МЗС Польшчы

Польшча абвясціла траіх расійскіх дыпламатаў персонамі нон грата

20
(абноўлена 10:53 16.04.2021)
Такім чынам Польшча выказала салідарнасць з ЗША, якія ўвялі чарговыя санкцыі супраць Расіі.

МІНСК, 16 кра – Sputnik. Польшча абвясціла траіх супрацоўнікаў расійскага пасольства персонамі нон грата, паведамілі ў Міністэрстве замежных спраў рэспублікі.

У чацвер 15 красавіка Пасол РФ у Польшчы Сяргей Андрэеў быў выкліканы ў МЗС, дзе яму ўручылі адпаведную дыпламатычную ноту.

"Падставай для такога рашэння паслужыла парушэнне названымі асобамі ўмоваў дыпламатычнага статусу і ажыццяўленне дзейнасці на шкоду Рэспублікі Польшча", - гаворыцца ў паведамленні.

Там таксама адзначаецца, што Польшча выказвае салідарнасць з рашэннямі, прынятымі ЗША 15 красавіка ў дачыненні да Расіі.

Санкцыі ЗША

Прэзідэнт ЗША Джо Байдэн напярэдадні падпісаў указ аб увядзенні новых санкцый супраць Расіі - 32 фізічных асоб і арганізацый. Акрамя таго, стала вядома, што Штаты высылаюць 10 супрацоўнікаў дыпмісіі РФ у Вашынгтоне.

Дадзеныя крокі былі прыняты пасля нібыта здейсненай маштабнай кібератакі на кліентаў фірмы па камп’ютэрнай бяспецы SolarWinds, у якой абвінавацілі Расію. У сваю чаргу ў РФ рашуча абверглі гэтыя прэтэнзіі.

У расійскім МЗС заявілі, што за такія агрэсіўныя паводзіны ЗША атрымаюць рашучы адпор. Афіцыйны прадстаўнік ведамства Марыя Захарава падкрэсліла, што варожыя крокі ЗША павышаюць градус канфрантацыі паміж дзвюма краінамі і не спрыяюць наладжванню дыялогу.

Захарава назвала дзеянні польскіх улад псеўдасалідарнасцю, бо рашэнне было прынята не на аснове рэальных фактаў, а па камандзе.

"Гэта не салідарнасць і нават не кампанейшчына. Гэта васалітэт 21 стагоддзя", - адзначыла яна.

Чытайце таксама:

20
Тэги:
Расія, санкцыі, ЗША, салідарнасць, персона нон грата, дыпламат, Польшча

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Гарады свету. Осла

Лукашэнка: Нарвегія - найбуйнейшы партнёр Беларусі ў Паўночнай Еўропе

10
(абноўлена 12:23 17.05.2021)
Беларускі лідэр з задавальненнем адзначыў, што ўзровень двухбаковага гандлю паміж дзвюма краінамі вытрымаў выпрабаванне пандэміяй каронавіруса.

МІНСК, 17 тра - Sputnik. Прэзідэнт Беларусі Аляксандр Лукашэнка накіраваў каралю Нарвегіі Харальду V і ўсім нарвежцам віншаванні з Днём Канстытуцыі.

Беларускі лідэр назваў Нарвегію найбуйнейшым гандлёва-эканамічным партнёрам нашай дзяржавы ў Паўночнай Еўропе і адзначыў, што "дасягнуты высокі ўзровень двухбаковага гандлю вытрымаў выпрабаванне" пандэміяй каронавіруса.

Афіцыйны Мінск зацікаўлены ў "прагматычным дыялогу" з Нарвегіяй на прынцыпах узаемнай павагі". Беларускія ўлады разлічваюць на "захаванне канструктыўнага супрацоўніцтва ў розных галінах і сумесную працу на міжнародных пляцоўках".

Лукашэнка таксама падкрэсліў, што Осла будзе годна выконваць абавязкі непастаяннага члена Савета Бяспекі ААН.

Беларускі лідэр пажадаў каралю Нарвегіі добрага здароўя і новых здзяйсненняў, а жыхарам Каралеўства - міру і згоды.

Галоўнае нацыянальнае свята Нарвегіі - Дзень Канстытуцыі - традыцыйна адзначаецца 17 траўня. У гэты ж дзень святкуецца дзень незалежнасці Каралеўства. Сёння ў нарвежцаў афіцыйны выхадны дзень.

Канстытуцыя Нарвегіі была абвешчаная 207 гадоў таму - ў 1814 годзе. У гэты ж дзень была абвешчаная незалежнасць Каралеўства. Адзначаць гэтую дату ў Нарвегіі пачалі толькі ў 1836 годзе. Пачынаючы ад 1906 году каралеўская сям'я выходзіць на балкон свайго палаца ў Осла і вітае публіку, у краіне праходзяць святочныя шэсці і парады.

Чытайце таксама:

10
Тэги:
пандэмія, гандаль, Беларусь, Нарвегія, Аляксандр Лукашэнка
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

14
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

14
Тэги:
пахаладанне, Беларусь, сіноптыкі