Палац Незалежнасці

Знешнія сілы хочуць распаліць сытуацыю ў Беларусі, заявіў Лукашэнка

24
(абноўлена 13:23 29.03.2021)
Беларускія ўлады запэўнілі, што назіраюць за змяненнем фармату акцый пратэстаў, якія пачаліся ў рэспубліцы ў жніўні 2020 года пасля прэзідэнцкай выбарчай кампаніі.

МІНСК, 29 сак – Sputnik. Важна забяспечыць бяспечнае жыццё для беларускіх грамадзян, заявіў Лукашэнка на нарадзе з сілавым блокам у Палацы Незалежнасці.

"Ужо вельмі хочацца розным сілам, перш за ўсё звонку, распаліць у Беларусі абстаноўку", - цытуе блізкі да прэс-службы прэзідэнта Telegram-канал Пул Першага.

Замежныя рэжысёры

На думку беларускага лідэра, у краіне не будзе спакойнага жыцця, пра што ён ужо не аднойчы заяўляў. Абстаноўка можа быць вастрэй або спакайней, "але абсалютнага спакою ў краіне ніколі не будзе".

"Вы бачыце, што памяняліся рэжысёры за мяжой. Ужо некаторыя там каналы, якія раней вадзілі па Мінску пратэстуноў, ад гэтага адмовіліся. З'явіліся больш радыкальныя, тыпу BYPOL, дзе паўтара-два дзясяткі былых нібыта ваеннаслужачых", - лічыць кіраўнік дзяржавы.

Пры гэтым ён выказаўся ў такім ключы, што гэтых людзей нельга назваць вайскоўцамі, таму што яны заклікаюць да радыкалізацыі дзеянняў.

"Бабкі косяць" за мяжой

Паводле слоў Лукашэнкі, беларускія ўлады бачаць, як праходзіць змена фармату акцый пратэсту і дзеянняў беларускіх палітыкаў, вымушаных выехаць за мяжу.

Кіраўнік дзяржавы аддаў даручэнне Наталлі Качанавай, якая акрамя пасады спікера Савета Рэспублікі, з'яўляецца ўпаўнаважанай прэзідэнта па беларускай сталіцы.

"Глядзіце за парадкам. Трэба кожны дзень працаваць, як гэта вы рабілі на працягу зімы. Таму ёсць і вынік. Людзі ў нас не ідыёты. Яны ж выдатна бачаць, што хтосьці, як яны кажуць, "бабкі косіць за мяжой", - выказаў меркаванне Лукашэнка.

Прычым беларускі лідэр асабліва адзначыў, што ўсім ясна, хто сядзіць на грашовых патоках, а беларусы не хочуць, каб іх на вілы кідалі. Яны "адчуваюць, што іх проста падстаўляюць", і мы гэта бачым унутры краіны.

"Так, трэба працаваць жорстка з тымі, хто бярэцца за зброю, хто прывозіць сюды выбухоўку ці рыхтуе гэтую выбухоўку і спрабуе ці то ў смеццевых кантэйнерах або вогнетушыцелях вырабіць гэтыя выбухі. З гэтымі мы размаўляць не будзем. І лічыць да трох таксама не будзем" , - папярэдзіў Лукашэнка.

Пры гэтым ён упэўнены, што з асноўнай масай людзей неабходна размаўляць. Яны могуць не зразумець ці не пачуць уладу, гэта іх справа, "але з людзьмі трэба размаўляць".

"Павінен проста сказаць, што мы ніколі не дапусцім таго, каб наш народ баяўся выйсці на вуліцы. Гэтага дапусціць мы не можам і не маем права. І гэта характэрна перш за ўсё для горада-героя Мінска", - звярнуў увагу ён.

Пасля чаго Аляксандр Лукашэнка нагадаў яшчэ раз прадухіленыя беларускімі сілавікамі на мінулым тыдні тэрарыстычныя акты.

"Трэба ўсіх рабят, якія ўдзельнічалі ў гэтай аперацыі, прадставіць да дзяржаўных узнагарод. Яны гэта заслужылі, абаранілі велізарную колькасць людзей, якія маглі пацярпець", - упэўнены беларускі лідэр.

Пасля чаго дадаў, што гэта добры ўрок для ўсіх, хто займаецца пытаннямі ўнутранай бяспекі і тых, хто адказвае за абарону рэспублікі.

Чытайце таксама:

24
Тэги:
Аляксандр Лукашэнка, Беларусь, сітуацыя, кампанія, рэспубліка, акцыі пратэстаў, пратэсты, Акцыі, фармат, сіла
Тэмы:
Пратэсты пасля выбараў у Беларусі (255)
Авальная зала пасля рамонту

Беларускім адвакатам могуць забараніць прыватную практыку

5
(абноўлена 17:00 16.04.2021)
Адвакацкі корпус у спрошчаным парадку могуць папоўніць былыя пракуроры, суддзі і іншыя супрацоўнікі праваахоўных органаў.

МІНСК, 16 кра – Sputnik. Беларускія дэпутаты прынялі ў першым чытанні законапраект, згодна з якім прапануецца дазволіць адвакатам працаваць толькі праз юрыдычныя кансультацыі і скасаваць іх дзейнасць у складзе бюро і індывідуальна.

"Праект закона "Аб змяненні законаў па пытаннях адвакацкай дзейнасці" прыняты ў першым чытанні. Адзінай арганізацыйнай формай ажыццяўлення адвакацкай дзейнасці будуць з'яўляцца юрыдычныя кансультацыі", - гаворыцца ў паведамленні ў Telegram-канале ніжняй палаты беларускага парламента. Такім чынам, прапануецца скасаваць дзейнасць адвакатаў у складзе адвакацкіх бюро і індывідуальна.

"Прапанаваны падыход дасць магчымасць забяспечыць стварэнне роўных умоў ажыццяўлення адвакацкай дзейнасці для ўсіх адвакатаў, умацаванне адзінага статусу адваката, а таксама аказанне на належным узроўні юрыдычнай дапамогі. Таксама замацоўваецца магчымасць перахода адвакатаў, якія працуюць індывідуальна або ў адвакацкім бюро, у юрыдычныя кансультацыі для працягу сваёй дзейнасці" , - падкрэсліваецца ў паведамленні.

Такім чынам, законапраектам выключаецца патрабаванне аб абавязковай наяўнасці ў асобы, якая мае намер стаць адвакатам, трохгадовага стажу работы па спецыяльнасці, дыферэнцыруюцца тэрміны праходжання стажыроўкі прэтэндэнтам на званне адваката ў залежнасці ад наяўнасці ў яго стажу працы па спецыяльнасці.

Як гаворыцца ў паведамленні, "уводзіцца спрошчаны парадак праходжання стажыроўкі і здачы кваліфікацыйнага экзамену прэтэндэнтамі з ліку былых суддзяў, пракурораў і іншых работнікаў праваахоўных органаў, г.зн. асоб, якія ўжо маюць вопыт юрыдычнай работы, кандыдатуры якіх прадстаўлены кіраўнікамі адпаведных ведамстваў". У законапраекце замацоўваецца патрабаванне, што адвакаты маюць права прыступіць да ажыццяўлення адвакацкай дзейнасці толькі пасля прынясення прысягі, прапануецца праводзіць чарговыя і пазачарговыя атэстацыі.

Чытайце таксама:

5
Тэги:
Праваахоўчыя органы, суддзі, пракурор, адвакацкі корпус, прыватная практыка, адвакаты
Тэмы:
Пратэсты пасля выбараў у Беларусі (255)
Расійскі прэм'ер Міхаіл Мішусцін і беларускі прэм'ер Раман Галоўчанка ў аэрапорце

Галоўчанка: пакет інтэграцыйных прапаноў у высокай ступені гатоўнасці

7
(абноўлена 17:00 16.04.2021)
Рэспубліка Беларусь і Расійская Федэрацыя працягваюць сумесную працу над дарожнымі картамі саюзнай інтэграцыі.

МІНСК, 16 кра – Sputnik. Тэма інтэграцыі ў эканамічнай сферы - прыярытэтнае пытанне двухбаковага парадку, сказаў прэм'ер-міністр Беларусі Раман Галоўчанка падчас перамоў на ўзроўні ўрадаў ў Нацыянальнай бібліятэцы Беларусі са сваім калегам Міхаілам Мішусціным, перадае карэспандэнт Sputnik.

Паводле яго слоў, у пачатку 2021 года бачна абнадзейлівая тэндэнцыя да аднаўлення аб'ёму двухбаковага тавараабароту.

"Тэмп росту беларускага таварнага экспарту ў Расію па выніках студзеня-лютага склаў каля 105%, а да расійскага ў Беларусь - амаль 125%", - сказаў Раман Галоўчанка.

Пасля чаго запэўніў, што "тэма інтэграцыі ў эканамічнай сферы - прыярытэтнае пытанне двухбаковага парадку. Сумеснымі намаганнямі нашых экспертаў выпрацаваны прапановы па паглыбленні эканамічнай інтэграцыі. Гэты пакет фармальна мае высокую ступень гатоўнасці".

Праблемныя пытанні

Раман Галоўчанка пры гэтым прызнаў, што ёсць яшчэ пытанні, па якіх не ўдалося дасягнуць кансэнсусу.

На яго думку, "у асноўным гэта тыя пытанні, якія маюць практычную значнасць для выраўноўвання ўмоў гаспадарання нашых эканамічных агентаў".

Беларускі прэм'ер назваў іх складанымі і адчувальнымі, але абыходзіць іх пры гэтым, паводле яго слоў, бессэнсоўна.

"Таму што, не знайшоўшы развязак па іх, мы не зможам выбудаваць па-сапраўднаму саюзную эканоміку і рэальны інтэграцыйны праект", - сказаў Раман Галоўчанка.

Паспяховыя прыклады

Пры гэтым ён лічыць, што супрацоўніцтва па перавалцы беларускіх нафтапрадуктаў праз расійскія парты павінна служыць прыкладам, як могуць і павінны вырашацца цяжкія пытанні двухбаковага ўзаемадзеяння.

"Ужо адгружана больш за 220 тысяч тон гандлёвых грузаў Беларусі праз марскую партовую інфраструктуру Расіі", - удакладніў кіраўнік урада.

Пасля чаго адзначыў, што так і павінны вырашацца складаныя пытанні пры належнай матывацыі. Падобным прыкладам ён назваў і выпуск расійскай вакцыны ў Беларусі.

Раман Галоўчанка звярнуў увагу, што фактарам, які стрымлівае аднаўленне эканомікі, з'яўляюцца абмежаванні па перасячэнні меж.

"Трэба выходзіць на нармальны перадкавідны рэжым транспартных зносін", - прапанаваў прэм'ер. Вядома, з улікам санітарна-эпідэміялагічных мер. У першую чаргу варта зняць абмежаванні ў перамяшчэнні дзелавых асоб, што надасць імпульс развіццю рэгіянальнага супрацоўніцтва.

Чытайце таксама:

7
Тэги:
Інтэграцыя, дарожныя карты, Праца, Беларусь, Расійская Федэрацыя, рэспубліка, Рэспубліка Беларусь, прапановы, Раман Галоўчанка
Тэмы:
Саюзная дзяржава Беларусі і Расіі