Якар

Па вадзе з Брэста ў Мазыр: "Белая Русь" рыхтуецца прыняць турыстаў

11
(абноўлена 09:56 31.01.2017)
Прадпрыемства "Дняпроўска-Бугскі водны шлях" завяршае аснашчаць і пераабсталёўваць цеплаход. Турыстам абяцаюць паказаць беларускія замкі, музеі і вясковую прыгажосць.

МІНСК, 30 сту — Sputnik. Рэспубліканскае прадпрыемства "Дняпроўска-Бугскі водны шлях" у канцы красавіка 2017 года плануе запусціць новы турыстычны маршрут, для чаго завяршае аснашчэнне круізнага цеплахода, паведаміў Sputnik генеральны дырэктар прадпрыемства Мікалай Кацецкі. 

"Ужо практычна завершаны ўсе работы па пераабсталяванні цеплахода. Ён называецца "Белая Русь", мы пераабсталявалі для круізных мэт цеплаход тэхнічнага флоту", — распавёў Кацецкі.

Паводле яго слоў, цяпер прадпрыемства заканчвае камплектацыю судна мэбляй, прадметамі ўжытку, выратавальнымі сродкамі. Чакаецца, што першых пасажыраў судна прыме ў канцы красавіка.

Кацецкі распавёў, што прадпрыемства распрацавала маршрут: турысты адправяцца ў плаванне з Брэста. За восем дзён і сем начэй плавання пасажырам пакажуць прыгажосці беларускага Палесся, яны наведаюць Кобрын, Моталь, пазнаёмяцца з радавым гняздом Дастаеўскіх, два дні правядуць у Пінску, далей пабачаць старажытны Тураў і высадзяцца на бераг у Мазыры.

"Цеплаход будзе плыць у асноўным у начны час, дзённы час будзе аддадзены прагулкам, аглядам беларускіх славутасцяў, пікнікам на свежым паветры", — распавёў Кацецкі.

Паводле яго слоў, на цеплаходзе абсталявана два нумары класа "люкс", якія названы ў гонар беларускіх класікаў Янкі Купалы і Якуба Коласа, нумары аформлены ў беларускай народнай стылістыцы.

"На сённяшні дзень ужо выкуплена каля паловы тураў. У нас ёсць турыстычныя фірмы-агенты, якія займаюцца прасоўваннем гэтага маршруту і прамым продажам тураў у Маскве і Санкт-Пецярбургу", — дадаў гендырэктар.

11
Тэги:
Турызм, Тураў, Пінск, Брэст
По теме
Турыстаў з ААЭ цікавіць у Беларусі медыцынскі і паляўнічы турызм
Мінск, Гродна і Полацк - цэнтры турызму міжнароднага значэння
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

14
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

14
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

50
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

50
Тэги:
Мінск, Тэатр

Самаізаляцыя па прыездзе ў Беларусь: прыбыўшы з якіх краін, трэба выконваць каранцін

144
(абноўлена 18:15 01.03.2021)
Пералік краін, па прыездзе з якіх у Беларусь неабходна знаходзіцца ў хатняй самаізаляцыі 10 дзён - у інфаграфіцы Sputnik.
COVID-19: каму тых, хто прыязджае ў РБ, трэба самаізалявацца
© Sputnik

Абноўлена: актуальна з 2 снежня 2020 года.

25 сакавіка Саўмін прыняў пастанову №171, паводле якой асобы, якія прыбылі з краін з зарэгістраванымі выпадкамі COVID-19, павінны знаходзіцца ў самаізаляцыі 14 каляндарных дзён (з кастрычніка - 10 дзён). Спіс перыядычна абнаўляецца: беларускае Міністэрства аховы здароўя альбо выключае пэўныя краіны з абмежавальнага спісу, альбо дадае іх зноў.

З 3 лістапада пачынае дзейнічаць новая рэдакцыя пераліку краін "чырвонай зоны", пад абмежаванні трапляюць прыбылі з 138 дзяржаў.

З 3 снежня ў пералік уключаны 8 краін:

  • Аўстрыйская Рэспубліка
  • Азербайджанская Рэспубліка
  • Венгрыя
  • Грэчаская Рэспубліка
  • Грузія
  • Рэспубліка Сербія
  • Турэцкая Рэспубліка

У інфаграфіцы Sputnik - карта і спіс краін, па прыездзе з якіх у Беларусь неабходна знаходзіцца ў самаізаляцыі 10 дзён, а таксама краін, на якія прыбылі з якіх гэтыя абмежаванні не распаўсюджваюцца.

144
Тэги:
каронавірус, Беларусь