МІНСК, 18 сту — Sputnik. Закрыты паказ мастацкага фільма "Сляды на вадзе" адбыўся 5 студзеня, а прэм'ерны запланаваны на 21 лютага, паведаміў Sputnik рэжысёр фільма Аляксандр Анісамаў.
Паказ адбудзеццца ў кінатэатры "Масква" для вельмі спецыфічнага гледача — супрацоўнікаў беларускай міліцыі, стагоддзю якой і прысвечаны фільм.
Здымалася кінастужка "Беларусьфільмам" па заказе Міністэрства культуры рэспублікі. А ў аснову сюжэту лёг раман прафесара, доктара гістарычных навук, палкоўніка міліцыі ў адстаўцы Мікалая Ільінскага.
Атрымалася захапляльная мастацкая рэпрадукцыя барацьбы беларускай міліцыі з бандытамі ў першыя пасляваенныя гады, поўная вострых жыццёвых сітуацый.
Фільм цалкам айчынны, зняты ў Беларусі і пры ўдзеле толькі беларускіх артыстаў. Галоўныя ролі выконваюць Арцём Курэнь, Пётр Юрчанкоў, Вераніка Пляшкевіч, Таццяна Чардынцава, Сергей Юрэвіч.
Хранаметраж стужкі складае 100 хвілін. Трэйлер карціны размешчаны ў сетцы інтэрнэт.
