На выставу са сваімі карцінамі

Калі пралезе ў дзверы: на выставу можна ісці са сваімі карцінамі

8
(абноўлена 11:38 23.01.2017)
Куратар новай выставы будзе прымаць ад усіх жадаючых мастакоў па адной працы і размяшчаць іх у экспазіцыі, адзінае патрабаванне для ўдзелу ў праекце - работы павінны пралазіць ва ўваходныя дзверы.

МІНСК 22 сту — Sputnik. Кожны жадаючы можа папоўніць выставачную прастору сваёй працай у рамках праекта "Я Мане Я Шышкін Я Малевіч". Такі праект вырашылі арганізаваць у мінскай галерэі "Дом карцін". Там, дзе нядаўна віселі працы Пікаса, Кандзінскага, Міро, цяпер можа апынуцца і ваша карціна.

"Мы рыхтуем выставу, дзе будзе паказаны кожны, хто прынясе працу. Куратар будзе прымаць ад усіх жадаючых мастакоў па адной працы ў парадку жывой чаргі і размяшчаць іх у экспазіцыі да заканчэння ўстаноўленага тэрміну — ці пакуль не скончыцца экспазіцыйнае месца", — распавялі арганізатары выставы.

Ствараючы такі незвычайны праект, беларускія галерысты абапіраюцца на сусветны вопыт. У 1978 годзе куратар Уолтар Хоппс арганізаваў праект пад назвай "36 гадзін", месцам яго рэалізацыі стала маленькая альтэрнатыўная прастора "Музей часовага мастацтва" (Museum of Temporary Art) у Вашынгтоне.

"На працягу 36 гадзін дзверы музея былі адкрыты для кожнага, хто прыносіў твор, які Уолтар Хоппс разам з аўтарам размяшчалі ў прасторы. Адзіным патрабаваннем да ўдзельнікаў было — "каб работы пралазілі ў дзверы", — распавялі ў галерэі.

Такое ж адзінае патрабаванне да беларускіх удзельнікаў — каб творы пралазілі ва ўваходныя дзверы.

Куратар галерэі "Дом карцін" Вольга Кліп перакананая, што ў Беларусі, і ў Мінску ў прыватнасці, жыве нашмат больш мастакоў, чым мы можам бачыць на выставах, таму запрашае да ўдзелу ўсіх.

"Па-за залежнасці ад полу, узросту, сацыяльнага статусу і веравызнання, прыналежнасці або не да мастацкіх саюзаў, наяўнасці або адсутнасці адукацыі і іншага", — растлумачылі ў "Доме карцін".

Да ўдзелу ў выставе прымаюцца творы выяўленчага мастацтва, у тым ліку, з выкарыстаннем новых медыя, а таксама аўдыёвізуальныя і відовішчныя віды мастацтва для дэманстрацыі ў дні працы выставы.

"Пераканаўчая просьба да аўтараў — работы, якія прадугледжваюць мацаванне да сцяны, павінны быць забяспечаныя падвеснай сістэмай (завесы, гаплікі, вяроўкі, інш.)", — Папярэдзілі ў "Доме карцін".

Выстава адкрыецца 1 лютага ў 18:00, а работы будуць прымацца з 29 па 31 студзеня з 12:00 да 21:00 у галерэі "Дом Карцін" (пр. Пераможцаў, 89/3).

8
Тэги:
Выстава, Галерея "Дом картин", Мінск
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр

Этапы павышэння пенсійнага ўзросту і мінімальнага страхавога стажу ў Беларусі

311
(абноўлена 17:39 26.01.2021)
Тэрміны дасягнення пенсійнага ўзросту беларускімі грамадзянамі ў гады правядзення пенсійнай рэформы - у інфаграфіцы Sputnik.
Павышэнне пенсійнага ўзросту ў Беларусі | Інфаграфіка sputnik.by
© Sputnik Беларусь / Інфаграфіка

У 2021 годзе ў Беларусі праводзіцца чарговае павышэнне пенсійнага ўзросту на шэсць месяцаў. Змены закранулі мужчын, народжаных у першым паўгоддзі 1959 года, і жанчын, народжаных у першым паўгоддзі 1964 года. Для іх права на атрыманне пенсіі наступіць ў першым паўгоддзі 2021 года.

Пенсійны ўзрост у Беларусі пачаў паэтапна павышацца з 2017 года. Гэты этап пенсійнай рэформы плануецца завяршыць у 2022 годзе, выйшаўшы на новую мяжу пенсійных узростаў: 63 гады для мужчын і 58 гадоў для жанчын.

У цэлым рэформа закранула мужчын 1957-1959 гадоў нараджэння і жанчын 1962-1964 гадоў нараджэння.

Таксама штогод павышаецца і мінімальны страхавы стаж - сума ўсіх перыядаў, калі грамадзянінам вырабляліся страхавыя ўзносы ў ФСАН. У 2021 годзе ён складае 18 гадоў.

У інфаграфіцы Sputnik - тэрміны дасягнення пенсійнага ўзросту беларускімі грамадзянамі ў гады правядзення пенсійнай рэформы і этапы павышэння мінімальнага страхавога стажу.

311
Тэги:
Пенсіі, Беларусь