Відэа

Дар'я Чарнова прадставіць Беларусь на вакальным конкурсе "Ты супер!"

Падпісацца
Сумесны праект тэлеканала НТБ і інфармацыйнага агенцтва і радыё Sputnik "Ты супер!" стартуе 11 лютага, у ім возьмуць удзел таленавітыя дзеці, якія засталіся без апекі бацькоў.

Беларусь на міжнародным вакальным конкурсе прадставяць дзве дзяўчыны — Дар'я Чарнова і Анастасія Краўчэня.

У ходзе папярэдніх кастынгаў адной з дзвюх удзельніц конкурсу ад Беларусі стала Дар'я Чарнова, студэнтка першага курса Беларускага дзяржаўнага эканамічнага ўніверсітэта.

У размове з карэспандэнтам Sputnik Даша распавяла, што марыць адкрыць школу для дзяцей-сірот.

"Я ўжо гадоў з дзесяці дакладна ўяўляла, чым хачу займацца — хачу адкрыць дзіцячую школу, дзе дзеці маглі б займацца вакалам, харэаграфіяй, сцэнічным майстэрствам, журналістыкай. Прычым гэта школа не толькі для звычайных дзяцей, але і для сірот, хто па пэўных прычынах не мае магчымасцяў для самаразвіцця", — падзялілася са Sputnik Даша Чарнова і дадала, што адчувае вялікую адказнасць і пастараецца годна прадставіць нашу краіну на конкурсе.

Больш даведацца пра Дашу вы можаце з відэа Sputnik Беларусь.

Праект НТБ "Ты супер!" дорыць шанец таленавітым дзецям, якія апынуліся без апекі бацькоў, заявіць пра сябе: яго ўдзельнікамі стануць выхаванцы дзіцячых дамоў, школ-інтэрнатаў і дзеці з прыёмных сем'яў.

Музычныя таленты будуць прадстаўлены дзецьмі з дзевяці краін, уключаючы Арменію, Беларусь, Грузію, Малдову, Казахстан, Кыргызстан і Эстонію.

Вядучым праекта будзе Вадзім Такмянёў. У рамках праекта з удзельнікамі будуць працаваць прафесійныя педагогі і музычны прадзюсар. Таксама на працягу ўсяго шоу дзеці змогуць працягнуць навучанне па школьнай праграме.

Стужка навiн
0