Канстытуцыя Рэспублікі Беларусь

Больш за 15 тысяч прапаноў: Канстытуцыйная камісія пачала працу ў Мінску

11
(абноўлена 12:23 31.03.2021)
Згодна з зацверджаным графікам, раздзелы пра прэзідэнта, ўрад і выбарчую сістэму будуць разглядаць на наступных пасяджэннях у красавіку.

МІНСК, 31 сак – Sputnik. Канстытуцыйная камісія, якая разглядае прапановы ў Асноўны закон Беларусі, пачала працу ў Мінску.

Першае працоўнае пасяджэнне камісіі праходзіць у статуснай круглай зале Нацыянальнай бібліятэкі Беларусі. У камісію ўваходзяць 36 чалавек, у ліку якіх старшыні Канстытуцыйнага і Вярхоўнага судоў, спікеры абедзвюх палат парламента, юрысты, парламентарыі.

Як паведаміў Sputnik дырэктар інфармацыйна-аналітычнай установы "Круглы стол дэмакратычных сіл" Юрый Васкрасенскі, які ўваходзіць у гэтую камісію, усяго паступіла больш за 15 тысяч прапаноў па змене Асноўнага закона.

У сераду камісія разглядае прапановы ў раздзел Канстытуцыі Беларусі, які тычыцца сям'і і асобы. Таксама стаў вядомы план пасяджэнняў Канстытуцыйнай камісіі - іх усяго будзе сем. 28 красавіка Канстытуцыйная камісія разгледзіць папраўкі і прапановы ў раздзелы Канстытуцыі, якія тычацца прэзідэнта і ўрада. На 14 красавіка запланаваны разгляд прапаноў у раздзел аб выбарчай сістэме. Заключнае пасяджэнне пройдзе 21 ліпеня.

Першае установачнае пасяджэнне Канстытуцыйнай камісіі прайшло 15 сакавіка у Палацы Незалежнасці, на ім прысутнічаў прэзідэнт Беларусі Аляксандр Лукашэнка.

Трывалы падмурак

Адкрываючы пасяджэнне камісіі, старшыня КС Беларусі Пётр Міклашэвіч заявіў, што задача Канстытуцыйнай камісіі - распрацаваць прапановы па змене Канстытуцыі Беларусі на сучасным этапе гістарычнага развіцця, улічваючы рэальныя асаблівасці сацыяльнага і палітыка-прававога развіцця краіны, наспеўшыя галоўныя патрэбы грамадства.

"Эфектыўнае дзяржаўна-прававое будаўніцтва магчыма толькі на трывалым канстытуцыйным падмурку. Пры гэтым, з аднаго боку, стабільнасць Канстытуцыі з'яўляецца важнай умовай устойлівага развіцця грамадства і дзяржавы. З іншага боку, Канстытуцыя павінна адпавядаць пераменлівым грамадскім адносінам", - цытуе яго словы дзяржагенства БелТА.

Пры гэтым ён адзначыў, што сёння не стаіць задача з чыстага ліста напісаць новую Канстытуцыю.

"Нагадаю, Канстытуцыя была прынята ў 1994 годзе. Змены былі ўнесены ў 1996-м, і вось ужо каля 30 гадоў наша краіна ўстойліва, дынамічна, бяспечна развіваецца, мы дасягаем прагрэсу па розных напрамках", - сказаў кіраўнік КС Беларусі.

Паводле яго слоў, у цяперашні час неабходна ўмацаваць прававы каркас Асноўнага закона, каб даць магчымасць рэгуляваць на больш высокім сучасным узроўні грамадскія адносіны па ўсіх напрамках.

Чытайце таксама:

11
Тэги:
Урад, прэзідэнт, Мінск, Праца, камісія, Канстытуцыйная камісія, прапановы
Кіраўнік МЗС Расіі Сяргей Лаўроў

МЗС РФ: Кіеў вядзе вайну супраць уласнага народа

0
(абноўлена 17:12 12.04.2021)
Раней у Крамлі заявілі, што разлічваюць на палітычную мудрасць Украіны ў сітуацыі з эскалацыяй канфлікту на ўсходзе краіны.

МІНСК, 13 кра - Sputnik. Украінскія ўлады ў 2014 годзе ажыццявілі агрэсію супраць сваіх грамадзян, заявіў міністр замежных спраў Расіі Сяргей Лаўроў.

Ён адзначыў, што Кіеў зрабіў гэта "пад уздзеяннем заахвочванняў" і дадаў, што Кіеў вядзе вайну супраць уласнага народа, "абвясціўшы іх тэрарыстамі, хоць жыхары Данбаса ні на каго на астатняй тэрыторыі Украіны не нападалі".

"Таму, калі зараз прадстаўнікі адміністрацыі Зяленскага заяўляюць, што Кіеў нічога не плануе на Данбасе, таму што Кіеў не можа ваяваць з уласным народам, - гэта няпраўда", - цытуе Лаўрова РІА Навіны.

Кіраўнік ведамства выказаў надзею, што "гэтую гісторыю" не забываюць у дзяржавах, якія абмяркоўваюць з Украінай пастаўкі ваеннага абсталявання.

Гэта можа дрэнна скончыцца

Ён таксама адзначыў, што ўрокі павінны былі быць зразумелыя яшчэ сем гадоў таму і канстатаваў, што пакуль гэтага не адбылося.

"Пакуль мы не назіраем пацверджання гэтай ісціны, засвоенай, мы спадзяваліся, усімі тымі, хто заахвочваў антырасійскія русафобскія настроі ўкраінскага кіраўніцтва, і хто заахвочваў адсутнасць якога-небудзь жадання і мінулага ўрада, і цяперашняга ўрада ў Кіеве выконваць міжнародна-прававыя дамоўленасці, замацаваныя рэзалюцыяй Савета Бяспекі, якая ўхваліла мінскія пагадненні", - сказаў Лаўроў.

Па словах міністра, "гэта можа дрэнна скончыцца, таму што ў пагоні за аднаўленнем свайго рэйтынгу цяперашні кіеўскі рэжым цалкам можа сарвацца на безразважныя дзеянні".

На фоне "ваяўнічых заяў" украінскіх уладаў Расія заклікае Турцыю і іншыя краіны не падсілкоўваць "мілітарысцкія настроі" Кіева. Нагадаем, у суботу прэзідэнт Украіны Уладзімір Зяленскі правёў перамовы са сваім турэцкім калегам Тайіпам Эрдаганам.

Амерыканскія караблі ў Чорным моры

Па дадзеных РІА Навіны са спасылкай на крыніцу ў МЗС Турцыі, Штаты апавясцілі Анкару пра тое, што два амерыканскіх ваенных караблі на гэтым тыдні пройдуць праз Басфор ў Чорнае мора і будуць знаходзіцца там да пачатку траўня. Афіцыйны прадстаўнік Пентагона Джон Кірбі пры гэтым заявіў, што аперацыі ў Чорным моры - "руціннага характару".

"Цяпер гэта (ваенная актыўнасць ЗША ў Чорным моры) робіцца асабліва напорыста, суправаджаецца агрэсіўнай рыторыкай, задаюцца пытанні, а што робіць Расійская Федэрацыя на мяжы з Украінай. Адказ вельмі просты: мы там жывем, гэта наша краіна", - заявіў Лаўроў.

Паводле яго слоў, пытанне аб тым, што робіць ЗША і іх вайскоўцы, якія рэгулярна праводзяць мерапрыемствы па лініі НАТА ва Украіне, пакуль застаецца без адказу.

У панядзелак з нагоды сітуацыі на ўсходзе Украіны выказаўся таксама прэс-сакратар прэзідэнта Расіі Дзмітрый Пяскоў. Ён выказаў надзею, што правакацыйныя дзеянні Кіева "сыдуць на нішто" і дадаў, што Крэмль спадзяецца на ўкраінскую палітычную мудрасць.

Чытайце таксама:

0
Тэги:
краіна, Украіна, Палітыка, Крэмль, народ, Кіеў, МЗС РФ
Раман Галоўчанка і Міхаіл Мішусцін на сустрэчы ў Маскве

Перамовы Галоўчанкі і Мішусціна пройдуць у бліжэйшыя дні

30
(абноўлена 17:26 12.04.2021)
Сустрэча прэм'ераў Беларусі і Расіі пройдзе ў Мінску ў вочным фармаце. Галоўнай тэмай для абмеркавання стануць дарожныя карты.

МІНСК, 12 кра - Sputnik. Перамовы прэм'ер-міністра Беларусі Рамана Галоўчанкі і старшыні ўрада Расіі Міхаіла Мішусціна пройдуць у бліжэйшыя дні, заявіў дзяржсакратар Саюзнай дзяржавы Дзмітрый Мезенцаў.

"У бліжэйшыя дні адбудуцца перамовы старшыні ўрада Расіі Міхаіла Мішусціна з прэм'ер-міністрам Беларусі Раманам Галоўчанкам", - заявіў Мезенцаў падчас наведвання Навуковага цэнтра аператыўнага маніторынгу Зямлі АТ "Расійскія касмічныя сістэмы".

Дзмітрый Мезенецаў раней адзначаў, што кантакты ўрадаў дзвюх краін выйшлі на новы ўзровень узаемадзеяння, а Беларусі і Расіі трэба сыходзіць ад размоў, колькі і па якой цане прадаць адзін аднаму нафты, газу і трактароў. Ён падкрэсліў таксама, што краінам неабходна аб'ядноўваць намаганні, ствараць сумесныя вытворчасці, "каб быць канкурэнтаздольнымі".

Ніякія спрэчкі не могуць зацямніць стратэгічную накіраванасць, маштаб нашага супрацоўніцтва", - падкрэсліў дзяржсакратар СД падчас урачыстага мерапрыемства з нагоды Дня яднання народаў Беларусі і Расіі.

Раней сустрэча прэм'ераў анансавалася таксама паслом Беларусі ў Расіі Уладзімірам Сямашкам. Ён адзначаў, што галоўнай тэмай перамоў стануць дарожныя карты. Сама ж сустрэча павінна прайсці ў вочным фармаце ў беларускай сталіцы.

Папярэдняя сустрэча Рамана Галоўчанкі і Міхаіла Мішусціна прайшла ў студзені ў Маскве. На перамовах закраналіся пытанні барацьбы з пандэміяй, актуальныя напрамкі расійска-беларускага гандлёва-эканамічнага супрацоўніцтва. Затым у лютым прэм'еры пагутарылі па тэлефоне, абмеркаваўшы пагадненне аб перавалцы нафтапрадуктаў і барацьбу з каронавірусам.

Чытайце таксама:

30
Тэги:
дарожныя карты, Мінск, Расія, Беларусь, прэм'ер, Міхаіл Мішусцін, Раман Галоўчанка, перамовы
Тэмы:
Саюзная дзяржава Беларусі і Расіі