Віцэ-прэм'ер Украіны Аляксей Рэзнікаў

Кіеў не адправіць членаў кантактнай групы па Данбасу ў Мінск - Рэзнікаў

25
(абноўлена 11:50 06.04.2021)
Сваю пазіцыю ўкраінскія ўлады патлумачылі тым, што ў краіны няма даверу да афіцыйнага Мінска. Раней Украіна заяўляла аб тым, што магчымы перанос пляцоўкі перамоваў ТКГ у Швецыю.

МІНСК, 6 кра – Sputnik. На Украіне маюць намер шукаць іншы горад для правядзення перамоваў па ўрэгуляванні канфлікту на ўсходзе Украіны, паведаміў віцэ-прэм'ер, міністр па пытаннях часова акупаваных тэрыторый Украіны Аляксей Рэзнікаў.

Афіцыйны Кіеў не будзе адпраўляць дэлегатаў на пасяджэнне Трохбаковай кантактнай групы (ТКГ) у Мінск, падкрэсліў ён.

"Мы паведамілі, што не будзем прымаць удзел у пасяджэннях ТКГ, калі раптам завершыцца сёння каранцін і будзе прапанавана працягнуць кансультацыі, як і раней, у Мінску", - заявіў Рэзнікаў у эфіры канала ICTV.

Віцэ-прэм'ер таксама дадаў, што для правядзення пасяджэнняў ТКГ "давядзецца шукаць іншую краіну". Ён патлумачыў прынятае ўкраінскімі ўладамі рашэнне тым, што ў Кіева "няма даверу да гэтай тэрыторыі (да Беларусі - Sputnik)". Акрамя таго, Рэзнік заявіў, што Беларусь "знаходзіцца пад уплывам Расіі".

Раней Украіна заяўляла аб тым, што магчымы перанос пляцоўкі перамоваў Трохбаковай кантактнай групы ў Швецыю. Прычынай пераносу тады былі названы пратэстныя акцыі ў Беларусі.

Раней прэс-сакратар прэзідэнта Расіі Дзмітрый Пяскоў выказаў надзею, што ўкраінскі бок будзе прытрымлівацца Мінскіх пагадненняў. Акрамя гэтага, РФ неаднаразова паведамляла, што не з'яўляецца бокам унутрыўкраінскага канфлікту і таму не можа забяспечыць усёабдымнае перамір'е ў Данбасе, аднак выкарыстоўвае свой уплыў для выканання пагадненняў.

Чытайце таксама:

25
Тэги:
Швецыя, Украіна, краіна, улада, Мінск, Кантактная група па Украіне, Данбас, Кіеў
Санаторый Беларусь у Друскінінкаі, дзіцячы корпус

МЗС Літвы расказала, як можна забраць беларускі санаторый у Друскінінкаі

7
(абноўлена 10:14 15.04.2021)
Літва можа скасаваць міжнароднае пагадненне паміж Беларуссю і Літвой і такім чынам вырашыць пытанне аб тым, якой краіне будзе належыць санаторый.

МІНСК, 15 кра – Sputnik. Каму дастанецца санаторый "Беларусь" у Друскінінкаі, які знаходзіцца пад санкцыямі ЕС, павінен вырашыць Сейм Літвы. Пра гэта журналістам распавёў кіраўнік МЗС краіны Габрыэлюс Ландсбергіс.

Нагадаем, раней МЗС Літвы ўжо заяўляў пра тое, што хоча забраць беларускі санаторый у распараджэнне Літоўскай Рэспублікі, заявіўшы, што гэта "своеасаблівая анамалія ў міжнародных адносінах, калі ўласнасць Беларусі знаходзіцца на тэрыторыі Літвы".

Як забраць чужы санаторый?

Літва можа скасаваць міжнароднае пагадненне паміж Беларуссю і Літвой і такім чынам вырашыць пытанне аб тым, якой краіне будзе належаць санаторый.

"Гэта міждзяржаўны дагавор (аб праве ўласнасці на санаторый - Sputnik), а такія дакументы ратыфікуе і дэнансуе толькі парламент", - цытуе Ландсбергіса ТАСС.

Для вырашэння гэтага пытання ўжо запланавана сумеснае пасяджэнне парламенцкіх камітэтаў па знешняй палітыцы і сацыяльных справах.

"Дзяржава не можа забраць санаторый, яна можа скасаваць міжнароднае пагадненне (пра яго прыналежнасць Беларусі - Sputnik)", - заявіў Ландсбергіс, дадаўшы, што гэта працяглы працэс.

Паводле яго слоў, літоўскі бок можа прапанаваць выкупіць санаторый "Беларусь", але лепшае выйсце з сітуацыі - "каб рашэнне было прынята Сеймам, а ўрад узяўся за яго рэалізацыю".

Санаторый пад санкцыямі

17 снежня 2020 года ЕС увёў новыя санкцыі супраць шэрага беларускіх чыноўнікаў і арганізацый, у яго, у тым ліку, увайшло і Кіраўніцтва справамі прэзідэнта.

Праблемы ў санаторыя "Беларусь" у Друскінінкаі пачаліся 18 снежня: банк Swedbank заблакіраваў рахункі здраўніцы, аргументаваўшы гэта тым, што санаторый належыць Кіраўніцтву справамі прэзідэнта, якое патрапіла пад санкцыі.

Аднак санкцыі мацней за ўсё ўдарылі па супрацоўніках, прычым грамадзянах Літвы: у санаторыі працуе 391 чалавек, з іх 356 - грамадзяне Літвы. За гэты час з санаторыя звольніліся толькі 5 чалавек, хоць міністэрства сацыяльнай абароны было гатова аказаць дапамогу тым, хто звольніцца: дапамогу ў памеры двух заробкаў і ўсё.

Супрацоўнікі за гэты час змаглі адзін раз атрымаць зарплату - у студзені.

Чытайце таксама:

7
Тэги:
краіна, Міжнароднае пагадненне, пагадненне, Друскінінкай, санаторий, Літва, МЗС
Ізраільскі сцяг у Іерусаліме

Лукашэнка: лёсы беларусаў і яўрэяў цесна пераплецены

9
(абноўлена 09:32 15.04.2021)
Кіраўнік дзяржавы ўпэўнены, што сучасныя Беларусь і Ізраіль прытрымліваюцца прынцыпаў роўнасці і ўзаемапавагі.

МІНСК, 15 кра – Sputnik. Беларускі прэзідэнт Аляксандр Лукашэнка павіншаваў прэзідэнта Ізраіля Рэўвена Рывліна з дзяржаўным святам - Днём Незалежнасці.

"Гістарычныя лёсы беларусаў і яўрэяў цесна пераплецены дзякуючы шматгадовым традыцыям самаахвярнасці і падтрымкі. Наша дружба загартавана памяццю аб узаемадапамозе падчас самых складаных выпрабаванняў, якія выпалі на долю чалавецтва", - гаворыцца ў віншавальнай тэлеграме.

На думку беларускага лідэра, сучасныя Беларусь і Ізраіль з'яўляюцца перакананымі прыхільнікамі прынцыпаў роўнасці і ўзаемапавагі.

Аляксандр Лукашэнка лічыць, што дадзеныя каштоўнасці ляжаць у аснове адносін паміж краінамі, якія носяць адкрыты характар.

"Упэўнены, што ў найбліжэйшай будучыні мы здолеем вярнуцца да звыклага ладу жыцця і істотна ажывіць супрацоўніцтва ва ўсіх сферах нашага агульнага інтарэсу", - падкрэсліў кіраўнік дзяржавы.

Чытайце таксама:

9
Тэги:
Ізраіль, Беларусь, дзяржава, кіраўнік, яўрэі, беларусы, Аляксандр Лукашэнка