Будынак міністэрства замежных спраў РФ на Смаленскай-Сянной плошчы ў Маскве

У МЗС РФ пракаменціравалі ідэю аб пераносе пляцоўкі перамоў па Данбасе

15
(абноўлена 09:45 09.06.2021)
Зяленскі ўсімі сіламі сабатуе выкананне Мінскіх пагадненняў, каб захаваць санкцыі ў дачыненні да Расіі, заявілі ў МЗС РФ.

МІНСК, 9 чэр – Sputnik. Змена месца перамоў кантактнай групы па ўрэгуляванні ў Данбасе, якой дамагаецца Украіна, ніяк не адаб'ецца на нежаданні Кіева выконваць мінскія пагадненні, сказаў напярэдадні намеснік кіраўніка МЗС РФ Аляксандр Грушко.

"Расійскі бок глядзіць на гэта з пазіцыі істотнасці: куды ні перасаджвай, да чаго імкнецца ўкраінская адміністрацыя, калі яны не гатовы выконваць мінскія пагадненні, то ад таго, дзе вядуцца перамовы, на гэты конт сітуацыя не зменіцца", - сказаў Грушко.

Ён таксама адзначыў, што асноўную праблему на сёння ўяўляе сабатаж выканання мінскіх пагадненняў з боку прэзідэнта Украіны Уладзіміра Зяленскага і яго апарата.

"Усімі сіламі. Імкнучыся захаваць санкцыі, якія былі ўведзеныя Захадам супраць Расіі", - дадаў Грушко.

Мінскія пагадненні

Раней віцэ-прэм'ер, міністр па пытаннях часова акупаваных тэрыторый Украіны Аляксей Рэзнікаў заявіў, што Украіна мае намер шукаць іншы горад для правядзення перамоў па ўрэгуляванні канфлікту на ўсходзе Украіны. Сваю пазіцыю ўкраінскія ўлады патлумачылі тым, што ў краіны няма даверу да афіцыйнага Мінска. Раней Украіна заяўляла аб тым, што магчымы перанос пляцоўкі перамоў ТКГ у Швецыю.

Пазней кіраўнік дэлегацыі Кіева ў трохбаковай кантактнай групе Леанід Краўчук заявіў, што больш не паедзе ў Мінск на перамовы па Данбасе.

Краўчук патлумачыў сваю пазіцыю тым, што Беларусь падсправаздачна Расіі. На яго думку, цяпер шмат дзяржаў гатовы стаць перамоўнай пляцоўкай для трохбаковай групы.

Аляксандр Лукашэнка на сустрэчы з Уладзімірам Пуціным яшчэ да гэтай заявы кіраўніка ўкраінскай дэлегацыі пракаменціраваў прапановы Краўчука перанесці пляцоўку перамоў з Мінска ў Польшчу, назваўшы гэта "глупствам несусветным".

"Падобна на тое, што гэта - пошук такіх прычын ухіліцца ад абмеркавання праблемы Данбаса і пахаваць іх (мінскія пагаднення - Sputnik) канчаткова", - дадаў расійскі прэзідэнт Уладзімір Пуцін.

Мінск стаў перагаворнай пляцоўкай па Данбасе ў 2015 годзе пасля таго, як у беларускай сталіцы прайшоў другі саміт нармандскага фармату з удзелам кіраўнікоў Расіі, Германіі, Францыі і Украіны. З таго часу ў Беларусі адбыліся дзесяткі пасяджэнняў трохбаковай кантактнай групы і яе падгруп, на якіх прымаліся важныя дамоўленасці аб спыненні агню, развядзенні сіл, перамяшчэнні грамадзян і іншыя.

Канфлікт у Данбасе

Узброены канфлікт у Данбасе разгарэўся ў красавіку 2014 года. У рэгіёне паўсталі самаабвешчаныя рэспублікі ЛНР і ДНР. Кіеў іх не прызнаў. Па апошніх дадзеных ААН, ахвярамі канфлікту сталі каля 13 тысяч чалавек.

Пытанне ўрэгулявання сітуацыі ў Данбасе абмяркоўваецца у тым ліку ў ходзе сустрэч трохбаковай кантактнай групы ў Мінску. ТКГ з 2014 года прыняла тры дакументы па ўрэгуляванні сітуацыі. Але канфлікты паміж бакамі працягваюцца да гэтага часу.

Чытайце таксама:

15
Тэги:
Масква, Расія, санкцыі, Мінскія пагадненні, Уладзімір Зяленскі, Данбас, перанос пляцоўкі перамоў, МЗС РФ
Будынак пасольства ЗША у Мінску

Чарвякоў: санкцыі супраць Беларусі - спроба падзяліць рынкі

3
(абноўлена 09:29 21.06.2021)
Злучаныя Штаты з 3 чэрвеня аднавілі санкцыі ў дачыненні да дзевяці прадпрыемстваў беларускага нафтахімічнага комплексу.

МІНСК, 21 чэр – Sputnik. Міністр эканомікі Аляксандр Чарвякоў назваў санкцыі "спробай падзяліць рынкі і выпхнуць канкурэнтаў", гэтыя ж працэсы ён бачыць сёння і ў дачыненні да Беларусі.

Паводле яго слоў, калі прааналізаваць сусветны вопыт, то ні разу санкцыі не дасягалі сваёй палітычнай мэты.

"Але пад гэтымі санкцыямі хавалася іншае, хаваліся пытанні, звязаныя з падзелам рынкаў, з выштурхоўваннем канкурэнтаў, і тыя ж працэсы мы бачым сёння ў дачыненні да Беларусі. І што мы ў дадзеным выпадку павінны рабіць як дзяржава? Абараняць, натуральна, свой эканамічны інтарэс. І для гэтага быў распрацаваны план", - сказаў у эфіры тэлеканала АНТ Чарвякоў.

Эфект ад санкцый

Раней ён адзначаў, што цяпер пралічваецца эфект ад санкцый, "у гэтым кірунку мы досыць актыўна працуем". У прыватнасці, ацэньваецца ўплыў кожнага элемента санкцый.

"Таму на дадзены момант яшчэ заўчасна казаць (пра ўздзеянне на эканоміку - Sputnik), але праца гэтая вядзецца і, дастаткова, актыўна", - запэўніў міністр.

Чарвякоў адзначыў, што санкцыі - гэта магчымасць для беларускай эканомікі паглядзець пад зусім іншым вуглом на новыя рынкі і партнёраў. У прыватнасці, гаворка ідзе аб павароце да Азіі.

"Асноўныя каналы, па якіх будуць нівеліраваны страты і крыніцы гэтых страт, гэта тыя выдаткі, якія звязаны з часовымі выдаткамі, перыядам, калі трэба перанакіраваць таварныя патокі. Гэтыя выдаткі могуць скласці за адзін раз да 3% ВУП. Па тых таварных пазіцыях і групах, па якіх уведзены санкцыі", - сказаў ён.

Паводле яго слоў, Беларусь за пяць месяцаў 2021-га года прырасла на 3,1% і перакрыла тое падзенне, якое было ў 2020 годзе.

Чарвякоў падкрэсліў, што ўдалося спрацаваць з плюсам, перакрыўшы страты падчас пандэміі.

"Гэта сведчыць аб тым, што ў нас ёсць патэнцыял. Тое, што мы не спыніліся ў 2020 годзе, дало нам пэўны імпульс. І гэты імпульс даў магчымасць нам захаваць тэмп і хутчэй увайсці на рынкі, на якіх, натуральна, нашы канкурэнты трошкі адсталі", - дадаў ён.

Санкцыі ЗША супраць Беларусі

Раней стала вядома, што з 3 чэрвеня Злучаныя Штаты аднавілі санкцыі ў дачыненні да 9 прадпрыемстваў беларускага нафтахімічнага комплексу.

У красавіку Мінфін і дзярждэпартамент ЗША анансавалі аднаўленне санкцый у дачыненні да дзевяці дзяржпрадпрыемстваў, у спіс патрапілі, у прыватнасці, "Беларускі нафтавы гандлёвы дом", "Белнафтахім", Belneftekhim USA Inc, "Белшына", "Гродна Азот", "Гродна хімвалакно", "Лакафарба", "Нафтан", "Полацк шкловалакно".

Амерыканскія ўлады паэтапна ўводзілі санкцыі супраць прадпрыемстваў Беларусі з 2007 года, але ў 2015 годзе выпусцілі ліцэнзію аб часовым вывадзе дзевяці прадпрыемстваў з-пад санкцый. Затым гэтае рашэнне рэгулярна прадаўжалася на фоне паляпшэння адносін Беларусі з заходнімі краінамі.

Пасля прэзідэнцкіх выбараў у Беларусі ў жніўні 2020 года Вашынгтон папярэдзіў пра заканчэнне ліцэнзіі 26 красавіка і пра тое, што яна не будзе падоўжана "у сувязі з пагаршэннем сітуацыі ў Беларусі". Мінфін ЗША абвясціў, што гэтая ліцэнзія дапускае неабходны час для згортвання ўсіх сувязей з прадпрыемствамі, якія знаходзяцца пад санкцыямі, і будзе дзейнічаць да 3 чэрвеня.

Чытайце таксама:

3
Тэги:
Мінск, ЗША, рынак, Беларусь, санкцыі, Аляксандр Чарвякоў
Прэзідэнт Расіі Уладзімір Пуцін

Пуцін падрыхтаваў артыкул да 80-годдзя пачатку Вялікай Айчыннай

8
(абноўлена 09:03 21.06.2021)
Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

МІНСК, 21 чэр - Sputnik. Прэзідэнт РФ Уладзімір Пуцін падрыхтаваў артыкул да 80-годдзя пачатку Вялікай Айчыннай, паведамілі напярэдадні на тэлеканале Расія 1.

Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

Таксама 22 чэрвеня, у Дзень памяці і смутку, Пуцін ускладзе кветкі да Магілы Невядомага салдата і выступіць з прамовай.

У панядзелак, 21 чэрвеня, ён сустрэнецца ў Крамлі з дэпутатамі Дзярждумы, а на тыдні правядзе нараду з членамі ўрада.

Чытайце таксама:

8
Тэги:
прэзідэнт, Вялікая Айчынная вайна, артыкул, Уладзімір Пуцін