Будынак Генеральнай пракуратуры

Генпракуратура ўзбудзіла справу супраць мэра Рыгі і кіраўніка МЗС Латвіі

19
(абноўлена 16:18 28.05.2021)
У ведамстве кажуць, што здзек над дзяржсімволікай зняважыў нацыянальную годнасць беларусаў.

МІНСК, 28 тра - Sputnik. Генеральная пракуратура Беларусі распачала крымінальную справу супраць мэра Рыгі і кіраўніка МЗС Латвіі, паведамілі ў пятніцу ў ведамстве.

"Разгледзеўшы распаўсюджаныя ў сродках масавай інфармацыі і на інтэрнэт-рэсурсах паведамленні аб цяжкім злачынстве супраць інтарэсаў Беларусі, генеральны пракурор Андрэй Швед распачаў у дачыненні да мэра Рыгі Марцінша Стакіса і Міністра замежных спраў Латвійскай Рэспублікі Эдгарда Рынкевіча крымінальную справу", - гаворыцца ў паведамленні.

Там таксама адзначаецца, што палітыкі падазраюцца ў здзяйсненні наўмысных дзеянняў, накіраваных на ўзбуджэнне нацыянальнай варожасці па прыкмеце нацыянальнай прыналежнасці (ч. 3 арт. 130 Крымінальнага кодэкса Беларусі).

Паводле інфармацыі ведамства, гэта выявілася ў зняцці і замене дзяржаўнага сцяга Беларусі, усталяванага ў цэнтры Рыгі, дзе цяпер праходзіць чэмпіянат свету па хакеі.

"Такі здзек над дзяржаўнай сімволікай зняважыў нацыянальную годнасць беларусаў", - удакладнілі ў пракуратуры.

Папярэдняе расследаванне справы будзе весці Следчы камітэт рэспублікі.

Замена сцяга

У панядзелак у Рызе, дзе цяпер праходзіць чэмпіянат свету па хакеі, афіцыйны сцяг Беларусі быў заменены на бел-чырвона-белы. Замену ўласнаручна правялі міністр замежных спраў Латвіі Эдгард Рынкевіч і мэр Рыгі Марцінш Стакіс.

Гэта выклікала рэакцыю ў адказ у Беларусі: пасла Латвіі выклікалі ў МЗС і запатрабавалі пакінуць краіну ўсіх супрацоўнікаў пасольства, пакінуўшы толькі аднаго тэхнічнага работніка для нагляду за будынкам.

У сваю чаргу, прэзідэнт IIHF Рэнэ Фазель распавёў, што накіраваў ліст мэру Рыгі з просьбай вярнуць дзяржаўны сцяг Беларусі на ранейшае месца, а акцыю па замене сцяга назваў непрымальнай. У адказ на яго ліст Стакіс паведаміў, што ўлады горада здымуць сцягі IIHF.

Рэакцыя Беларусі

Інцыдэнт са сцягам у латвійскай сталіцы міністр замежных спраў Беларусі Уладзімір Макей назваў "цынічным зневажаннем усіх нормаў міжнароднага права, фактычна актам дзяржаўнага вандалізму".

У сувязі з інцыдэнтам Федэрацыя хакея Беларусі накіравала афіцыйную ноту на адрас прэзідэнта IIHF, аргкамітэта чэмпіянату свету ў Рызе і кіраўніцтва Федэрацыі хакея Латвіі.

Па словах кіраўніка ФХБ Дзмітрыя Баскава, замена дзяржаўнага сцяга Беларусі ацэньваецца як акт глыбокай непавагі і беспрэцэдэнтнага ціску ў адносінах да спартсменаў, якія прадстаўляюць Беларусь на ЧС па хакеі.

Баскаў таксама выказаў занепакоенасць бяспекай гульцоў зборнай, якая гуляе зараз на чэмпіянаце свету ў Рызе.

Чытайце таксама:

19
Тэги:
Латвія, МЗС, Рыга, генпракуратура
Будынак пасольства ЗША у Мінску

Чарвякоў: санкцыі супраць Беларусі - спроба падзяліць рынкі

2
(абноўлена 09:29 21.06.2021)
Злучаныя Штаты з 3 чэрвеня аднавілі санкцыі ў дачыненні да дзевяці прадпрыемстваў беларускага нафтахімічнага комплексу.

МІНСК, 21 чэр – Sputnik. Міністр эканомікі Аляксандр Чарвякоў назваў санкцыі "спробай падзяліць рынкі і выпхнуць канкурэнтаў", гэтыя ж працэсы ён бачыць сёння і ў дачыненні да Беларусі.

Паводле яго слоў, калі прааналізаваць сусветны вопыт, то ні разу санкцыі не дасягалі сваёй палітычнай мэты.

"Але пад гэтымі санкцыямі хавалася іншае, хаваліся пытанні, звязаныя з падзелам рынкаў, з выштурхоўваннем канкурэнтаў, і тыя ж працэсы мы бачым сёння ў дачыненні да Беларусі. І што мы ў дадзеным выпадку павінны рабіць як дзяржава? Абараняць, натуральна, свой эканамічны інтарэс. І для гэтага быў распрацаваны план", - сказаў у эфіры тэлеканала АНТ Чарвякоў.

Эфект ад санкцый

Раней ён адзначаў, што цяпер пралічваецца эфект ад санкцый, "у гэтым кірунку мы досыць актыўна працуем". У прыватнасці, ацэньваецца ўплыў кожнага элемента санкцый.

"Таму на дадзены момант яшчэ заўчасна казаць (пра ўздзеянне на эканоміку - Sputnik), але праца гэтая вядзецца і, дастаткова, актыўна", - запэўніў міністр.

Чарвякоў адзначыў, што санкцыі - гэта магчымасць для беларускай эканомікі паглядзець пад зусім іншым вуглом на новыя рынкі і партнёраў. У прыватнасці, гаворка ідзе аб павароце да Азіі.

"Асноўныя каналы, па якіх будуць нівеліраваны страты і крыніцы гэтых страт, гэта тыя выдаткі, якія звязаны з часовымі выдаткамі, перыядам, калі трэба перанакіраваць таварныя патокі. Гэтыя выдаткі могуць скласці за адзін раз да 3% ВУП. Па тых таварных пазіцыях і групах, па якіх уведзены санкцыі", - сказаў ён.

Паводле яго слоў, Беларусь за пяць месяцаў 2021-га года прырасла на 3,1% і перакрыла тое падзенне, якое было ў 2020 годзе.

Чарвякоў падкрэсліў, што ўдалося спрацаваць з плюсам, перакрыўшы страты падчас пандэміі.

"Гэта сведчыць аб тым, што ў нас ёсць патэнцыял. Тое, што мы не спыніліся ў 2020 годзе, дало нам пэўны імпульс. І гэты імпульс даў магчымасць нам захаваць тэмп і хутчэй увайсці на рынкі, на якіх, натуральна, нашы канкурэнты трошкі адсталі", - дадаў ён.

Санкцыі ЗША супраць Беларусі

Раней стала вядома, што з 3 чэрвеня Злучаныя Штаты аднавілі санкцыі ў дачыненні да 9 прадпрыемстваў беларускага нафтахімічнага комплексу.

У красавіку Мінфін і дзярждэпартамент ЗША анансавалі аднаўленне санкцый у дачыненні да дзевяці дзяржпрадпрыемстваў, у спіс патрапілі, у прыватнасці, "Беларускі нафтавы гандлёвы дом", "Белнафтахім", Belneftekhim USA Inc, "Белшына", "Гродна Азот", "Гродна хімвалакно", "Лакафарба", "Нафтан", "Полацк шкловалакно".

Амерыканскія ўлады паэтапна ўводзілі санкцыі супраць прадпрыемстваў Беларусі з 2007 года, але ў 2015 годзе выпусцілі ліцэнзію аб часовым вывадзе дзевяці прадпрыемстваў з-пад санкцый. Затым гэтае рашэнне рэгулярна прадаўжалася на фоне паляпшэння адносін Беларусі з заходнімі краінамі.

Пасля прэзідэнцкіх выбараў у Беларусі ў жніўні 2020 года Вашынгтон папярэдзіў пра заканчэнне ліцэнзіі 26 красавіка і пра тое, што яна не будзе падоўжана "у сувязі з пагаршэннем сітуацыі ў Беларусі". Мінфін ЗША абвясціў, што гэтая ліцэнзія дапускае неабходны час для згортвання ўсіх сувязей з прадпрыемствамі, якія знаходзяцца пад санкцыямі, і будзе дзейнічаць да 3 чэрвеня.

Чытайце таксама:

2
Тэги:
Мінск, ЗША, рынак, Беларусь, санкцыі, Аляксандр Чарвякоў
Прэзідэнт Расіі Уладзімір Пуцін

Пуцін падрыхтаваў артыкул да 80-годдзя пачатку Вялікай Айчыннай

7
(абноўлена 09:03 21.06.2021)
Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

МІНСК, 21 чэр - Sputnik. Прэзідэнт РФ Уладзімір Пуцін падрыхтаваў артыкул да 80-годдзя пачатку Вялікай Айчыннай, паведамілі напярэдадні на тэлеканале Расія 1.

Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

Таксама 22 чэрвеня, у Дзень памяці і смутку, Пуцін ускладзе кветкі да Магілы Невядомага салдата і выступіць з прамовай.

У панядзелак, 21 чэрвеня, ён сустрэнецца ў Крамлі з дэпутатамі Дзярждумы, а на тыдні правядзе нараду з членамі ўрада.

Чытайце таксама:

7
Тэги:
прэзідэнт, Вялікая Айчынная вайна, артыкул, Уладзімір Пуцін