Валянцін Елізар'еў

"Рэпартаж з сучаснага": Валянцін Елізар'еў рыхтуецца да юбілею

24
(абноўлена 13:48 14.03.2017)
Фотавыстава, прысвечаная легендарнаму харэографу і балетмайстру Валянціну Елізар'еву, адкрыецца 30 сакавіка ў галерэі "Універсітэт культуры" ў Мінску.

МІНСК, 13 сак — Sputnik. Выстава, прысвечаная творчай дзейнасці балетмайстра і харэографа Валянціна Елізар'ева, адкрыецца 30 сакавіка ў мінскай галерэі "Універсітэт культуры".

Работы маладога фатографа Мікіты Фядосіка паказваюць Елізар'ева за працай — з танцоўшчыкамі, са студэнтамі, разважаючым над спектаклямі — простыя моманты, падгледжаныя ў самім жыцці. Адсюль і назва: "Валянцін Елізар'еў: рэпартаж з цяперашняга часу".

Выстава — адно з мерапрыемстваў, прысвечаных юбілею маэстра. Восенню Народны артыст СССР Валянцін Елізар'еў адсвяткуе 70-годдзе.

Елизарьев в ходе репетиции с артистами балета
© Photo : из архива Валентина Елизарьева
Елізар"еў падчас рэпетыцыі з артыстамі балета

Яго ўклад у мастацтва Беларусі складана пераацаніць, бо з яго імем звязана само стварэнне нашага балета. Ён прыехаў у Мінск пасля Ленінградскай кансерваторыі яшчэ ў пачатку 70-х. Думаў што ненадоўга, але так атрымалася, што затрымаўся на ўсё жыццё. 36 гадоў прапрацаваў у Вялікім тэатры оперы і балета Беларусі — спачатку мастацкім кіраўніком, а потым і дырэктарам.

Ён стаў родапачынальнікам беларускага балета, менавіта з пастановак Елізар'ева пра яго загаварылі як пра сапраўдную культурую з'яву.

На сцэне Вялікага тэатра Беларусі Елізар'еў паставіў каля 20 пастановак. Ужо яго першы балет — "Кармэн-сюіта" (яго Елізар'еў паставіў усяго ў 26) — стаў сапраўднай сенсацыяй. Балеты "Стварэнне свету", "Тыль Уленшпігель", "Спартак", "Шчаўкунок", "Карміна Бурана", "Балеро", "Вясна святая", "Рамэа і Джульета", "Страсці (Рагнеда)", "Жар-птушка" і іншыя — сапраўдныя шэдэўры харэаграфічнага мастацтва, якія да гэтага часу застаюцца візітнай карткай нашага балета.

"Танец — гэта частка маёй свядомасці, цела, маёй душы, сэрца, таму я, натуральна, бачу свет праз прызму маёй прафесіі", — кажа Валянцін Мікалаевіч аб сваім светаадчуванні.

Валентин Елизарьев на репетиции в театре
© Photo : из архива Валентина Елизарьева
Валянцін Елізар"еў на рэпетыцыі ў тэатры

Зараз Елізар'еў з'яўляецца прафесарам Беларускай дзяржаўнай акадэміі музыкі. Пасля сыходу з Вялікага тэатра Беларусі ён прысвяціў сябе педагогіцы, яго вучні — лаўрэаты міжнародных конкурсаў. Ён ставіць пастаноўкі ў вядучых тэатрах Еўропы, Японіі, Кітая, краін Блізкага Ўсходу.

На выставе будуць прадстаўлены 54 фатаграфіі, якія фатограф зрабіў падчас навучальнага працэсу, у рэальным часе і ў рэальных умовах балетнай залы.

Адкрыццё выставы адбудзецца 30 сакавіка ў 17.00, яна будзе доўжыцца да 13 красавіка 2017 года.

24
Тэги:
выстава, фота, Валянцін Елізар'еў, Мінск
По теме
Елізар'еў: у маім лёсе Расія адыграла вырашальную ролю
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

10
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

10
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

48
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

48
Тэги:
Мінск, Тэатр
Паэт Якуб Колас - Народны паэт Беларускай ССР

Тэст: ці пазнаеце вы беларускіх паэтаў і пісьменнікаў па вачах?

343
(абноўлена 16:49 27.11.2020)
Кажуць, што вочы - люстэрка душы. Прайдзіце тэст і даведайцеся, наколькі добра ведаеце вы беларускіх літаратараў у твар.

Упэўненыя, што беларускую літаратуру вы ведаеце добра, а вось ці пазнаеце вы аўтараў родных твораў па іх позірках? Sputnik прапануе ўважліва зазірнуць у вочы знакамітых літаратурных дзеячаў Беларусі і паспрабаваць успомніць, хто намаляваны на фотаздымку. 

Чытайце таксама:

343
Тэги:
тэст, Беларуская літаратура