Red Piano at Charles de Gaulle Airport, Paris

Урокі музыкі для дарослых зладзяць у Мінску

74
(абноўлена 10:26 01.02.2016)
Сталічныя інтэлектуалы змогуць дадаць сабе ў бэкграунд колькі ведаў пра Гендэля і разабрацца з музычнымі тэрмінамі.

МИНСК, 1 лют — Sputnik. Калі вашых ведаў недастаткова для вядзення класічнай інтэлектуальнай гутаркі пра мастацтва, папоўніце бэкграўнд музыкай. У Мінску распачынаюцца музычныя ўрокі для дарослых.

"Гэта зусім не тыя ўрокі музыкі, на якіх мы драмалі ў школе, тут раскажуць пра музыку так, каб яе ў жыцці слухачоў стала больш: сапраўднай, добрай, жывой. А яшчэ пра тое, як музыка змяняе свет. Як музыка ўплывае на рэвалюцыі, а рэвалюцыі — на музыку. Як ўзаемазвязана мысленне, прытомнасць, развіццё і інтэлект — з гармоніяй гукаў вакол. Мэта гэтага праекта — зрабіць так, каб як мага больш людзей ведалі ў музыцы толк", — распавядае арганізатар курсаў Марыя Калеснікава.

Адрозніваць Вівальдзі ад Моцарта, а Рахманінава ад Шенберга — гэта калі не выдатна, дык папросту нармальна. Тут абяцаюць навучыць адрозніваць музычныя эпохі і стылі, у канцы кожнай лекцыі зробяць тэст, а падчас лекцыі можна паўдзельнічаць ў дыскусіі.

Sputnik прапануе азнаёміцца з праграмай лекцый:

  • уводная лекцыя з навуковай і гуманітарнай пунктаў гледжання абгрунтоўвае неабходнасці, бонусы і карысці знаёмства з класічнай музыкай.
  • кароткі агляд музычных эпох: музыка сярэднявечча, рэнесанс, барока, класіцызм, рамантызм, музыка 20-21 стагоддзяў;
  • "Рэвалюцыя пад парыкамі": Бах, Вівальдзі, Гендэль, цікавыя факты з жыцця кампазітараў і ўплыў іх творчасці на развіццё сусветнай культуры;
  • "галантна класіка" — Моцарт, Гайдн, Бетховен: асноўныя стылістычныя адрозненні барока і класіцызму, першыя бунтары і фрылансеры.

Лекцыі чытае Марыя Калеснікава, выпускніца Беларускай Акадэміі музыкі і Вышэйшай школы музыкі ў Штутгарце. Флейтыстка, выкладчык, дырыжор.

Лекцыя будуць праходзіць з 8 па 11 лютага ў прасторы ЦЭХ, вул. Кастрычницкая, 16. Пачатак — 19:00.

74
Тэги:
Лекцыі, Класічная музыка, Музыка, ЦЭХ, Беларусь
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

23
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

23
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Гуканне вясны

Музейны комплекс Дудуткі запрашае на таямнічае Гуканне вясны

27
(абноўлена 18:17 25.03.2021)
Наведвальнікаў свята чакаюць старажытныя гукальные песні, шматлікія майстар-класы, абрадавыя гульні і вясеннія карагоды.

МІНСК, 25 сак – Sputnik. Пакаштаваць здобнае традыцыйнае печыва у выглядзе вясенніх птушачак і разам з усімі упрыгожыць стужкамі жаданняў дрэвы запрашае Музейны комплекс старадаўніх рамёстваў і тэхналогій "Дудуткі".

Штогод Дудуткі адчыняюць сваю браму для усіх прыхільнікаў народнай творчасці, закаханых у таямніцу веснавых абардаў. Таксама і ў гэты раз гасцей чакае зачаравальнае і аўтэнтычнае свята "Гуканне Вясны"!

З дапамогай сапраўдных знаўцаў традыцый беларускай культуры наведвальнікі змогуць прыняць удзел у старадаўніх танцах і гульнях, паспрабаваць свае здольнасці ў святочным роспісе па дрэве.

Гуканне вясны
© Sputnik Альфрэд Мікус
Саламяная птушка - сімвал абуджэння прыроды!

Таксама ўсім жадаючым будзе прапанавана ўласнымі рукамі зрабіць з саломкі гукальную птушку – сімвал абуджэння прыроды і надыходзячай вясны. А каб выгуканым птушачкам было дзе жыць і спяваць, арганізатары свята падрыхтавалі адмысловае тэатралізаванае дзейства-інтэрактыў – вывешванне шпакоўняў.

Сумаваць сапраўды не прыйдзецца, бо на працягу ўсіх народных гулянняў чакаюцца выступленні вядомых беларускіх творчых калектываў – фолк-этна гурта "GUDA", Народнага сямейнага ансамбля "Жывіца" і этнаграфічнага клуба "Кола" з танцавальна-гульнявой праграмай.

А для самых малых гасцей мерапрыемства будуць працаваць інтэрактыўныя пляцоўкі, дзе можна будзе зрабіць аквагрым і падзівіцца на забавы з паветранымі шарамі.

Увогуле, усе наведвальнікі свята змогуць адчуць самыя яскравыя пачуцці ад адраджэння найцікавейшых звычаяў беларускай архаічнай культуры і прыняць удзел у пазітыўным вясновым народным абрадзе!

А першых 100 наведвальнікаў чакае традыцыйны святочны пачастунак - здобныя вясновыя птушкі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 27 сакавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

27
Тэги:
карагод, Гульні, песні, свята, Гуканне вясны, Дудуткі, Музейны комплекс "Дудуткі"
Будаўніцтва газаправода Паўночны паток - 2 у Германіі

"Паўночны паток - 2" запрацуе ўжо гэтым летам - дэпутат

10
(абноўлена 17:56 15.04.2021)
Працэс паскорыўся пасля таго, як да будаўніцтва газаправода ў акваторыі Балтыйскага мора далучылася судна-трубаўкладчык "Акадэмік Чэрскі".

МІНСК, 15 кра – Sputnik. Германія зможа атрымаць газ па "Паўночным патоку - 2" не пазней за лета 2021-га, лічыць кіраўнік камітэта Дзярждумы РФ па энергетыцы, каардынатар дэпутацкай групы па сувязях з нямецкім бундэстагам Павел Завальны.

"Усё ідзе да таго, што мы не пазней лета павінны ўсе працы скончыць", - сказаў ён на сустрэчы дэпутатаў Дзярждумы з калегамі з бундэстага.

Паводле слоў дэпутата, ёсць шанс, што абедзве "ніткі" газаправода будуць выкладзены ўжо ў чэрвені, калі не перашкодзяць замежныя судны: такія прэцэдэнты ўжо былі.

"Ёсць надзея, што Германія па гэтым газаправодзе можа атрымаць першы газ", - сказаў на заканчэнне ён.

Як ідзе будаўніцтва газаправода "Паўночны паток - 2"

Па дадзеных на 31 сакавіка, "Паўночны паток - 2" пабудаваны ўжо на 95%, застаецца ўкласці усяго 121 кіламетр ад агульнай працягласці газаправода па двух нітках. Такую інфармацыю апублікаваў аператар праекта Nord Stream 2 AG (100%-ая даччыная кампанія "Газпрома" - Sputnik).

Праект "Паўночны паток - 2" прадугледжвае будаўніцтва двух нітак газаправода ад узбярэжжа Расіі да Германіі праз Балтыйскае мора. Агульная магутнасць складзе да 55 мільярдаў кубаметраў у год. Газаправод пройдзе праз тэрытарыяльныя зоны Фінляндыі, Швецыі і Даніі.

ЗША рэгулярна пагражаюць санкцыямі кампаніям, якія ўдзельнічаюць у будаўніцтве газаправода. Вашынгтон прасоўвае ў ЕС уласны звадкаваны прыродны газ, а таму спрабуе не дапусціць завяршэння будаўніцтва расійскай магістралі.

Чытайце таксама:

10
Тэги:
Балтыйскае мора, газаправод, дэпутат, "Паўночны паток - 2"