МІНСК, 2 кра – Sputnik. На пасяджэнні сесіі Палаты прадстаўнікоў Нацыянальнага схода Беларусі дэпутаты прынялі ў першым чытанні законапраект "Аб недапушчэнні рэабілітацыі нацызму", а таксама прынялі папраўкі ў законы па пытаннях процідзеяння экстрэмізму, паведамляе БелТА.
Закон "Аб недапушчэнні рэабілітацыі нацызму"
Праект закона быў распрацаваны парламентам сумесна з Генпракуратурай.
"У праекце ўпершыню заканадаўча замацоўваюцца вызначэнні тэрмінаў "нацысцкія злачынцы", "памагатыя нацысцкіх злачынцаў", а таксама вызначаюцца суб'екты процідзеяння рэабілітацыі нацызму", - гаворыцца ў паведамленні.
Законапраект прадугледжвае забарону на гераізацыю нацызму і фінансаванне адпаведнай дзейнасці. Забарона будзе распаўсюджвацца і на замежныя арганізацыі, якія прапагандуюць гераізацыю нацызму, у тым ліку ў інтэрнэце. Акрамя таго, устаноўлены меры процідзеяння і метады прафілактыкі рэабілітацыі нацызму.
Законапраект распрацаваны з улікам норм мадэльнага закона Міжпарламенцкай асамблеі дзяржаў - удзельніц СНД "Аб недапушчальнасці дзеянняў па рэабілітацыі нацызму, гераізацыі нацысцкіх злачынцаў і іх памагатых".
Супрацьдзеянне экстрэмізму
Змены ў заканадаўства таксама распрацоўвала Генеральная пракуратура. Згодна з новай рэдакцыі закона "Аб супрацьдзеянні экстрэмізму", міліцыі і КДБ прадастаўлены паўнамоцтвы па прызнанні груп грамадзян экстрэмісцкімі фарміраваннямі і забароне іх дзейнасці.
"У цяперашні час крымінальна караецца толькі стварэнне або кiраўнiцтва экстрэмісцкім фарміраваннем. Прапануецца ўстанавіць адказнасць за распаўсюджванне заведама лжывых звестак аб палітычным, эканамічным, сацыяльным, ваенным і міжнародным становішчы Беларусі, прававым становішчы грамадзян, дзейнасці дзяржаўных органаў улады і кіравання ў публічных выступленнях, у тым ліку ў СМІ і сеткі інтэрнэт", - растлумачыў генеральны пракурор Андрэй Швед.
Праектам прапануецца ўстанавіць новы - паскораны - тэрмін разгляду спраў у судах у дачыненні да арганізацый "з прыкметамі экстрэмізму".
"Гэта значыць, не пазней за адзін месяц з дня прыняцця заявы", - распавёў Швед.
Паняцці "экстрэмізм" і "экстрэмісцкія матэрыялы" будуць пашыраны. Да апошніх аднясуць не толькі інфармацыйную прадукцыю, але і сімволіку, атрыбутыку, прызначаныя для экстрэмісцкай дзейнасці і яе прапаганды.
Згодна з праектам закона, міліцыі і КДБ прадастаўлены паўнамоцтвы па прызнанні груп грамадзян экстрэмісцкімі фарміраваннямі і забароне іх дзейнасці.
Таксама пракурор, органы дзяржбяспекі і ўнутраных спраў атрымаюць права пры выяўленні прыкмет экстрэмісцкіх дзеянняў выносіць прадпісанні заснавальнікам і кіраўнікам арганізацый, індывідуальным прадпрымальнікам пры адсутнасці падстаў для прыцягнення іх да крымінальнай адказнасці.
Акрамя таго, калі закон прымуць, МУС будзе весці пералікі арганізацый, фарміраванняў, індывідуальных прадпрымальнікаў і грамадзян, якія маюць дачыненне да экстрэмісцкай дзейнасці.
Чытайце таксама:
- Праект закона аб забароне рэабілітацыі нацызму паступіў у парламент
- Генпракуратура: проста крытыка ўлады не будзе выклікаць крымінальнай адказнасці
- У Беларусі плануюць крыміналізаваць ўсе формы экстрэмізму
