Аспрэчваць не будзем: партыя "Саюз" пракаменціравала адмову ў рэгістрацыі

© Sputnik / Роман ШантарБеларускі і расійскі сцягі
Беларускі і расійскі сцягі - Sputnik Беларусь, 1920, 05.05.2021
Падпісацца
Мінюст знайшоў парушэнні ў дакументах партыі, якая выступае за прадвіжэнне беларуска-расійскага супрацоўніцтва.
МІНСК, 5 тра - Sputnik. Палітычная партыя "Саюз" прыме да ведама рашэнне аб адмове ў рэгістрацыі, і не мае намеру яго аспрэчваць, пра гэта паведамілі ў аргкамітэце.
"З-за палітычнай сталасці і разумення сутнасці пытання мы прымем да ведама дадзенае рашэнне і не будзем аспрэчваць фармальныя довады адмовы", - гаворыцца ў заяве.
Там адзначаецца, што рашэнне, прынятае міністэрствам юстыцыі Беларусі "не можа быць успрынята інакш як не адпавядаючае курсу, які быў вызначаны VI Усебеларускім народным сходам, на глыбокае абнаўленне палітычнай сістэмы Рэспублікі Беларусь, неад'емнай часткай якога выступае развіццё партыйнага будаўніцтва".
Партыя "Саюз" мае намер правесці дадатковую зверку спісачнага складу заснавальнікаў. Таксама будзе ініцыяваны паўторны ўстаноўчы з'езд.

Адмова ў рэгістрацыі

Грамадзянская ініцыятыва "Саюз", якая выступае за прадвіжэнне беларуска-расійскага супрацоўніцтва, заявіла аб жаданні стварыць партыю ў сакавіку, у красавіку былі пададзены неабходныя дакументы.
У траўні стала вядома, што Мінюст адмовіў партыі ў дзяржаўнай рэгістрацыі. Як растлумачылі ў ведамстве, для стварэння і рэгістрацыі партыі па законе неабходна не менш чым 1000 заснавальнiкаў (членаў) партыі ад большасці абласцей рэспублікі і Мінска. У дакументах, пададзеных для рэгістрацыі новай партыі, значылася 1023 заснавальніка. Міністэрства юстыцыі правяло выбарачную праверку, вынікі якой паказалі, што не ўсе з іх апынуліся "рэальнымі".
Акрамя таго, былі выяўленыя і іншыя парушэнні: у прыватнасці, указаны недакладныя звесткі аб месцы жыхарства некаторых асоб, а таксама не ўсе неабходныя звесткі аб грамадзянах, якія патрабуюцца для працэдуры рэгістрацыі. Сярод заснавальнікаў ёсць і адзін замежны грамадзянін, што з'яўляецца парушэннем устаноўленага парадку стварэння партыі.
"Рашэнне Міністэрства юстыцыі можа быць абскарджана ў Вярхоўны судзе Рэспублікі Беларусь", - дадалі ў Мінюсце.

Партыя "Саюз"

Па планах, палітычная партыя "Саюз" павінна спрыяць развіццю беларуска-расійскага супрацоўніцтва. Адной са сваіх галоўных задач рух бачыць дапамогу ўладам Беларусі і Расіі ў стварэнні Саюзнай дзяржавы, а таксама збліжэнне правоў грамадзян дзвюх краін.
Савецкія войскі фарсіруюць Днепр падчас Вялікай айчыннай вайны - Sputnik Беларусь, 1920, 04.05.2021
Дзень Перамогі
Вялікая бітва за Днепр ў адным невялікім беларускім горадзе
Партыя "вырасла" з грамадзянскай ініцыятывы, устаноўчы з'езд палітычнай партыі "Саюз" адбыўся ў пачатку сакавіка ў Мінску, старшынёй партыі быў абраны Сяргей Лушч, а таксама прыняты шэраг арганізацыйных рашэнняў.
Прадстаўнікі "Саюза" заяўлялі, што ў выпадку рэгістрацыі збіраюцца прыняць актыўны ўдзел у выбарах дэпутатаў мясцовых саветаў у 2022 годзе. А следам пазмагацца і за месцы ў Палаце прадстаўнікоў Нацыянальнага сходу Беларусі.
Пасля Усебеларускага народнага сходу ў Беларусі запушчаны працэс перарэгістрацыі палітычных партый. Усяго іх налічваецца 15.
Чытайце таксама:
Стужка навiн
0