Шагал, Суцін і Бакст упершыню ў Мінску пад адным дахам
(абноўлена 15:14 13.04.2017)
У Мінску ўпершыню ў адкрытым доступе будуць прадстаўлены карціны самых вядомых беларускіх мастакоў, а экспазіцыю мяркуецца змяняць з дапамогай каментароў і сэлфі.МІНСК 13 крас — Sputnik. У Мінску ў Палацы мастацтваў з 14 красавіка адкрываецца пастаянна дзеючая галерэя праекта "Арт-Беларусь".
У Беларусі ўпершыню ў рамках аднаго арт-праекта ў рамках адзінай экспазіцыі выстаўлены больш за 50 твораў беларускага мастацтва з карпаратыўнай калекцыі Белгазпрамбанка.
Суцін у працоўным кабінеце
Сярод экспануемых аўтараў — майстры сусветнага ўзроўню Марк Шагал, Хаім Суцін, Леон Бакст, Восіп Цадкін, Міхаіл Кікоін, Фердынанд Рушчыц, Валенцій Ваньковіч і іншыя.
Прэзентуючы ўнікальную выставу, кіраўнік Белгазпрамбанка Віктар Бабарыка падкрэсліў, што "ўпершыню ў адкрытым доступе і на пастаяннай аснове ў Беларусі ўтвараецца кропка, дзе сабраны самыя значныя імёны беларускага мастацтва".
©
Sputnik Артем Бордовский
Карціна Хаіма Суціна "Ева"
"Многія думаюць, што Суцін вісіць у маім кабінеце і я кожны дзень на яго гляджу. Ужо не вісіць, ён тут, Цадкін і ўсе астатнія", — пажартаваў Бабарыка.
Паводле яго слоў, усе, хто наракаў, што не можа пісаць пра Шагала, не ўбачыўшы яго на ўласныя вочы, могуць прыйсці на выставу і паглядзець.
©
Sputnik Артем Бордовский
Карціна Марка Шагала "Закаханыя"
Бясплатны wi-fi і сэлфі
Куратар карпаратыўнай калекцыі банка Аляксандр Зіменка распавёў, што "на сённяшні дзень у калекцыі банка знаходзіцца больш за 110 твораў мастацтва, тут вы бачыце крыху менш за палову".
Паводле яго слоў, пад час працы над экспазіцыяй было вырашана трохі пахуліганіць і адмовіцца ад храналагічнага прынцыпу фарміравання экспазіцыі. Выстава сабрала самыя значныя творы з калекцыі.
©
Sputnik Артем Бордовский
Виктор Бабарико на открытии проекта
Аляксандр Зіменка адзначыў, што выстава накіравана на шырокага гледача, але акцэнт робіцца на моладзь у першую чаргу, для гэтага прадугледжаны максімальны інтэрактыў ад бясплатнага wi-fi да ратацыі калекцыі ў залежнасці ад каментароў і колькасці сэлфі з працамі майстроў.
Імёны, якімі варта ганарыцца
"Мы хочам паказаць, што ў Беларусі ёсць імёны, якімі варта ганарыцца. Для таго, каб атрымаць асалоду ад выдатных твораў мастацтва не трэба ехаць у Вільнюс, Маскву, Берлін, Парыж, а можна проста прыехаць у Палац мастацтваў", — падкрэсліў куратар калекцыі.
©
Sputnik Артем Бордовский
"Малая падарожная кніга" і "Жазло праўлення"
У далейшым, па яго словах, экспазіцыя выставы стане пляцоўкай правядзення самых розных культуралагічных праектаў, пачынаючы ад дэманстрацыі фільмаў, розных майстар-класаў і дыскусій, да 3D кніжнай майстэрні Францыска Скарыны, дзе можна будзе не толькі даведацца, як друкавалася першая беларуская кніга, але і паспрабаваць выканаць квэст.
Тэги:
Што яднае Якуба Коласа і Амар Хайяма?
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове". Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.
У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.
Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.
Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.
Дзе: Дзяржаўны літаратурна-мемарыяльны музей Якуба Коласа
Калі: 18 траўня
Тэги:
Дудары, файер-шоу і ірландскія танцы: свята "Бельтайн" адкрывае фестывальны сезон
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыіМІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!
Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.
На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.
Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".
Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.
На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".
А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!
Дзе: Цэнтральны батанічны сад НАН Беларусі
Калі: 1 траўня, пачатак у 11:00
Кошт квітка: ад 6 да 12 руб.
Тэги:
Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.
Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.
"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.
Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.
Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.
З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.
Чытайце таксама:
- Фотафакт: часовы "дах" у Будслаўскім касцёле
- Помнік мітрапаліту Філарэту з'явіцца ў Мінску
- Бразільцы будуюць яшчэ адну статую Хрыста - і яна будзе вышэй ранейшай
Тэги:
Тэмы: