Беларускі тэатр Лялька (Віцебск)

"Серебряная свадьба" павіншуе "Ляльку" з юбілеем

127
(абноўлена 13:00 13.10.2016)
Спектаклі тэатра "Лялька" ідуць на беларускай мове і падпарадкоўваюцца асноўным накірунку, які вызначаецца як тэатр-свята.

МІНСК, 22 кра — Sputnik. Беларускі тэатр "Лялька" у Віцебску адзначыў свой трыццаты дзень народзінаў.

Беларускі тэатр "Лялька" утвораны ў Віцебску ў 1985 годзе пры Нацыянальным акадэмічным драматычным тэатры імя Якуба Коласа як лялечная трупа. Першы спектакль «Дзед і Жораў» па п'есе В. Вольскага быў паказаны 20 красавіка 1986 года. У 1990 годзе калектыў, маючы пастаянны рэпертуар, вылучыўся ў асобны тэатр.

У 2000 годзе калектыву тэатра "Лялька" прысвоена званне "Заслужаны калектыў Рэспублікі Беларусь". "Лялька" вядомая ў Беларусі і за яе межамі, на рахунку тэатра пяць Гран-пры, прызы за лепшыя спектаклі і ролі, дыпломы міжнародных фестываляў. Зараз у трупе Беларускага тэатра "Лялька" 16 акцёраў. Мастацкі кіраўнік тэатра — Заслужаны дзеяч мастацтваў Віктар Клімчук. Рэпертуар тэатра складаюць 32 спектаклі па класічных і сучасных творах для дарослых і дзяцей розных узроставых груп.

Лялькі цешаць публіку (сцэна са спектакля)
© Photo : прадастаўлена тэатрам
Лялькі цешаць публіку (сцэна са спектакля)

Спектаклі тэатра "Лялька" ідуць на беларускай мове і падпарадкоўваюцца асноўным накірунку, які вызначаецца як тэатр-свята. У фае тэатра размешчаны музей лялек і элементаў сцэнаграфіі са спектакляў. У пастаяннай экспазіцыі музея знаходзіцца механічны тэатр і батлейка.

У юбілейны дзень у Віцебскім абласным краязнаўчым музеі адкрыецца выставы "Беларускаму тэатру "Лялька" — 30 год". Наведнікі пазнаёмяцца з разнастайнымі па стылёвых вырашэннях дэкарацыямі і лялькамі з такіх папулярных спектакляў, як "Чароўная зброя Кэндзо", "Загубленая душа, або пакаранне грэшніка", "Прынцэса і Свінапас", "Хлопчык-Зорка", "Сунічкі для Веліканачкі", "Ямелева шчасце", "Кветачка-вясёлка", "Чорная курыца, або Падземныя жыхары" і іншых, а таксама пабачылі зблізку рэканструкцыю магілёўскай батлейкі ХІХ стагоддзя, зробленую мастаком Аляксандрам Сідаравым.

Сцэна са спектакля Умка
© Photo : Фота прадастаўлена тэатрам "Лялька"
Сцэна са спектакля "Умка"

На юбілей тэатр падрыхтаваў шмат сюрпрызаў для гледачоў. Кожны, хто пажадае, атрымае магчымасць у гэты святочны дзень выказаць свае прызнанні і пажаданні як усяму калектыву тэатра "Лялька", так і кожнаму з яго супрацоўнікаў. Юбіляраў і гасцей свята чакае грандыёзны капуснік "Нам 30 год", у якім артысты прыгадаюць мінулае, падзеляцца прафесійнымі здабыткамі і прапануюць увазе прысутных феерыю песень, танцаў, жартаў і фокусаў. Запланаваныя віншаванні і ўзнагароджанні. Будзе выкарыстана вялікая колькасць архіўнага відэа- і фотаматэрыялу з яго творчым пераасэнсаваннем. Пастаноўку арыгінальных нумароў ажыццявяць як вядучыя майстры сцэны — Ларыса Мартынава, Вольга Маханькова, Алесь Маханькоў, Алег Рыхтэр, Ганна Сцепанец, Юрась Франкоў — так і маладыя акцёры.

Фестываль Дружба
© Sputnik Юлія Хвошч
Фестываль "Дружба"

А 23 красавіка ў 15.00 на сцэне тэатра выступіць кабарэ-бэнд "Серебряная свадьба" з музычна-тэатральнай праграмай для дзяцей і дарослых "Музыка — всё". Кіраўнік гурта, Святлана Бень-Залеская, з'яўляецца рэжысёрам-пастаноўшчыкам спектакляў "Асцярожна, Соня!" і "Цудоўная скрыня з зялёным гарошкам", якія карыстаюцца поспехам у гледачоў "Беларускага тэатра "Лялька".

127
Тэги:
культура і мастацтва, тэатр, Серебряная свадьба (гурт), Святлана Бень, Віцебск, Беларусь
Тэмы:
Фарбамі па штодзённасці: свет беларускага мастацтва (12)
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

35
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

35
Тэги:
музей, Якуб Колас
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

35
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

35
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Які сёння дзень: 13 чэрвеня 2021 года

Які сёння дзень: 13 чэрвеня 2021 года

0
(абноўлена 19:30 08.06.2021)
Гэты дзень з'яўляецца сто шасцьдзясят чацвёртым па грыгарыянскім календары, да канца года застаўся 201 дзень.

Якія падзеі адбыліся 13 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 чэрвеня

  • У 1508 годзе Паспалітае рушэнне ВКЛ выйшла з Ліды для дзеянняў супраць маскоўскіх войскаў.
  • У 1611 годзе войскі Рэчы Паспалітай пасля амаль двухгадовай аблогі ўзялі Смаленск.
  • У 1746 годзе ў Нясвіжы ў летняй рэзідэнцыі Альба адбылося прадстаўленне камедыі "Дасціпнае каханне" Ф.У. Радзівіл.

Хто нарадзіўся 13 чэрвеня

  • 1702 год: Міхал Казімір Радзівіл "Рыбанька", вялікалітоўскі дзяржаўны дзеяч, мецэнат.
  • 1834 год: Канстанцін Вераніцын, удзельнік літаратурнага жыцця на Беларусі, аўтар паэмы "Тарас на Парнасе".

Таксама сёння нарадзіліся брытанскі фізік Джэймс Максвел і амерыканскі матэматык Джон Нэш.

13 чэрвеня ў народным календары

Сёння праваслаўныя вернікі шануюць памяць апостала ад 70 Ерма і пакутніка Ермію Команскага.

У народным календары дзень атрымаў назву Ярома-распрагальнік, таму што ў гэтыя дні заканчвалі сяўбу і іншыя палявыя працы. Коням у гэты дзень дзякавалі за працу, давалі ласункі і мылі. Працаваць на кані 13 чэрвеня лічылась дрэнным, таму што жывёла магла захварэць.

Назіралі за надвор'ем. Калі ўвечары не было расы, назаўтра будзе дождж. Калі сонечна, то і на ўборку ўраджаю надвор'е будзе добрае.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей