Іван Кірчук, лідэр гурта Троіца

"Троіца" выступіць у Мінску з традыцыйным Калядным канцэртам

124
(абноўлена 12:57 05.04.2017)
Падчас выступу знакамітага на ўвесь свет беларускага этна-трыа можна будзе паслухаць як новыя эксперыментальныя работы калектыву, так і традыцыйныя спевы "Пра казу".

МІНСК, 14 сне — Sputnik. Адзін з самых загадкавых і містычных гуртоў Беларусі выступіць у мінскім Моладзевым тэатры эстрады з традыцыйным зімовым калядным канцэртам 16 снежня.

Нехта аднойчы перафразіраваў класіка і адзначыў, што "Троіца" — гэта наша ўсё. У некаторым сэнсе з гэтым выразам можна пагадзіцца, бо на сеняшні дзень з творчасцю гэтага гурта знаема ўжо амаль палова сучаснага свету.  Шмат хто дзівіцца іх творчасці, маўляў, як можна так "заводзіць" натоўп фестывальнай арэны, прымушаць перажываць песні разам з выканаўцамі, нават не ведаючы мовы, на якой яны спяваюць? Бадай, у гэтым і есць асноўная загадка "Троіцы", пра якую ўсе кажуць.

"Троіца" была заснавана ў 1996 годзе і за час свайго існавання з'яўляецца, бадай, адзіным беларускім гуртом з па-сапраўднаму еўрапейскім гучаннем.

Нажаль, пабачыць выступленне знакамітых беларусаў можна хутчэй недзе ў Еўропе, чым на радзіме, у Беларусі — канцэрты ладзяцца двойчы на год, апошнім часам іх можна сустрэць і на фолк-фестывалі "Камяніца".

"Больш за два канцэрты на год ладзіць немагчыма. Раз на год мы збіраем прыхільнікаў на зімовы канцэрт, а на другі за год сабраць ужо цяжка, бо мы не здолеем за такі кароткі час прадставіць новую праграму. А гледачу хочацца нечага новага кожны раз — растлумачыў свае рэдкія выступы ў Беларусі лідэр і заснавальнік "Троіцы" Іван Кірчук.  

Іван Кірчук, ці дзядзька Іван, як яго клічуць прыхільнікі, знакаміты не толькі як таленавіты выканаўца беларускіх народных песень, але і як адзін з найбуйнейшых сучасных збіральнікаў і папулярызатараў традыцыйнага фальклору. Апроч альбомаў "Троіцы" і сольных праектаў, ен рэгулярна выдае матэрыялы ўласных экспедыцый, займаецца выкладчыцкай дзейнасцю.

Традыцыйны Калядны канцэрт "Троіцы" адбудзецца ў мінскім Моладзевым тэатры эстрады 16 снежня; пачатак а 19-й гадзіне; кошт квіткоў складае ад 25 да 35 рублеў. 

124
Тэги:
Музычныя жанры, Музыка, Моладзевы тэатр эстрады, Троіца, Іван Кірчук, Мінск, Беларусь
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

38
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

38
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

11
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

11
Тэги:
Дзень Перамогі, Мінск
Тэмы:
Дзень Перамогі - 2020
Дождж у горадзе

Зноў аранжавы: беларусаў папярэдзілі аб непагадзі ў выхадныя

0
(абноўлена 17:04 29.05.2020)
У той жа час, выхадныя ў рэспубліцы будуць даволі цёплымі: удзень паветра будзе прагравацца да +13 ... + 20°С, а па паўночным усходзе рэспублікі - да + 23°С.

МІНСК, 29 мая - Sputnik. Штармавое папярэджанне абвешчана ў Беларусі на выхадныя з-за непагадзі. Адпаведная інфармацыя размешчана на сайце рэспубліканскага гідраметцэнтра.

"Увага! Папярэджанне аб неспрыяльных умовах з'явах! Раніцай і ўдзень 30 мая (у суботу) на большай частцы тэрыторыі Беларусі чакаецца ўзмацненне ветру парывамі да 15-20 метраў у секунду, па паўднёва-ўсходняй палове краіны - моцныя дажджы", - папярэдзілі сіноптыкі.

У Белгідрамеце папярэджваюць, што вецер узмоцніцца у тым ліку ў Мінску. У нядзелю, 31 мая, ветранае з дажджамі надвор'е захаваецца. У сувязі з непагаддзю на абодва дні ў краіне аб'яўлены аранжавы ўзровень небяспекі.

Выхадныя ў рэспубліцы будуць даволі цёплымі, тэмпература паветра ноччу і раніцай будзе знаходзіцца ў межах +8 .. + 15°С, удзень паветра прагрэецца да +13 ... + 20°С, а па паўночным усходзе рэспублікі - да + 23°С.

Па дадзеных прагнозу надвор'я на Gismeteo, у Беларусь ідзе пахаладанне: у першай дэкадзе чэрвеня тэмпература паветра ў Мінску ўдзень не будзе падымацца вышэй за +13 .. + 15°С. Адчувальна пацяплее бліжэй да сярэдзіны месяца: так, 11 чэрвеня ў сталіцы будзе + 22°С.

0
Тэги:
Аранжавы ўзровень небяспекі, Прагноз надвор'я, Беларусь