Прэс-сакратар прэзідэнта РФ Дзмітрый Пяскоў

Пяскоў: Мазепіна ніхто не абвінавачваў, але Мінск павінен растлумачыць заяву

12
(абноўлена 13:15 07.06.2021)
Раней затрыманы ў Беларусі адзін з заснавальнікаў Telegram-канала NEXTA Раман Пратасевіч у эфіры тэлеканала АНТ паведаміў, што дапамогу каналу аказвалі і расійскія крыніцы.

МІНСК, 7 чэр - Sputnik. Раман Пратасевіч або беларускі бок павінны растлумачыць заяву аб фінансаванні апазіцыі "бізнэсмэнам з РФ", заявіў прэс-сакратар прэзідэнта РФ Уладзіміра Пуціна Дзмітрый Пяскоў.

Расійскі бізнесмен беларускага паходжання Дзмітрый Мазепін паведаміў у панядзелак, што не мае дачынення да фінансавання Telegram-каналаў, прызнаных у Беларусі экстрэмісцкімі.

На гэта адрэагаваў афіцыйны Крэмль. "Мазепіна ж ніхто не абвінавачваў ні ў чым. Уласна, прозвішча Мазепін Пратасевічам не прамаўлялася. Напэўна, ён неяк павінен растлумачыць, ці беларускі бок павінен растлумачыць, пра каго ідзе гаворка, наўрад ці тут можна ў кошкі-мышкі гуляць", - сказаў Пяскоў.

Паводле яго слоў, Пратасевіч, напэўна, казаў пра кагосьці іншага. Пяскоў падкрэсліў, што Пратасевіч не ўдакладніў, пра каго ідзе гаворка, таксама не было ніякіх тлумачэнняў з беларускага боку.

Што адбылося?

Раней затрыманы ў Беларусі адзін з заснавальнікаў прызнанага ў Беларусі экстрэмісцкім Telegram-канала NEXTA Раман Пратасевіч у эфіры тэлеканала АНТ паведаміў, што дапамогу медыярэсурсу аказвалі і расійскія крыніцы. Ён не назваў іх, аднак адзначыў, што з фінансаваннем дапамагала кампанія, звязаная з "Уралам і горнай здабычай".

Генеральны дырэктар кампаніі "Уралхим" Мазепін, у сваю чаргу, заявіў, што не мае дачынення да фінансавання Telegram-каналаў, прызнаных у Беларусі экстрэмісцкімі, бо гэта супярэчыць яго поглядам і яму непрыемна пра гэта казаць.

Чытайце таксама:

12
Тэги:
крыніца, тэлеканал, Telegram-канал, Мінск, Дзмітрый Пяскоў
Эмблема НАТА у штаб-кватэры арганізацыі ў Бруселі

НАТА не збіраецца размяшчаць у Еўропе новыя ядзерныя ракеты

32
(абноўлена 19:57 14.06.2021)
Тым не менш, альянс не падтрымаў прапанову Расіі аб мараторыі на разгортванне ракет сярэдняй далёкасці.

МІНСК, 14 чэр – Sputnik. НАТА не збіраецца размяшчаць у Еўропе новыя ядзерныя ракеты наземнага базіравання, пра гэта гаворыцца ў выніковай заяве саміту альянсу.

У паведамленні таксама ўдакладняецца, што прапанова Расіі аб мараторыі на разгортванне ракет сярэдняй далёкасці "не з'яўляецца прымальнай і не выклікае даверу ў НАТА".

Акрамя таго, НАТА пачынае распрацоўку новай Стратэгічнай канцэпцыі альянсу, плануецца, што яна будзе прынята на наступным саміце ў 2022 годзе ў Іспаніі.

Атакі ў космасе

Таксама ў выніковым дакуменце пасля саміту альянсу ў Брусэлі гаворыцца, што краіны НАТА гатовы сумесна рэагаваць на атакі ў космасе, якія "могуць пагражаць росквіту, бяспецы і стабільнасці", а таксама нанесці аналагічную шкоду сучаснаму грамадству, як і звычайныя ўзбраенні.

"Падобныя атакі на аб'екты краін НАТА могуць прывесці да задзейнічання Пятага артыкула Паўночнаатлантычнага дагавора, згодна з якім нападзенне на аднаго члена НАТА у Еўропе ці Паўночнай Амерыцы будзе разглядацца як нападзенне на іх у цэлым", - адзначаецца ў заяве.

Інцыдэнт з бортам Ryanair

Таксама НАТА падтрымлівае незалежныя расследаванні інцыдэнту з бортам Ryanair у Мінску, гаворыцца ў заяве. І ў прыватнасці, па лініі Міжнароднай арганізацыі грамадзянскай авіяцыі (ІКАО).

Альянс заклікае Беларусь выконваць правы чалавека і вызваліць палітвязняў.

"Мы заклікаем Беларусь выконваць нормы міжнароднага права, паважаць правы чалавека і асноўныя свабоды, а таксама неадкладна вызваліць усіх палітычных зняволеных", - гаворыцца ў паведамленні.

Лёс Украіны і Грузіі ў НАТА

Асобна гаворыцца ў заяве і пра будучыню Украіны і Грузіі ў НАТА.

"Мы пацвярджаем рашэнне, прынятае на саміце ў Бухарэсце ў 2008 годзе, пра тое, што Украіна стане членам альянсу з Планам дзеянняў па членству ў якасці неад'емнай часткі гэтага працэсу", - пазначана ў дакуменце.

Таксама ў заяве падкрэсліваецца, што НАТА "цвёрда падтрымлівае права Украіны самастойна вызначаць" будучыню і замежнапалітычны курс.

Пацверджана і аналагічнае рашэнне ў дачыненні да Грузіі, прынятае ў Бухарэсце ў 2008 годзе, а таксама прыхільнасць "палітыцы адчыненых дзвярэй" з нагоды далучэння новых членаў.

"Далучэнне Паўночнай Македоніі ў мінулым годзе з'яўляецца яшчэ адным адчувальным пацвярджэннем гэтай прыхільнасці", - гаворыцца ў дакуменце.

Саміт НАТА у Брусэлі

Саміт НАТА з удзелам лідэраў краін-саюзніц прайшоў у Брусэлі 14 чэрвеня. На сустрэчы абмеркавалі новую стратэгічную канцэпцыю альянсу да 2030 года, закранулі ўзаемадзеянне з Расіяй і Кітаем, умацаванне тэхнічнага развіцця, барацьбу са змяненнем клімату і пагрозы ў кіберпрасторы і космасе.

Чытайце таксама:

32
Тэги:
мараторый, Расія, прапанова, альянс, ядзерныя ракеты, Еўропа, НАТА

Так незвычайней: Елізавета II з'явілася з шабляй на саміце G7 - відэа

10
(абноўлена 13:22 14.06.2021)
На афіцыйным прыёме, які быў прысвечаны сустрэчы кіраўнікоў "вялікай сямёркі", каралева ўласнаручна разрэзала торт.

Каралева Вялікабрытаніі Елізавета II здзівіла ўдзельнікаў саміту G7 - яна вырашыла разрэзаць незвычайным спосабам торт на афіцыйным прыёме ў графстве Корнуэл. Для гэтага яна выкарыстала цырыманіяльную шаблю. Відэа было апублікавана на YouTube-канале The Royal Family Channel.

Мерапрыемства прысвячалася пачатку саміту і прайшло ў батанічным садзе Карнуэла "Праект" Эдем". У ім таксама прынялі ўдзел члены каралеўскай сям'і.

Елізавета II у чарговы раз прадэманстравала сваё пачуццё гумару. Калі ў працэсе нарэзкі торта ёй сказалі, што ёсць звычайны нож, яна ўдакладніла: "Я ведаю, што ёсць, але так больш незвычайна".

Побач з каралевай знаходзіліся жонка прынца Чарльза герцагіня Карнуэльская Каміла Паркер-Боулз і жонка прынца Уільяма герцагіня Кембрыджская Кэтрын Мідлтан.

Елізавета II у рамках саміту адзначылася яшчэ адным жартам, пра гэта паведамляе выданне Independent. Каралева звярнулася да лідэраў краін, якія прысутнічалі на мерапрыемстве, і сказала: "Мяркуецца, што вы будзеце выглядаць так, як быццам вам гэта падабаецца".

Саміт Групы сямі ("Вялікая сямёрка" ці G7) адбыўся ў англійскім горадзе Карбіс-Бэй.

Чытайце таксама:

10
Тэги:
каралева, торт, відэа, G7, Саміт, шабля, Елізавета II
Які сёння дзень: 15 чэрвеня 2021 года

Які сёння дзень: 15 чэрвеня 2021 года

0
(абноўлена 10:46 14.06.2021)
Гэты дзень з'яўляецца сто шасцьдзясят шостым па грыгарыянскім календары, да канца года засталося 199 дзён.

Якія падзеі адбыліся 15 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 чэрвеня

  • У 1812 годзе Полацкі езуіцкі калегіум пераўтвораны ў Полацкую езуіцкую акадэмію з правамі ўніверсітэта.

Хто нарадзіўся 15 чэрвеня

  • 1831 год: Вінцэсь Каратынскі, беларускі і польскі пісьменнік, перакладчык.
  • 1936 год: Мікола Гіль, беларускі пісьменнік, журналіст, перакладчык.
  • 1954 год: Янка Крук, беларускі фалькларыст.

Таксама сёння нарадзіліся французскі мастак Нікаля Пусэн, паэт Канстанцін Бальмонт і рок-музыкант Джоні Холідэй.

15 чэрвеня ў народным календары

Сёння праваслаўныя вернікі шануюць памяць свяціцеля Нікіфара спавядальніка.

У гэты дзень дзяўчыны збіраліся разам і плялі вянкі з павою, якія потым захоўвалі як абярэг на шчасце.

На полі ў гэты дзень касілі сена, а ў лесе нарыхтоўвалі кару для дублення скур.

Калі напярэдадні сонца садзілася ў аблокі, 15 чэрвеня будзе непагодлівым. Калі пойдзе дождж, потым будзе шмат грыбоў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей