МІНСК, 15 лют — Sputnik. 18 лютага НТБ пакажа працяг адборачных выпрабаванняў міжнароднага вакальнага конкурсу "Ты супер!". Новы праект тэлеканала дае шанец юным вакалістам, якія засталіся без апекі бацькоў, заявіць пра сябе.
Самае галоўнае для канкурсантаў у першых турах — справіцца з хваляваннем перад выхадам на вялікую сцэну. Але гэта дакладна не трывожыць Дэніэла Чыжэўскага з Казані. 16-гадовы малады чалавек яшчэ з першых рэпетыцый у падмаскоўным санаторыі паводзіў сябе, як славуты артыст.
На сцэну шоу "Ты супер!" ён выйшаў бліснуць не толькі талентам. Перад членамі журы і гледачамі ў студыі ён паўстаў у пераліўным пінжаку і са стыльнай укладкай, прама як кароль айчыннай поп-сцэны Філіп Кіркораў.
Калі ж да Чыжэўскага выйшаў сам Філіп Бядросавіч, спачатку ўпэўнены ў сабе хлопец разгубіўся. Філіп Кіркораў паспяшаўся падтрымаць канкурсанта: "Артыст павінен быць Нарцысам! А як інакш? Сам сябе не палюбіш — ніхто не палюбіць!".
Ну а калі натхнёны вакаліст і яго кумір выканалі разам хіт з рэпертуару Кіркорава, усім стала відавочна: хутка ў народнага артыста можа з'явіцца дастойная замена.
Ці застанецца ў шоў "Ты супер!" новы поп-кароль, даведаемся 18 лютага ў 20:00 на НТБ. Нагадаем, што партнёрам конкурсу маладых вакалістаў стала міжнароднае інфармацыйнае агенцтва і радыё Sputnik.
Ад Беларусі ў конкурсе прымаюць удзел Дар'я Чарнова з Мінска і Анастасія Краўчэня з Калінкавічаў. Музычнае шоу праводзіцца пры падтрымцы міністэрства адукацыі і навукі Расіі.
Міжнароднае інфармацыйнае агенцтва і радыё Sputnik з'яўляецца партнёрам праекта і ўважліва сочыць за поспехамі таленавітых дзяцей — чытачы змогуць даведацца аб выніках конкурсу ў фармаце анлайн-дзённікаў і прамых трансляцый шоу на сайтах агенцтва.
