Польскі сцяг

Генконсульства Беларусі ў Беластоку зноў пачало прыём наведвальнікаў

11
(абноўлена 11:53 09.04.2021)
Дыпламатычнае прадстаўніцтва прыпыніла прыём дакументаў у сакавіку на фоне ўскладненняў дыпламатычных адносін паміж Мінскам і Варшавай.

МІНСК, 9 кра – Sputnik. Генеральнае консульства Беларусі ў Беластоку аднавіла прыём наведвальнікаў, такая інфармацыя размешчана на сайце беларускага пасольства ў Польшчы.

"Прыём наведвальнікаў у Генеральным консульстве Рэспублікі Беларусь у Беластоку адноўлены", - гаворыцца ў паведамленні.

Дыппрадстаўніцтва ў Беластоку спыніла прыём дакументаў ад грамадзян у сярэдзіне сакавіка. Як патлумачылі тады ў МЗС Беларусі, "з прычыны ўзніклых абставін". У знешнепалітычным ведамстве паабяцалі "прыняць усе намаганні па найхутчэйшым аднаўленні нармальнай працаздольнасці консульскай установы па абароне законных праў і інтарэсаў беларускіх грамадзян".

Дыпламатычны скандал паміж Беларуссю і Польшчай

Нагадаем, што дыпламатычны канфлікт паміж Мінскам і Варшавай разгарэўся пасля прэзідэнцкіх выбараў 2020 года, калі Лукашэнка абвінаваціў Польшчу ў падтрымцы апазіцыі. Увосень шэраг краін адклікаў сваіх паслоў для кансультацый - у тым ліку і Польшча.

Сітуацыя пагоршылася пасля мерапрыемстваў, звязаных з ушанаваннем памяці ўдзельнікаў ваенных злачынстваў, - аж да ўзаемнай высылкі дыпламатаў.

У канцы лютага ў Брэсце прайшло неафіцыйнае мерапрыемства, прысвечанае "дню праклятых салдат", з удзелам польскага консула ў Брэсце Ежы Цімафеюка. Неўзабаве пасля гэтага МЗС Беларусі прапанавала Цімафеюку пакінуць рэспубліку.

Пракуратура Брэста ўзбудзіла крымінальную справу па факце гераізацыі ваенных злачынцаў падчас незаконнага масавага мерапрыемства з удзелам непаўналетніх, былі затрыманы два сузаснавальнікі таварыства "Польская школа".

Афіцыйная Варшава асудзіла высылку Цімафеюка з Беларусі і зрабіла зваротны крок, выслаўшы беларускага дыпламата. МЗС Беларусі запатрабавала, каб краіну пакінуў польскі консул у Гродне Яраслаў Ксенджык.

Варшава абвясціла, што "у сувязі з працягам недружалюбных жэстаў Мінска" высылае генконсула Беларусі ў Беластоку і консула з дыппрадстаўніцтва ў Варшаве.

Акрамя таго, у сакавіку была затрымана кіраўнік афіцыйна не прызнанага Саюза палякаў Беларусі Анжаліка Борыс. Яна атрымала 15 сутак арышту за парушэнне заканадаўства аб правядзенні або арганізацыі масавых мерапрыемстваў, а менавіта - фестывалю традыцыйных рамёстваў "Казюкі". У яе дачыненні была ўзбуджана крымінальная справа.

Як заявіў у красавіку прэзідэнт Беларусі Аляксандр Лукашэнка, палітычныя кантакты з Польшчай ніколі не былі ідэальнымі, і ўлады доўгі час мірыліся з палітыкай Польшчы зыходзячы з прынцыпаў, што суседзяў на карце не выбіраюць. Аднак, на яго думку, гэта прывяло да таго, што "канструктыўныя падыходы ў Варшаве ўспрымаюць як слабасць".

Чытайце таксама:

11
Тэги:
Варшава, Мінск, Дыпламатычныя адносіны, Адносіны, дакументы, генконсульства, Беласток, Беларусь

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Гарады свету. Осла

Лукашэнка: Нарвегія - найбуйнейшы партнёр Беларусі ў Паўночнай Еўропе

9
(абноўлена 12:23 17.05.2021)
Беларускі лідэр з задавальненнем адзначыў, што ўзровень двухбаковага гандлю паміж дзвюма краінамі вытрымаў выпрабаванне пандэміяй каронавіруса.

МІНСК, 17 тра - Sputnik. Прэзідэнт Беларусі Аляксандр Лукашэнка накіраваў каралю Нарвегіі Харальду V і ўсім нарвежцам віншаванні з Днём Канстытуцыі.

Беларускі лідэр назваў Нарвегію найбуйнейшым гандлёва-эканамічным партнёрам нашай дзяржавы ў Паўночнай Еўропе і адзначыў, што "дасягнуты высокі ўзровень двухбаковага гандлю вытрымаў выпрабаванне" пандэміяй каронавіруса.

Афіцыйны Мінск зацікаўлены ў "прагматычным дыялогу" з Нарвегіяй на прынцыпах узаемнай павагі". Беларускія ўлады разлічваюць на "захаванне канструктыўнага супрацоўніцтва ў розных галінах і сумесную працу на міжнародных пляцоўках".

Лукашэнка таксама падкрэсліў, што Осла будзе годна выконваць абавязкі непастаяннага члена Савета Бяспекі ААН.

Беларускі лідэр пажадаў каралю Нарвегіі добрага здароўя і новых здзяйсненняў, а жыхарам Каралеўства - міру і згоды.

Галоўнае нацыянальнае свята Нарвегіі - Дзень Канстытуцыі - традыцыйна адзначаецца 17 траўня. У гэты ж дзень святкуецца дзень незалежнасці Каралеўства. Сёння ў нарвежцаў афіцыйны выхадны дзень.

Канстытуцыя Нарвегіі была абвешчаная 207 гадоў таму - ў 1814 годзе. У гэты ж дзень была абвешчаная незалежнасць Каралеўства. Адзначаць гэтую дату ў Нарвегіі пачалі толькі ў 1836 годзе. Пачынаючы ад 1906 году каралеўская сям'я выходзіць на балкон свайго палаца ў Осла і вітае публіку, у краіне праходзяць святочныя шэсці і парады.

Чытайце таксама:

9
Тэги:
пандэмія, гандаль, Беларусь, Нарвегія, Аляксандр Лукашэнка
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

12
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

12
Тэги:
пахаладанне, Беларусь, сіноптыкі