Навуковы рынг вызначыць лепшых сярод маладых папулярызатараў навукі

© Sputnik / Александр Кряжев / Перайсці ў медыябанкУстаноўкi для вывучэння плазмы
Устаноўкi для вывучэння плазмы - Sputnik Беларусь
Падпісацца
Лепшыя маладыя папулярызатары навукі выйдуць на "Навуковы рынг" у фінале праекта.

МІНСК, 21 лют — Sputnik. У Мінску 24 лютага адбудзецца фінал спаборніцтваў "Навуковага рынга" — першага ў Беларусі праекта ў фармаце навуковых баёў, дзе ўдзельнікі наглядна і даступна тлумачаць сутнасць сваіх даследаванняў і распрацовак са сцэны.

Як паведамілі ў прэс-службе НАН Беларусі, маладыя даследчыкі прадставяць такія навуковыя вобласці, як медыцынская біяфізіка, энергетыка, генетыка, тэарэтычная фізіка, транспланталогія, машынабудаванне, неанаталогія і медыцына.

Першы фестываль навукі ў ВНУ доўжыўся амаль год, асноўнай яго задачай было паказаць, што ў навуцы можа быць цікава - Sputnik Беларусь
"Разумны дом" і ядомая ўпакоўка: дасягненні маладых навукоўцаў

Удзельнікам баёў неабходна за 10 хвілін без традыцыйных тэзісаў і прэзентацый, з дапамогай любых наглядных матэрыялаў прадэманстраваць сутнасць сваёй працы, а затым адказаць на пытанні залы.

У навуковых баях прымуць удзел прадстаўнікі Акадэміі навук Беларусі, спецыялісты ВНУ і навуковых падраздзяленняў устаноў аховы здароўя.

Унікальнасць праекта "Навуковы рынг" заключаецца ў тым, што ў ходзе яго аўдыторыя гледачоў атрымлівае магчымасць не толькі азнаёміцца з развіццём навукі ў цэлым, але і даведацца аб знакавых даследаваннях, тэхналогіях і распрацоўках айчынных спецыялістаў.

У якасці рэферы навуковых баёў выступіць вядомы шоумэн і тэлевядучы Яўген Булка.

Таксама для наведвальнікаў баёў выступіць гурт "VURAJ", які эксперыментуе з беларускім фальклорам, злучаючы яго з элементамі розных стыляў сучаснай музыкі.

Як трапіць: уваход на мерапрыемства бясплатны, з рэгістрацыяй па спасылцы.

Дзе: у Парку высокіх тэхналогій (г. Мінск, вул. Купрэвіча, 1/5).

Калі: 24 лютага з 18:00 да 21:00.

Стужка навiн
0