Прэс-сакратар прэзідэнта РФ Дзмітрый Пяскоў

Пяскоў: гаворкі пра аб'яднанне Расіі і Беларусі не вядзецца

18
(абноўлена 11:47 30.03.2021)
Прэс-сакратар прэзідэнта РФ заявіў, што максімальна магчымая паглыбленая інтэграцыя ў рамках Саюзнай дзяржавы была б у інтарэсах як расіян, так і беларусаў.

МІНСК, 30 сак – Sputnik. Гаворкі пра аб'яднанне Расіі і Беларусі не вядзецца, ёсць планы па паглыбленні інтэграцыі ў Саюзнай дзяржаве, гэта ў інтарэсах двух народаў, заявіў прэс-сакратар прэзідэнта РФ Дзмітрый Пяскоў у інтэрв'ю, апублікаваным у аўторак у газеце "Аргументы і факты".

"Ёсць саюзны дагавор, дзе прапісана пэўная паслядоўнасць крокаў па паглыбленні інтэграцыі. Ёсць набор дарожных карт, якія ўзгадняюць нашы кабінеты міністраў, - далейшыя крокі па паглыбленні інтэграцыі ў рамках Саюзнай дзяржавы. Пра аб'яднанне размова не вядзецца. Але максімальна магчымая паглыбленая інтэграцыя, мы перакананы, была б у інтарэсах як расіян, так і беларусаў", - сказаў Пяскоў.

Каментуючы сітуацыю ў Беларусі, прэс-сакратар прэзідэнта РФ адзначыў, што Расія не ўмешвалася "і не мае планаў умешвацца ва ўнутраныя беларускія справы".

"Але мы ўсе хварэем сэрцам і душой за нашых беларускіх братоў, таму што мы сапраўды практычна адзін народ", - сказаў Пяскоў.

Ён адзначыў, што прэзідэнт Беларусі Аляксандр Лукашэнка публічна казаў пра планы правядзення канстытуцыйнай рэформы ў краіне і "ёсць пэўныя чаканні на гэты конт", але як будзе развівацца сітуацыя - гэта ўнутранае пытанне Беларусі.

Гутарка з Пуціным

Нагадаем, пры наведванні прадпрыемства "Малочны Мір" Аляксандр Лукашэнка адзначыў, што тэма канстытуцыйнай рэформы на перамовах з Пуціным не закраналася.

"У апошні час, калі пайшла канстытуцыйная рэформа, камісія працуе, усе пачалі там пісаць: Лукашэнка паабяцаў Пуціну канстытуцыйную рэформу. Я ніколі нікому нічога не абяцаў, акрамя вось вас - уласнага народа", - заявіў ён і дадаў, што расійскі калега мог толькі пацікавіцца яго думкамі на гэты конт, а пытанне закраналася толькі ў агульных рысах.

Канстытуцыйныя змяненні

Першае пасяджэнне Канстытуцыйнай камісіі адбылося 15 сакавіка, днём пазней прэзідэнт падпісаў указ, згодна з якім склад камісіі быў пашыраны да 36 чалавек.

Камісія займаецца распрацоўкай прапаноў па змяненнях у Асноўны закон і забеспячэннем іх ўсенароднага абмеркавання. Да 1 жніўня кіраўніку дзяржавы павінны быць прадстаўлены прапановы па змяненні Канстытуцыі, далей іх вынесуць на рэспубліканскі рэферэндум.

Канстытуцыйную камісію ўзначальвае старшыня Канстытуцыйнага суда Пётр Міклашэвіч. Намеснікі - старшыня Савета Рэспублікі Наталля Качанава і старшыня Палаты прадстаўнікоў Уладзімір Андрэйчанка. У камісію ўвайшлі члены Савета Рэспублікі, дэпутаты Палаты прадстаўнікоў, прадстаўнікі органаў мясцовага самакіравання, рэальнага і фінансавага сектараў эканомікі, грамадскіх аб'яднанняў, навукі і адукацыі, культуры і спорту.

Канстытуцыя ў сучаснай Беларусі была прынята 15 сакавіка 1994 года Вярхоўным саветам, далей Асноўны закон змяняўся на рэферэндумах у 1996 і 2004 гадах. Чарговая тэма змены Канстытуцыі наспела на фоне ўнутрыпалітычнага крызісу ў краіне, які паўстаў пасля апошніх прэзідэнцкіх выбараў.

Чытайце таксама:

18
Тэги:
беларусы, расіяне, Саюзная дзяржава, Інтэграцыя, прэзідэнт, Беларусь, Расія, Дзмітрый Пяскоў
Тэмы:
Саюзная дзяржава Беларусі і Расіі (140)
Прэзідэнты Аляксандр Лукашэнка і Уладзімір Пуцін

Лукашэнка і Пуцін пагаварылі па тэлефоне

6
(абноўлена 12:08 15.04.2021)
За два апошнія тыдні кіраўнікі дзяржаў сазваніліся ўжо двойчы, папярэдняя размова адбылася 2 красавіка.

МІНСК, 15 кра – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правялі тэлефонную размову, паведамляе Telegram-канал "Пул Першага", блізкі да прэс-службы беларускага лідэра.

У паведамленні адзначаецца, што прэзідэнты закранулі шэраг тэм, абмеркаваўшы не толькі развіццё беларуска-расійскіх адносін, але і пытанні міжнароднага парадку дня. Акрамя таго, лідэры абмеркавалі графік будучых сустрэч і больш падрабязна спыніліся на візіце ў Мінск расійскага прэм'ер-міністра Міхаіла Мішусціна.

У прэс-службе Крамля раскрылі падрабязнасці гутаркі прэзідэнтаў. У прыватнасці, Лукашэнка і Пуцін абмеркавалі тэму карабахскага ўрэгулявання. Нагадаем, напярэдадні завяршыўся двухдзённы афіцыйны візіт беларускага лідэра ў Баку, дзе ён правёў перамовы з прэзідэнтам Ільхамам Аліевым.

"У кантэксце толькі што праведзенага візіту Аляксандра Лукашэнкі ў Азербайджан закранута тэма нагорнакарабахскага ўрэгулявання", - гаворыцца ў паведамленні.

Кіраўнікі дзяржаў таксама выказалі настрой на ўмацаванне саюзніцкіх адносін.

Гэта другая тэлефонная размова кіраўнікоў дзяржаў за апошнія два тыдні. Папярэдняя адбылася 2 красавіка ў Дзень яднання народаў Беларусі і Расіі. Тады прэзідэнты абмеркавалі шэраг пытанняў, у тым ліку барацьбу з каронавірусам, знешнія пагрозы, а таксама падрыхтоўку да правядзення чарговага пасяджэння Вышэйшага Дзяржсавета Саюзнай дзяржавы.

Чытайце таксама:

6
Тэги:
размова, дзяржава, кіраўнік, Тэлефон, Уладзімір Пуцін, Аляксандр Лукашэнка
Тэмы:
Саюзная дзяржава Беларусі і Расіі (140)
Ратонда Капітолія ў Вашынгтоне

ЗША плануюць увесці новыя санкцыі супраць Расіі

5
(абноўлена 11:24 15.04.2021)
Новыя рэстрыкцыі будуць накіраваны на пашырэнне забароны на аперацыі з расійскімі дзяржаўнымі даўгавымі абавязацельствамі.

МІНСК, 15 кра – Sputnik. Новыя санкцыі Вашынгтона супраць Масквы будуць накіраваны супраць расійскага суверэннага доўгу, паведамляе газета New York Times са спасылкай на крыніцы.

Раней агенцтва Bloomberg паведаміла са спасылкай на ўласныя крыніцы, што ЗША увядуць санкцыі супраць прыблізна 12 расіян і 20 расійскіх арганізацый. Амерыканскія ўлады таксама вышлюць дзесяць расійскіх дыпламатаў па абвінавачванні ва ўмяшанні ў выбары і кібератаках.

Расію абвінавачваюць без доказаў

Прэс-сакратар прэзідэнта РФ Дзмітрый Пяскоў раней заявіў, што Масква ніколі не была датычная да кіберзлачынстваў. У сваю чаргу афіцыйны прадстаўнік МЗС Расіі Марыя Захарава адзначыла, што абвінавачванні ў адрас Расіі аб датычнасці да масавай хакерскай атацы на амерыканскія федэральныя ведамствы не маюць пад сабой доказаў.

Паводле інфармацыі газеты Wall Street Journal, прэзідэнт Джо Байдэн выдасць указ аб пашырэнні забароны на гандлёвыя аперацыі амерыканскіх банкаў з расійскімі дзяржаўнымі даўгавымі абавязацельствамі.

"Сонечны вецер" кібератак

Агенцтва па кібербяспецы і інфраструктурнай бяспецы ЗША у студзені бягучага года разам з ФБР заявіла аб маштабнай кібератацы на кліентаў фірмы па камп’ютэрнай бяспецы SolarWinds, за якой нібыта стаіць Расія.

У выніку былі атакаваны амерыканскія ўрадавыя ўстановы, што было расцэнена, як спроба атрымаць разведкай інфармацыю. Затым стала зразумела, што хакерам не ўдалося атрымаць доступ да важнай інфармацыі.

Прэзідэнт ЗША Джо Байдэн у інтэрв'ю тэлеканалу ABC News заявіў, што прэзідэнт РФ Уладзімір Пуцін "заплаціць" за нібыта меўшае месца ўмяшанне ў выбары ў Злучаных Штатах.

Расія абвяргае абвінавачванні ў спробах ўмяшання ў выбарчы працэс у замежных дзяржавах. Па словах прэс-сакратара прэзідэнта РФ Дзмітрыя Пяскова, іх можна назваць "абсалютна галаслоўнымі".

Чытайце таксама:

5
Тэги:
дзяржаўныя даўгавыя абавязацельствы, абавязацельства, аперацыі, забарона, Расія, санкцыі, ЗША