Амерыканскі гурт The Neighbourhood

The Neighbourhood: памнажэнне падабайкамі

304
(абноўлена 14:11 08.02.2016)
Сацыяльныя сеткі накрыла хваля "хвастаў" з набытымі квіткамі на дэбютны канцэрт зорак у Мінску, а тынэйджары звярнуліся з просьбай да Дзеда Мароза.

МІНСК, 8 лют — sputnik. Беларускія школьнікі ў чаканні выступлення The Neighbourhood, які адбудзецца 27 лютага 2016 года,  у Мінску зладзілі флэшмоб у сацсетках.

Амерыканскі гурт The Neighbourhood
© Photo : прадастаўлена арганізатарамі канцэрту

Прыхільнікі The NBHD з Беларусі ідуць у нагу з усім светам: прытрымліваюцца пэўнага стылю, з трапятаннем чакаюць кожнай новай песні і, вядома, масава скупляюць квіткі на канцэрт.

"Спраўдзілася мая мара", "Плакала ад шчасця, калі даведалася пра канцэрт", "Я такі шчаслівы, я так рады, што ў мяне ёсць ты" — гэта толькі нешматлікія з апісанняў да фота з першымі набытымі білетамі.

На канцэрт збіраюцца прыехаць прыхільнікі з усіх гарадоў Беларусі, у сетках ужо шукаюць спадарожнікаў на доўгачаканае шоу. Сваіх куміраў меламаны жадаюць сустрэць флэшмобам: апрануцца выключна ў чорна-белых танах, у стылі кліпаў і фота групы.

Амерыканскі гурт The Neighbourhood
© Photo : прадастаўлена арганізатарамі канцэрту

Амерыканскі гурт, які гучна заявіў пра сябе чарты таму ва ўсім свеце, выступіць у беларускай сталіцы ўпершыню. Зусім нядаўна калектыў выпусціў свой другі поўнафарматны альбом Wiped out! Такім чынам, сэт-ліст будзе складацца з песень абедзвюх альбомаў гурта.

"Нэйбы" папулярныя па ўсім свеце. Іх канцэрт у Мінску чакаюць ані не менш, чым у якім-небудзь Лос-Анжэлесе. Калі ў маёй гімназіі даведаліся пра канцэрт, усе былі ў шоку і тыдзень гаварылі толькі пра гэта. Гурт слухаюць многія мае сябры. Я б не сказала, што гэта толькі хіпстэры, проста падлеткі. Ўсім падабаюцца тэксты "нэйбаў". Амаль кожны дзень у стужцы твітэра або інстаграма я бачу ў сяброў цытаты з іх песень. Больш за ўсё я люблю R.I.P. 2 My Youth і Sweater Weather. Дарагі Санта, падары мне квіток на канцэрт The NBHD!", — вось такое жаданне ў Леры Русецкай, вучаніцы 8 класа гімназіі № 1 г. Барысава.

Першы беларускі канцэрт The Neighbourhood адбудзецца 27 лютага ў сталічным Prime Hall, кошт квіткоў складае ад 600 да 850 тыс рублёў.  

304
Тэги:
канцэрт, музычная падзея, Музычныя жанры, Стыль жыцця, Музыка, The Neighbourhood, Prime-Hall, Беларусь
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр
БелАЭС ў Астраўцы

Еўрасаюз датэрмінова апублікуе вынікі стрэс-тэстаў БелАЭС

5
(абноўлена 16:14 15.01.2021)
Эксперты прыедуць у Астравец ужо ў лютым, папярэднюю справаздачу даследаванняў плануецца падрыхтаваць да сакавіка.

МІНСК, 15 сту – Sputnik. Справаздачу пра папярэднія вынікі стрэс-тэстаў БелАЭС у Бруселі плануюць падрыхтаваць да сакавіка. Тэсты правядзе Еўрапейская група рэгулятараў у галіне ядзернай бяспекі (ENSREG), пра гэта паведамілі ў прэс-службе Еўракамісіі.

Апублікуюць даклад да пачатку камерцыйнай эксплуатацыі станцыі, якая чакаецца ў сакавіку.

"Наша мэта - падрыхтаваць папярэднюю справаздачу аб выніках стрэс-тэстаў БелАЭС, у тым ліку па ключавых пытаннях бяспекі, апублікаваць гэтыя дадзеныя і перадаць іх Беларусі да камерцыйнага запуску", - паведамілі ў Еўракамісіі.

Беларусь ужо правяла свае стрэс-тэсты БелАЭС па працэдуры Еўрапейскага саюза на добраахвотнай аснове. Пацверджана надзейнасць атамнай станцыі на выпадак стыхійных бедстваў - землятрусаў, паводак і тэхнагенных аварый.

Візіт еўрапейскіх экспертаў у Астравец павінен быў адбыцца яшчэ ў снежні. Але сустрэчу перанеслі, бо беларускі рэгулятар не прыняў удзел у адным з тэхнічных пасяджэнняў з удзелам экспертаў ENSREG у фармаце відэаканферэнцыі. Наступнай датай прыезду прызначана 8 лютага.

Астравецкая АЭС

Беларусь завяршае будаўніцтва АЭС у Гродзенскай вобласці па перадавым расійскім праекце "ВВЭР-1200", які адпавядае ўсім нормам МАГАТЭ. Станцыя будзе складацца з двух энергаблокаў магутнасцю 1200 МВт кожны.

Фізічны пуск першага энергаблока станцыі адбыўся 20 жніўня, а 3 лістапада ён быў уключаны ў агульную энергасістэму краіны. Афіцыйная цырымонія яго запуску з удзелам прэзідэнта Беларусі прайшла пазней - 7 лістапада, дзе Аляксандр Лукашэнка заявіў, што краіне патрэбна яшчэ адна такая станцыя.

Турбіна першага блока Астравецкай АЭС спынілася 8 лістапада - на пяты дзень пасля яго ўключэння ў энергасістэму Беларусі. Як запэўніў кіраўнік будаўніцтва Віталь Палянін, гэта не паўплывала на бяспеку атамнай станцыі і графік выконваемых работ.

Пасля таго, як была праведзена замена трансфарматараў напружання і выпрабавана цеплаэнергетычнае абсталяванне, першы энергаблок ўключылі ў сетку. Першы рэактар ​​атамнай станцыі пачаў працу на 50% сваёй магутнасці 21 снежня, на 100%-ю магутнасць ён быў выведзены 12 студзеня.

Чакаецца, што першы блок БелАЭС увядуць у прамысловую эксплуатацыю ў 2021 годзе, а другі - у 2022 годзе.

Чытайце таксама:

5
Тэги:
Беларусь, Еўрасаюз, БелАЭС