Памятник Максиму Богдановичу

Музей Максіма Багдановіча запрашае на "Дзень гімназіста"

42
(абноўлена 10:14 31.01.2017)
Музей прапануе прымерыць форму гімназістаў часоў юнацтва класіка беларускай паэзіі. Таксама можна зрабіць сэлфі на фоне аднаго з класаў Яраслаўскай гімназіі.

МІНСК, 31 сту — Sputnik. Дзяржаўны музей гісторыі беларускай літаратуры Літаратурны музей Максіма Багдановіча запрашае на мастацка-дакументальную выставу "Дзень гімназіста".

Новая частка экспазіцыі прапануе наведвальнікам:

  • новыя факты жыццёвай біяграфіі беларускага паэта, якія тычацца атрымання класічнай гімназічнай адукацыі;
  • каштоўныя экспанаты з фондаў Літаратурнага музея Максіма Багдановіча, у тым ліку рукапісы, сшыткі, атэстаты сталасці Багдановіча, яго братоў і сясцёр, пісьмовыя прылады, падручнікі і кнігі, якія выкарыстоўваліся пры навучанні ў прыходскіх вучылішчах, школах і гімназіях;
  • невядомыя дагэтуль фотаздымкі выкладчыкаў, аднакласнікаў і сяброў Багдановіча, практычны вынік навукова-пошукавай дзейнасці супрацоўнікаў Літаратурнага музея Максіма Багдановіча.

Арганічнай часткай выставы з'яўляюцца інтэр'ерныя куткі "Пакой Максіма і Льва Багдановічаў", "Кабінет Вярыгіна М. А., дырэктара Яраслаўскай мужчынскай гімназіі".

Таксама ў музеі арганізавана інтэрактыўная зона — у юных наведвальнікаў ёсць магчымасць апрануцца ў форму, якую насілі гімназісты і гімназісткі сто гадоў назад, пасядзець за старой партай, сфатаграфавацца на фоне аднаго з класаў Яраслаўскай гімназіі.

Максім Багдановіч (1891 — 1917) — геніяльны паэт, таленавіты празаік, крытык, публіцыст, перакладчык, журналіст. Надзвычай шырокі дыяпазон творчасці, грунтоўнае веданне сусветнай і нацыянальнай літаратуры, гісторыі і культуры тлумачыцца рознымі прычынамі, у тым ліку і тым, што пісьменнік атрымаў класічную гімназічную адукацыю.

У 1902 годзе Максім Багдановіч паступіў вучыцца ў Ніжагародскую мужчынскую гімназію, у 1909 — 1911 гг. вучыўся ў Яраслаўскай мужчынскай гімназіі. І ў Ніжнім Ноўгарадзе, і ў Яраслаўлі працавалі выбітныя настаўнікі, пад час навучання Багдановіч знайшоў сапраўдных сяброў — Дзіядора Дзябольскага, Мікалая Какуева, Сяргея Арлеанскага, стасункі з якімі ён працягваў і пасля атрымання атэстата сталасці.

Адрас: г. Мінск, вул. М. Багдановіча, 7а (Траецкае прадмесце).

Час працы: з 10:00 да 19:00 (каса — да 18:30), без выходных і канікулаў.

42
Тэги:
музей, Паэзія, Літаратурны музей Максіма Багдановіча, Максім Багдановіч, Мінск, Беларусь
По теме
Акцыя да 125-годдзя Багдановіча: студэнты ў Мінску чыталі вершы паэта
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр
Старшыня Камісіі па спартыўным праве Асацыяцыі юрыстаў Расіі, доктар юрыдычных навук, прафесар Сяргей Аляксееў

Мінск можа аспрэчыць рашэнне IIHF пра перанос хакейнага чэмпіянату - эксперт

2
(абноўлена 16:08 19.01.2021)
Рашэнне IIHF парушае статут арганізацыі і многія міжнародныя дакументы ў галіне спорту, беларускі бок павінен запатрабаваць кампенсацыі ўжо панесеных страт на арганізацыю першынства, лічыць расійскі юрыст Сяргей Аляксееў.

МІНСК, 19 сту – Sputnik. Рашэнне савета Міжнароднай федэрацыі хакея (IIHF) парушае статут арганізацыі, а таксама іншыя міжнародныя дакументы, заявіў старшыня камісіі па спартыўным праве Асацыяцыі юрыстаў Расіі Сяргей Аляксееў, каментуючы адмену федэрацыяй правядзення ЧС у Мінску. Ён падкрэсліў, што рашэнне можна абскардзіць у Спартыўным арбітражным судзе (CAS).

Таксама юрыст зазначыў, што беларускі бок можа запатрабаваць кампенсацыі страт, якія панесены пры арганізацыі чэмпіянату. Калі Мінск дакументальна пацвердзіць расходы, тады ёсць шанец гэтыя сродкі спагнаць.

"Гэта паспешлівае рашэнне, непрадуманае і юрыдычна непрапрацаванае. Яно можа негатыўна адбіцца і на маральным стане спартсменаў, можа дэмаралізаваць беларускіх спартсменаў", - дадаў ён.

Аляксееў удакладніў, што IIHF прыняла чыста палітычнае рашэнне.

"Рашэнне IIHF, прынятае па навядзенні членаў Еўрапарламента, уяўляе элемент ціску на "непаслухмяныя" краіны, якія паказваюць добрыя вынікі ў спорце", - адзначыў ён.

Эксперт упэўнены, што трэба дамагацца аргументаванага адказу МАК па прынятаму рашэнню, "каб спадзявацца не на сілу палітычнай кан'юнктуры і рэверансаў, а на сілу прававых нормаў, якія дзейнічаюць у сферы спартыўнага і алімпійскага руху".

Што не так з чэмпіянатам

Чэмпіянат свету па хакеі планавалі правесці ў сталіцах Беларусі і Латвіі. У панядзелак, 18 студзеня, Міжнародная федэрацыя хакея абвясціла, што Мінск пазбаўлены права на правядзенне мерапрыемства.

Рашэнне IIHF патлумачыла тым, што ў краіне існуюць праблемы з бяспекай з-за палітычнай сітуацыі, якая склалася. Таксама ёсць пытанні, звязаныя з пандэміяй каронавіруса.

Нагадаем, што раней Мінск заяўляў аб поўнай гатоўнасці правесці ЧС сваімі сіламі, калі Рыга адмовіцца ад сумеснай арганізацыі форуму. Цяпер статус Латвіі як суарганізатара чэмпіянату не вядомы, рашэнне па гэтым пытанні будзе разглядаць федэрацыя ў бліжэйшыя дні.

Што тычыцца кампенсацыі, Міжнародная федэрацыя хакея паабяцала выплаціць яе Беларусі, як толькі ўсе пытанні па канчатковым правядзенні форуму будуць вырашаны.

У Мінску ўжо выказалі шкадаванне з прычыны адмены чэмпіянату. Як заявіў старшыня Федэрацыі хакея Беларусі Дзмітрый Баскаў, турнір 2021 года быў бы праведзены не горш, чым у 2014 годзе. Паводле яго слоў, форум прыцягнуў бы ў краіну тысячы балельшчыкаў і журналістаў, якія "на свае вочы ўбачылі б прыгажосці Беларусі і пераканаліся ў бяспецы краіны".

Чытайце таксама:

2
Тэги:
Хакей, Беларусь, Чэмпіянат свету па хакеі 2021 года