Будаўніцтва газаправода Паўночны паток - 2 у Германіі

Паглядзяць на "паводзіны Масквы". Ці спыняць немцы "Паўночны паток - 2"

33
(абноўлена 16:37 15.04.2021)
Пасля візіту кіраўніка Пентагона ў Берлін, дзе было пазначана, што новая адміністрацыя ЗША, як і ранейшая, катэгарычна супраць "Паўночнага патоку - 2", немцы часова прыпынілі буйны газавы праект.

МІНСК, 15 кра – Sputnik, Ксенія Мельнікава. ЗША вырашылі наладзіць адносіны з Германіяй, сапсаваныя пры Дональдзе Трампе. Кіраўнік Пентагона прыляцеў у Берлін, распарадзіўся павялічыць колькасць амерыканскіх салдат у краіне, а таксама даў зразумець, што новая адміністрацыя, як і ранейшая, катэгарычна супраць "Паўночнага патоку - 2". Пасля яго візіту немцы прыпынілі праект. На якія менавіта саступкі гатовы ў ФРГ, разбіралася РІА Навіны.

Рэверанс амерыканцам

Германія прыслухаецца да меркавання ЗША у пытанні будаўніцтва газаправода "Паўночны паток - 2" (ПП-2) - у прыватнасці, увядзе мараторый на завяршэнне спрэчнага праекта. Пра гэта распавяла міністр абароны Германіі Аннегрэт Крамп-Карэнбаўэр пасля сустрэчы з кіраўніком Пентагона Ллойдам Осцінам. Напярэдадні ён прылятаў у Берлін падчас першага вялікага еўрапейскага турнэ. Тым самым кіраўнік амерыканскага Мінабароны паказаў, што пры Байдэне Вашынгтон хоча наладжваць адносіны з Германіяй. Такую ж гатоўнасць дэманстравалі і ў Берліне.

Пакуль пабудавалі 95 адсоткаў газаправода, або 2339 з 2460 кіламетраў. Калі праект усё ж такі скончаць, то Германія будзе закупляць расійскі газ на пэўных умовах. "Яны залежаць ад паводзін Масквы", - заўважыла Крамп-Карэнбаўэр.

Строительство газопровода Северный поток - 2 в Германии
© Sputnik / Дмитрий Лельчук
Спецыяліст працуе на тэрыторыі газаразмеркавальнага цэнтра "Паўночнага патоку - 2" у нямецкім горадзе Любмін

Осцін заявіў, што амерыканскі ўрад супраць завяршэння будаўніцтва другой веткі газаправода па дне Балтыйскага мора. Але пры гэтым падкрэсліў, што рознагалоссі вакол праекта ніяк не паўплываюць на цеснае супрацоўніцтва дзвюх краін. Зрэшты, Крамп-Карэнбаўэр з амерыканскім калегам цікавіў не толькі ПП-2. Былы прэзідэнт Дональд Трамп збіраўся вывесці з Германіі ад 9,5 тысяч да 12 тысяч амерыканскіх салдат, абвінавачваючы ФРГ у "шматмільярднай запазычанасці" перад НАТА і ЗША. Новая адміністрацыя, наадварот, павялічвае ваенны кантынгент. Праўда, усяго на 500 чалавек. Зрэшты, кіраўнікі абаронных ведамстваў ЗША і Германіі потым зноў вярнуліся да абмеркавання спрэчнага газавага праекта.

"Паўночны паток - 2" - адзін з галоўных камянёў спатыкнення ў адносінах Вашынгтона і Берліна. Так было падчас прэзідэнцтва Дональда Трампа, працягваецца і пры Джо Байдэне. ЗША асцерагаюцца, што ПП-2 адрэжа іх ад прыбытковых еўрапейскіх энергетычных рынкаў, якія, у сваю чаргу, будуць залежаць ад расійскага газу.

Трубаправод праходзіць праз выключныя эканамічныя зоны і тэрытарыяльныя воды Германіі, Даніі, Расіі, Фінляндыі і Швецыі. Капенгаген доўга выступаў супраць будаўніцтва, але потым згадзіўся. Нямецкія ўлады падтрымліваюць праект, заклікаючы лічыць яго "чыста эканамічным" і "не рабіць хлопчыкам для біцця". Хоць так у краіне думаюць далёка не ўсе. З крытыкай актыўна выступаюць зялёныя і эколагі. На днях прыродаахоўная арганізацыя Deutsche Umwelthilfe (DUH) аспрэчыла ў судзе Гамбурга дазвол на працяг работ, выдадзены Федэральным ведамствам па марскім суднаходстве і гідраграфіі.

Супраць газаправода, акрамя ЗША, выступаюць Украіна і Польшча. Гэтым краінам выгадна, каб праз іх тэрыторыю працягваўся транзіт расійскага газу. Іх падтрымліваюць Чэхія, Латвія, Эстонія, Літва, Венгрыя, Славакія, Румынія і Харватыя - баяцца, што "Паўночны паток - 2" узмоцніць уплыў Масквы на еўрапейскім энергетычным рынку.

Трамп біў наводмаш

Дональд Трамп актыўна процідзейнічаў пракладцы газаправода санкцыямі. У ягоным акружэнні лічылі, што абмежаванні "уваткнуць кол у сэрца праекта". Пачынаючы з 2017-га, ён увесь час прымаў усе новыя і новыя пакеты мер - білі ў асноўным па замежных кампаніях, якія ўдзельнічаюць у працах над ПП-2.

Строительство газопровода Северный поток - 2 в Германии
© Sputnik / Дмитрий Лельчук
Берагавыя аб"екты на тэрыторыі газаразмеркавальнага цэнтра магістральнага газаправода "Паўночны паток - 2" у горадзе Любмін ў Германіі

Спярша прынялі закон, які ўзмацняе санкцыі супраць Расіі і перасцерагае амерыканскія і замежныя кампаніі ад супрацоўніцтва з расійскімі прадпрыемствамі і ведамствамі "з абароннага і разведвальнага сектараў". Праз два гады прэзідэнт Трамп падпісаў ваенны абаронны бюджэт, у якім таксама абмяркоўвалі спосабы перакрыць паток. І неўзабаве швейцарская кампанія Allseas, якая займалася укладкай труб для ПП-2, адвяла усе судны з раёна будаўніцтва ў Балтыйскім моры. Еўрапейцам такі ціск не спадабаўся, але процідзейнічаць яны не маглі.

З прыходам у Белы дом Байдэн апынуўся перад дылемай: з аднаго боку, супраць "Паўночнага патоку" выступаюць абедзве партыі, а змякчэнне санкцый палічаць саступкай Маскве, з другога - новаму амерыканскаму лідэру трэба наладжваць сапсаваныя пры Трампе адносіны з Еўрасаюзам, асабліва з Германіяй, якая падтрымлівае праект.

Але ўжо ў канцы лютага судна "Фартуна", звязанае з будаўніцтвам газаправода, і яго ўласнік, кампанія "КВТ-Рус", трапілі ў новы амерыканскі санкцыйных спіс, хоць супраць іх ужо дзейнічалі іншыя меры. Да лютага 2021-га 18 еўрапейскіх фірм выйшлі з праекта з-за пагроз з боку Вашынгтона. У сакавіку ўлады ЗША зноў папярэдзілі ўдзельнікаў праекта ПП-2, што увядуць новыя абмежаванні, калі тыя працягнуць работы.

Берлін даволі доўга крытыкаваў дзеянні Вашынгтона, і многія там да гэтага часу ўпэўнены, што праект усё ж такі завершаць. "Якая б сітуацыя ні была ў Амерыцы, усіх там аб'ядноўвае найвялікшае нежаданне, каб паміж Расіяй і Германіяй наладзіліся адносіны, сталі канструктыўнымі і дзелавымі. ПП-2 дабудуюць па-за залежнасці ад таго, як паводзіць сябе новая адміністрацыя", - мяркуе дэпутат бундэстага ФРГ Вальдэмар Гердт.

У Крамлі прызнавалі, што амерыканскія абмежаванні ўскладняюць працу. "Газпром" у мемарандуме ў студзені 2021-га не выключыў прыпыненне ці ж поўную адмену праекта, калі "рэзка зменіцца палітычная сітуацыя". "Паўночны паток - 2" - выйгрышная рэч для эканомікі Еўропы ў цэлым і Германіі ў прыватнасці", - не раз нагадваў Уладзімір Пуцін. Тым больш што пры загрузцы новых газаправодаў Масква гатова захаваць украінскі транзіт. У Расіі ўпэўнены, што амерыканцы папросту выціскаюць канкурэнтаў, прапаноўваючы наўзамен свой звадкаваны газ.

Завершаць ці не

Эксперты лічаць, што, хутчэй за ўсё, газаправод усё ж такі дабудуюць, але не запусцяць на поўную магутнасць. "Ёсць абмежаванні ў сувязі з новымі правіламі ЕС, згодна з якімі адзін пастаўшчык газу можа выкарыстоўваць транспартную інфраструктуру толькі на 50 працэнтаў", - патлумачыў Андрэй Картуноў, генеральны дырэктар Расійскага савета па міжнародных справах (РСМС). Паводле яго слоў, ёсць і іншыя варыянты. Напрыклад, перакрыцце газаправода або кампенсацыя Германіі з боку ЗША. Вашынгтон можа інвеставаць у будаўніцтва тэрміналаў па прыёме амерыканскага звадкаванага газу. Хоць пакуль незразумела, як гэта будзе развівацца пры Байдэне - праціўніку здабычы сланцавага газу.

"Ёсць верагоднасць, што амерыканцы проста цягнуць час. Меркель сыходзіць, меркаванні яна не зменіць. Увосень у ФРГ адбудуцца выбары. Калі ўлада возьме новая кааліцыя і наступны канцлер будзе ад зялёных, то ён можа наогул па-іншаму паставіцца да "Паўночнага патоку - 2". Тады праект памрэ сам сабой", - разважае палітолаг.

Вядучы навуковы супрацоўнік Цэнтра германскіх даследаванняў Інстытута Еўропы РАН Аляксандр Камкін лічыць: як відаць, кіраўнік Пентагона падчас візіту ў Берлін запатрабаваў, каб нямецкія ўлады пачалі закупляць у Вашынгтона ЗПГ. "ФРГ атрымае права завяршыць будаўніцтва ў абмен на частковую дыверсіфікацыю паставак. Але палітычны ціск на газаправод не знізіцца", - распавёў ён у гутарцы з РІА Навіны.

Заяву міністра абароны Германіі не варта лічыць канчатковай пазіцыяй нямецкіх улад. Крамп-Карэнбаўэр вядома рэзкімі заявамі ў адрас Масквы. Цяпер ЗША і ФРГ імкнуцца знайсці кампраміс і палепшыць адносіны. Як гэта зрабіць, пакуль незразумела. Прапанова ўвесці мараторый на завяршэнне будаўніцтва ПП-2 толькі адкладзе рашэнне праблемы.

33
Тэги:
праект, ЗША, адміністрацыя, Берлін, Пентагон, кіраўнік, візіт, "Паўночны паток - 2", Масква

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Гарады свету. Осла

Лукашэнка: Нарвегія - найбуйнейшы партнёр Беларусі ў Паўночнай Еўропе

10
(абноўлена 12:23 17.05.2021)
Беларускі лідэр з задавальненнем адзначыў, што ўзровень двухбаковага гандлю паміж дзвюма краінамі вытрымаў выпрабаванне пандэміяй каронавіруса.

МІНСК, 17 тра - Sputnik. Прэзідэнт Беларусі Аляксандр Лукашэнка накіраваў каралю Нарвегіі Харальду V і ўсім нарвежцам віншаванні з Днём Канстытуцыі.

Беларускі лідэр назваў Нарвегію найбуйнейшым гандлёва-эканамічным партнёрам нашай дзяржавы ў Паўночнай Еўропе і адзначыў, што "дасягнуты высокі ўзровень двухбаковага гандлю вытрымаў выпрабаванне" пандэміяй каронавіруса.

Афіцыйны Мінск зацікаўлены ў "прагматычным дыялогу" з Нарвегіяй на прынцыпах узаемнай павагі". Беларускія ўлады разлічваюць на "захаванне канструктыўнага супрацоўніцтва ў розных галінах і сумесную працу на міжнародных пляцоўках".

Лукашэнка таксама падкрэсліў, што Осла будзе годна выконваць абавязкі непастаяннага члена Савета Бяспекі ААН.

Беларускі лідэр пажадаў каралю Нарвегіі добрага здароўя і новых здзяйсненняў, а жыхарам Каралеўства - міру і згоды.

Галоўнае нацыянальнае свята Нарвегіі - Дзень Канстытуцыі - традыцыйна адзначаецца 17 траўня. У гэты ж дзень святкуецца дзень незалежнасці Каралеўства. Сёння ў нарвежцаў афіцыйны выхадны дзень.

Канстытуцыя Нарвегіі была абвешчаная 207 гадоў таму - ў 1814 годзе. У гэты ж дзень была абвешчаная незалежнасць Каралеўства. Адзначаць гэтую дату ў Нарвегіі пачалі толькі ў 1836 годзе. Пачынаючы ад 1906 году каралеўская сям'я выходзіць на балкон свайго палаца ў Осла і вітае публіку, у краіне праходзяць святочныя шэсці і парады.

Чытайце таксама:

10
Тэги:
пандэмія, гандаль, Беларусь, Нарвегія, Аляксандр Лукашэнка
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

13
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

13
Тэги:
пахаладанне, Беларусь, сіноптыкі