Меладрама ў адной дзеі Старамодная камедыя А. Арбузава ў пастаноўцы Купалаўскага тэатра

Тыдзень Купалаўскага тэатра пройдзе у Педуніверсітэце

73
Гасцямі святочнага вечара стануць народныя артысты Беларусі Марыя Захарэвіч і Генадзь Гарбук.

МІНСК, 23 лют — Sputnik. 24 лютага паказам спектакля "Людзі на балоце" ў пастаноўцы Аляксандра Гарцуева ў тэатры адсвяткуюць 95-годдзе са дня нараджэння народнага пісьменніка БССР Івана Мележа.

З 23 па 26 лютага Нацыянальны акадэмічны тэатр імя Янкі Купалы прадставіць студэнтам і выкладчыкам Беларускага дзяржаўнага педагагічнага універсітэта імя Максіма Танка чатыры спектаклі са свайго рэпертуару.

Гасцямі святочнага вечара стануць народныя артысты Беларусі Марыя Захарэвіч і Генадзь Гарбук, якія выконвалі галоўныя ролі ў першых пастаноўках "Людзей на балоце" Купалаўскага тэатра. Запрошаны таксама дачкі і ўнук Івана Мележа.

Акцыя "Тыдзень Купалаўскага тэатра ў Беларускім дзяржаўным педагагічным універсітэце імя Максіма Танка" распачнецца 23 лютага а 14-й гадзіне славутым спектаклем "Вечар" Аляксея Дударава ў пастаноўцы Валерыя Раеўскага з удзелам Народнага артыста СССР і Беларусі Генадзя Аўсяннікава, Народнага артыста Беларусі Генадзя Гарбука і Заслужанай артысткі Рэспублікі Беларусь Тамары Міронавай.

Фрагмент спектакля Людзі на балоце І. Мележа
© Photo : Прадастаўлена тэатрам імя Янкі Купалы
Фрагмент спектакля "Людзі на балоце" І. Мележа

24 лютага а 14-й гадзіне у ВНУ пакажуць спектакль "Старамодная камедыя" Аляксея Арбузава ў пастаноўцы Валерыя Раеўскага, 25 лютага а 14-й гадзіне "ГендэльБах" Паўля Барца ў пастаноўцы Генадзя Мушперта, 26 лютага а 14-й гадзіне апошняя купалаўская прэм'ера "Шабаны" Альгерда Бахарэвіча ў пастаноўцы Алены Ганум.

Нацыянальны акадэмічны тэатр імя Янкі Купалы і Беларускі дзяржаўны педагагічны ўніверсітэт імя Максіма Танка даўно звязваюць шчыльныя прафесійныя кантакты і творчае супрацоўніцтва. На працягу апошніх васьмі гадоў (з 2008 года) адбыліся дзясяткі сустрэч, выязных спектакляў і спецыяльных паказаў для студэнтаў, выкладчыкаў і супрацоўнікаў галоўнай педагагічнай вышэйшай навучальнай установы краіны.

З 2015 года пачаўся новы этап творчых адносін паміж установамі: Нацыянальны акадэмічны тэатр імя Янкі Купалы і Беларускі дзяржаўны педагагічны ўніверсітэт імя Максіма Танка падпісалі пагадненне аб супрацоўніцтве і далі пачатак новай традыцыі святкавання Дня ведаў 1 верасня спектаклем "Паўлінка" на ўніверсітэцкай сцэне. Для Купалаўскага тэатра гэта асаблівы гонар распачынаць тэатральны сезон за некалькі дзён да афіцыйнага адкрыцця і даваць спецыяльныя паказы для студэнцкай моладзі. Рэктар універсітэта Аляксандр Іванавіч Жук з ахвотай і прыязнасцю падтрымлівае і развівае гэтую традыцыю. У апошнія гады колькасць гледачоў і тых, хто марыў трапіць на ўніверсітэцкую "Паўлінку", так павялічылася, што ў праграме з'яўляюцца дадатковыя паказы.

73
Тэги:
падзеі і даты, Культура, культура і мастацтва, Тэатр, Педуніверсітэт, Беларускі дзяржаўны педагагічны ўніверсітэт імя Максіма Танка, Нацыянальны акадэмічны тэатр імя Янкі Купалы, Іван Мележ, Беларусь
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

39
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

39
Тэги:
музей, Якуб Колас
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

38
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

38
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Прэзідэнт ЗША Джо Байдэн

Байдэн пагаварыў з Пуціным пра Беларусь

25
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

25
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн