Кадр з фільма Месяцовае святло

"Месяцовае святло": пра што і для каго галоўны фільм года?

9
(абноўлена 12:16 27.02.2017)
Аўтар фільма-трыўмфатара 89-й прэміі "Оскар" Бары Джэнкінс раней не быў адзначаны ўзнагародамі, а ў яго фільмаграфіі - усяго некалькі работ.

МІНСК, 27 лют — Sputnik. Драматычны фільм "Месяцовае святло" атрымаў узнагароду як "лепшы фільм" падчас узнагароджання прэміі "Оскар", а таксама дзве іншыя ўзнагароды — за лепшы адаптаваны сцэнарый і мужчынскую ролю другога плана.

Чарговая цырымонія ўзнагароджання прэміяй "Оскар" адбылася ў ноч з нядзелі на панядзелак па беларускім часе ў Лос-Анджэлесе. Больш за ўсё ўзнагарод сёлета ўзяў мюзікл "Ла-ла Лэнд" (6 статуэтак), аднак галоўны прыз атрымала драма "Месяцовае святло". Sputnik распавядае пра сюжэт, вартасці і недахопы фільма. 

Сюжэт, акцёры і рэжысёр "Месяцовага святла"

Карціна распавядае пра гісторыю сталення чарнаскурага хлопчыка з амерыканскага гета. Галоўны герой не толькі шукае сваё месца пад сонцам, але і праходзіць праз усведамленне ўласнай гомасэксуальнасці.

"Месяцовае святло" падзелены на тры главы — пра дзяцінства, юнацтва і дарослае жыццё персанажа. Кожная з частак мае свой завершаны мікра-сюжэт — з завязкай, кульмінацыяй і іншымі неабходнымі атрыбутамі. Што характэрна, галоўная роля ў фільме — зусім не ў тых, хто іграе цэнтральнага персанажа, а ў тых, хто задзейнічаны ў вобразе яго дарослага сябра-наркагандляра (Махершала Алі) і маці (Наомі Харыс). Але ўсё роўна Алі атрымаў узнагароду як лепшы акцёр другога плана. Да гэтага ён быў вядомы па серыяле "Картачны домік".

Рэжысёрам і сцэнарыстам "Месяцовага святла" выступіў Бары Джэнкінс — яму ўсяго 38 гадоў, і ў "скарбонцы" ў яго значных узнагарод раней не было. У спісе работ Джэнкінс — некалькі незаўважаных фільмаў і серыялаў, аднак пасля "Оскара" яго кар'ера відавочна пойдзе ў гару.

"Месяцовае святло": водгукі і за што далі "Оскар"

Калі памятаеце, у мінулым годзе кінаакадэмікаў абвінавацілі ў расізме — занадта мала было фільмаў-намінантаў з чарнаскурымі акцёрамі або рэжысёрамі. А ўжо ў гэтым годзе лепшым фільмам становіцца фільм з выключна цемнаскурымі акцёрамі, рэжысёрам і праблематыкай "з гета". Цікавае супадзенне, ці не праўда?

З іншага боку, "Месяцовае святло" атрымаў у гледачоў і крытыкаў пераважна станоўчыя водгукі — стужка не прыцягнула вялікай увагі публікі, але фільм і не павінен быў быць масавым. Камерная сацыяльная драма — далёка не "50 адценняў шэрага", і на тысячы распрададзеных білетаў у кінатэатрах ніхто не разлічваў. Важна і адрозненне "Месяцовага святла" ад "Ла-ла Лэнда" — мюзікл апынуўся для кінаакадэмікаў занадта лёгкім і, хай гэта дзіўна гучыць, музычным. І паміж музычнай драмай аб летуценніках з Галівуда журы "Оскара" выбрала сацыяльную — аб летуценніку з глыбінкі ЗША.

"Месяцовае святло" ідзе толькі ў некалькіх мінскіх кінатэатрах: паглядзець яго можна ў Falcon Club або залах Silver Screen.

9
Тэги:
"Месяцовае святло", кінапрэмія "Оскар", ЗША
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

23
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

23
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Гуканне вясны

Музейны комплекс Дудуткі запрашае на таямнічае Гуканне вясны

26
(абноўлена 18:17 25.03.2021)
Наведвальнікаў свята чакаюць старажытныя гукальные песні, шматлікія майстар-класы, абрадавыя гульні і вясеннія карагоды.

МІНСК, 25 сак – Sputnik. Пакаштаваць здобнае традыцыйнае печыва у выглядзе вясенніх птушачак і разам з усімі упрыгожыць стужкамі жаданняў дрэвы запрашае Музейны комплекс старадаўніх рамёстваў і тэхналогій "Дудуткі".

Штогод Дудуткі адчыняюць сваю браму для усіх прыхільнікаў народнай творчасці, закаханых у таямніцу веснавых абардаў. Таксама і ў гэты раз гасцей чакае зачаравальнае і аўтэнтычнае свята "Гуканне Вясны"!

З дапамогай сапраўдных знаўцаў традыцый беларускай культуры наведвальнікі змогуць прыняць удзел у старадаўніх танцах і гульнях, паспрабаваць свае здольнасці ў святочным роспісе па дрэве.

Гуканне вясны
© Sputnik Альфрэд Мікус
Саламяная птушка - сімвал абуджэння прыроды!

Таксама ўсім жадаючым будзе прапанавана ўласнымі рукамі зрабіць з саломкі гукальную птушку – сімвал абуджэння прыроды і надыходзячай вясны. А каб выгуканым птушачкам было дзе жыць і спяваць, арганізатары свята падрыхтавалі адмысловае тэатралізаванае дзейства-інтэрактыў – вывешванне шпакоўняў.

Сумаваць сапраўды не прыйдзецца, бо на працягу ўсіх народных гулянняў чакаюцца выступленні вядомых беларускіх творчых калектываў – фолк-этна гурта "GUDA", Народнага сямейнага ансамбля "Жывіца" і этнаграфічнага клуба "Кола" з танцавальна-гульнявой праграмай.

А для самых малых гасцей мерапрыемства будуць працаваць інтэрактыўныя пляцоўкі, дзе можна будзе зрабіць аквагрым і падзівіцца на забавы з паветранымі шарамі.

Увогуле, усе наведвальнікі свята змогуць адчуць самыя яскравыя пачуцці ад адраджэння найцікавейшых звычаяў беларускай архаічнай культуры і прыняць удзел у пазітыўным вясновым народным абрадзе!

А першых 100 наведвальнікаў чакае традыцыйны святочны пачастунак - здобныя вясновыя птушкі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 27 сакавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

26
Тэги:
карагод, Гульні, песні, свята, Гуканне вясны, Дудуткі, Музейны комплекс "Дудуткі"
Які сёння дзень: 11 красавіка

Які сёння дзень: 11 красавіка 2021 года

182
(абноўлена 13:14 10.04.2021)
Гэты дзень з'яўляецца сто першым па грыгарыянскім календары, да канца года засталося 264 дні.

Сёння адзначаецца Міжнародны дзень вызвалення вязняў нацысцкіх канцлагераў. Якія яшчэ падзеі адбыліся 11 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 11 красавіка

  • У 1611 годзе пачалася аблога паўстанцамі ў Маскве гарнізону цара Уладзіслава Вазы.
  • У 1927 годзе была прынятая Канстытуцыя БССР.
  • У 1945 годзе адбылося вызваленне амерыканскімі войскамі вязняў Бухенвальда.
  • У 2011 годзе адбыўся выбух у мінскім метрапалітэне на станцыі "Кастрычніцкая".

Хто нарадзіўся 11 красавіка

  • 1942 год: Пётр Шарыпа, беларускі жывапісец, педагог.
  • 1959 год: Сяргей Астравец, беларускі пісьменнік, эсэіст.
  • 1965 год: Алег Молчан, беларускі кампазітар, прадзюсар, грамадскі дзеяч.

Таксама сёння нарадзіліся нарвежскі скульптар Густаў Вігеланд і англійскі ўрач-хірург Джэймс Паркінсон.

11 красавіка ў народным календары

Сёння праваслаўныя вернікі шануюць памяць святапакутніка Марка, епіскапа Арафусійскага.

У гэты дзень людзі хадзілі ў лес, абдымалі бярозы і прыслухоўваліся, як у іх ідзе сок. Калі сока шмат, хутка пацяплее.

Лічылася, што якое надвор'е 11 красавіка, такое будзе і 11 кастрычніка. Калі лісце спачатку з'явілася на бярозе, лета будзе цёплым, на алешыне – дажджлівым. Сарокі нізка робяць гнёзды – летам будзе шмат навальніц.

182
Тэги:
народны каляндар, які сёння дзень