродкаў накіруюць на ўмацаванне базы медустаноў, закупку абсталявання для меддапамогі насельніцтву, фінансаванне закупак вакцыны ад інфекцыі, выкліканай каронавірусам.

Рэспубліканскі суботнік

Нагадаем, рэспубліканскі суботнік прайшоў 17 красавіка, ён быў прызначаны пастановай Саўміна №206. Яго праводзілі "у сувязі з абвяшчэннем 2021 года Годам народнага адзінства".

Мерапрыемства праводзіцца штогод. Арганізацыі праводзяць суботнік на працоўных месцах, альбо займаюцца добраўпарадкаваннем аб'ектаў і тэрыторый. У сувязі з пандэміяй Міністэрства аховы здароўя краіны выдала рэкамендацыі па правядзенні суботніка. Ведамства не пабачыла вялікіх эпідэміялагічных рызык, так як працы вядуцца на вуліцы.

У суботніку прыняў удзел прэзідэнт Беларусі. Аляксандр Лукашэнка ў гэты раз высаджваў дрэвы на сваёй малой радзіме - у аграгарадку Александрыя Шклоўскага раёна Магілёўскай вобласці. Падчас суботніка прэзідэнт распавёў і пра тое, што на яго рыхтаваўся замах, а ў краіне - пераварот.

Гісторыя ўзнікнення суботніка

Суботнікі праводзіліся ў СССР з 1919 года. Самы першы правялі рабочыя ў адказ на заклік Леніна палепшыць працу чыгунак. Шырокае распаўсюджванне суботнікі атрымалі ў 30-я гады. Пасля вайны ўлады СССР арганізоўвалі суботнікі напярэдадні дня нараджэння Леніна, 22 красавіка.

Чытайце таксама:

6
Тэги:
Рэспубліканскі суботнік, Суботнік, беларусы, Грошы