Падпісанне дакументаў

Прэзідэнт прызначыў новых памочнікаў па Мінскай і Гомельскай абласцях

11
(абноўлена 14:35 05.04.2021)
На павышэнне пайшлі ўжо былы намеснік старшыні Мінскага аблвыканкама Мікалай Рагашчук і кіраўнік Горацкага раёна Аляксандр Бутараў.

МІНСК, 5 кра – Sputnik. Кіраўнік дзяржавы Аляксандр Лукашэнка прызначыў новых памочнікаў-інспектараў па Гомельскай і Мінскай абласцях, паведамляе Telegram-канала "Пул першага".

Пасаду памочніка прэзідэнта - інспектара па Гомельскай вобласці зойме Мікалай Рагашчук, які з чэрвеня 2018 года працаваў намеснікам старшыні Мінскага абласнога выканаўчага камітэта. У выканкаме ён займаўся пытаннямі эканомікі і прамысловасці.

Вакантную ўжо месяц пасаду памочніка прэзідэнта - інспектара па Мінскай вобласці зойме цяперашні старшыня Горацкага райвыканкама Аляксандр Бутараў. Яго папярэднік Ігар Яўсееў быў інспектарам па цэнтральным рэгіёне амаль тры з паловай гады. Лукашэнка вызваліў яго ад пасады 5 сакавіка 2021 года.

Згодна службовых абавязкаў, новыя абласныя інспектары будуць прыцягваць да выканання даручэнняў прэзідэнта дзяржорганы і арганізацыі, а таксама праводзіць прыёмы грамадзян.

Біяграфія Рагашчука і Бутарава

Мікалай Рагашчук нарадзіўся ў Пінску, яму 41 год. Выпускнік Брэсцкага дзяржаўнага ўніверсітэта імя Пушкіна па спецыяльнасці эканамічная кібернетыка. Працаваў будаўніком, інжынерам-праграмістам, займаў шэраг пасад у Брэсцкім абласным тэрытарыяльным фондзе дзяржмаёмасці, пасля чаго перайшоў на працу ў Мінскі фонд.

У 2018 годзе - старшыня камітэта эканомікі Мінгарвыканкама, пасля стаў намеснікам старшыні Мінскага аблвыканкама.

Аляксандр Бутараў родам з Горацкага раёна, яму 48 гадоў. Скончыў БДСГА і Акадэмію кіравання.

Працаваў галоўным заатэхнікам, затым займаў розныя кіруючыя пасады ў Шклоўскім раёне. Быў першым намеснікам старшыні Круглянскага РВК, інспектарам па Віцебскай вобласці аналітычнага ўпраўлення апарату Савета Міністраў, першым намеснікам старшыні Горацкага райвыканкама, старшынёй Кіраўскага райвыканкама.

З 31 ліпеня 2019 года Бутараў - старшыня Горацкага РВК.

Чытайце таксама:

11
Тэги:
Аляксандр Бутараў, Горацкі раён, кіраўнік, Мікалай Рагашчук, Мінскi аблвыканкам, старшыня, намеснік, Гомельская вобласць, Мінская вобласць, памочнік
Будынак КДБ Беларусі

КДБ пацвердзіў інфармацыю аб затрыманні Кастусёва і Фядуты

8
(абноўлена 17:57 13.04.2021)
СМІ ужо другія суткі абмяркоўваюць прапажу лідэра найстарэйшай апазыцыйнай партыі і вядомага палітолага, праваахоўныя органы заявілі аб затрыманні толькі ў аўторак.

МІНСК, 13 кра – Sputnik. Камітэт дзяржаўнай бяспекі пацвердзіў затрыманне беларускага палітолага, былога члена каманды Аляксандра Лукашэнкі, Аляксандра Фядуты, а таксама кіраўніка БНФ Рыгора Кастусёва, паведаміла БелТА са спасылкай на ведамства.

У паведамленні гаворыцца, што Фядута і Кастусёў затрыманы ў рамках расследавання распачатай крымінальнай справы ў парадку артыкула 108 КПК Беларусі па непасрэдна ўзніклым падазрэнні ў здзяйсненні злачынства.

Поўная інфармацыя па гэтай сітуацыі будзе прадастаўлена пасля правядзення неадкладных следчых дзеянняў і аператыўна-вышуковых мерапрыемстваў.

Прапажа Фядуты

Як паведамляў Sputnik, заява аб згубе Фядуты паступіла ў аддзел МУС Расіі па Прэсненскім раёне Масквы ў ноч на панядзелак. На той момант ён не выходзіў на сувязь больш за суткі.

Хто такі Аляксандр Фядута?

Фядута ў 1994 годзе быў у камандзе Аляксандра Лукашэнкі, займаў пасаду начальніка ўпраўлення грамадска-палітычнай інфармацыі Адміністрацыі прэзідэнта. У 2005 годзе напісаў першую палітычную біяграфію прэзідэнта Беларусі.

У 2010 годзе ў перыяд выбарчай кампаніі быў у камандзе кандыдата ў прэзідэнты Уладзіміра Някляева, разам з ім ствараў грамадзянскую кампанію "Гавары праўду!" (у 2014 годзе скончыў працу ў ёй).

Фядута быў затрыманы 20 снежня 2010 года і змешчаны пад варту, да красавіка 2011 года знаходзіўся ў СІЗА КДБ, а потым яго вызвалілі пад падпіску аб нявыездзе. Праз месяц Фядута быў прысуджаны да двух гадоў пазбаўлення волі ўмоўна з выпрабавальным тэрмінам у два гады па справе аб масавых беспарадках 19 снежня 2010 года.

Лідэр партыі БНФ

Рыгор Кастусёў з'яўляецца старшынёй партыі "Беларускі народны фронт". Раней у сацсетках БНФ з'явілася інфармацыя аб тым, што ён знаходзіцца ў мінскім СІЗА КДБ "па крымінальнай справе". Сваякі даведаліся аб затрыманні пасля таго, як ім патэлефанавалі з Камітэта дзяржбяспекі.

Паводле інфармацыі СМІ, затрыманне адбылося напярэдадні ўвечары ў Шклове (Магілёўская вобласць).

Рыгор Кастусёў у палітыцы больш за 30 гадоў. У партыю "Беларускі народны фронт" ён уступіў у 1989 годзе, з 2009 года займаў пасаду намесніка старшыні партыі, а ў 2017 годзе палітык узначаліў БНФ. У 2010-м вылучаўся кандыдатам у прэзідэнты, пасля выбараў з-за ўдзелу ў акцыі пратэсту быў затрыманы праваахоўнымі органамі, аднак асуджаны не быў.

Чытайце таксама:

8
Тэги:
орган, палітолаг, партыя, СМІ, Аляксандр Фядута, Рыгор Кастусёў, затрыманне, інфармацыя, КДБ РБ
Тэмы:
Пратэсты пасля выбараў у Беларусі
Гарады свету. Баку

Лукашэнка выляцеў у Баку

9
(абноўлена 16:01 13.04.2021)
Праграмай двухдзённага візіту прадугледжаны дзве сустрэчы з азербайджанскім калегам Ільхамам Аліевым.

Прэзідэнт Беларусі Аляксандр Лукашэнка адправіўся ў аўторак 13 красавіка з візітам у Азербайджан. Беларускі борт нумар адзін выляцеў з Нацыянальнага аэрапорта Мінск, паведамілі Sputnik у прэс-службе кіраўніка дзяржавы.

Тэмы перамоў Лукашэнкі і Аліева

Кіраўнікі дзяржаў сустрэнуцца двойчы і правядуць перамовы ў двух фарматах: нефармальным і афіцыйным.

Першая частка перамоў адбудзецца адразу па прыбыцці Лукашэнкі ў Баку. Плануецца, што лідэры ​​дзвюх краін абмяркуюць асноўныя напрамкі беларуска-азербайджанскіх адносін і стратэгічныя пытанні паглыблення двухбаковага супрацоўніцтва. У сераду абмеркаванне найбольш актуальных тэм адбудзецца як у вузкім, так і пашыраным складах з удзелам членаў дэлегацый. Асноўную ўвагу бакі нададуць пашырэнню гандлёва-эканамічнага ўзаемадзеяння і напаўненню супрацоўніцтва новым зместам.

Размова пойдзе аб паглыбленні прамысловай кааперацыі, рэалізацыі бягучых і перспектыўных праектаў у галіне вытворчасці і паставак прадуктаў харчавання, перапрацоўкі сельскагаспадарчай прадукцыі.

Мяркуецца, што бакі абмяркуюць таксама тэмы супрацоўніцтва ў ахове здароўя, навукова-тэхнічнай, адукацыйнай і турыстычнай сферах.

Як указвае прэс-служба прэзідэнта Беларусі, кіраўнікі дзяржаў таксама абмяняюцца меркаваннямі па актуальных пытаннях міжнароднага парадку дня.

Па выніках перамоў чакаецца падпісанне двухбаковых дакументаў.

Сустрэчы прэзідэнтаў дзвюх краін

У апошні раз кіраўнікі дзяржаў бачыліся ў лістападзе 2018 года - тады Аліеў прылятаў у Мінск. У рамках гэтага візіту быў падпісаны мемарандум аб узаемаразуменні паміж Дзяржкамваенпрамам Беларусі і Мінабароны Азербайджана аб развіцці ўзаемавыгаднага двухбаковага супрацоўніцтва ў галіне паставак узбраення і тэхнікі супрацьпаветранай абароны.

Лукашэнка ж да гэтага быў у Баку двума гадамі раней - восенню 2016-га. Тады бакі падпісалі планы супрацоўніцтва да 2025 года. У ходзе сустрэчы прэзідэнты дамовіліся аб тым, што ў азербайджанскай правінцыі Гянджа беларусы пабудуюць малочнатаварны комплекс на 1200 галоў жывёлы. Тады ж беларускі бок выказаў цікавасць да перапрацоўкі нафты ў Азербайджане на давальніцкіх умовах.

Супрацоўніцтва Беларусі і Азербайджана

Баку ўваходзіць у топ-15 найбуйнейшых гандлёвых партнёраў Мінска: у мінулым годзе тавараабарот паміж краінамі наблізіўся да паўмільярда долараў.

Паспяхова развіваецца супрацоўніцтва ў нафтавай сферы. У 2020 годзе Азербайджан стаў адным з асноўных альтэрнатыўных пастаўшчыкоў нафты пасля часовага прыпынення паставак сыравіны ў Беларусь буйнымі расійскімі кампаніямі. У рэспубліку паступіла каля мільёна тон нафты, а ў 2021 годзе закупкі працягнуліся: азербайджанская сыравіна паступае на Мазырскі НПЗ для далейшай перапрацоўкі.

На тэрыторыі Азербайджана працуе вытворчасць па зборцы беларускіх трактароў і камбайнаў, грузавых аўтамабіляў і транспартнай тэхнікі.

Чытайце таксама:

9
Тэги:
Ільхам Аліеў, сустрэча, візіт, праграма, Баку, Аляксандр Лукашэнка