Фестываль Эпоха рыцарства ў Строчыцах, архіўнае фота

Фестываль "Эпоха рыцарства" пройдзе 27-28 мая

49
(абноўлена 10:32 23.05.2017)
Мэтай фестывалю арганізатары ставяць акунанне гледачоў у атмасферу заходняеўрапейскага і беларускага Сярэднявечча і знаёмства з гісторыяй.

МІНСК, 24 кра — Sputnik. Беларускі дзяржаўны музей народнай архітэктуры і побыту сумесна з клубам гістарычнай рэканструкцыі "Гівойт" зладзяць вялікі двухдзённы сярэднявечны фестываль "Эпоха рыцарства", які адбудзецца ў Мінскім раёне 27 і 28 мая.

Наведвальнікаў мерапрыемства чакае гістарычная рэканструкцыя турніраў і рыцарскіх спаборніцтваў, сярэднявечнай музыкі і танцаў, паходнага побыту.

Хэдлайнерам музычнай часткі праграмы выступіць гурт сярэднявечнай беларускай музыкі "Стары Ольса".

"У праграме фестывалю — відовішчныя паядынкі рыцараў у даспехах, масавыя баі пешых рыцараў, турнір конных рыцараў, турнір сярэднявечных лучнікаў, кірмаш рамеснікаў, выступленні музычных гуртоў, вулічнага тэатра, тэатраў сярэднявечнага танца, экскурсіі па музею, катанне на конях і анімацыі для дзяцей — распавялі арганізатары мерапрыемства.

Праграма фестывалю:

27 мая

  • 12:00 — 12:30 — урачыстае адкрыццё фестывалю, прадстаўленне ўдзельнікаў;
  • 12:30 — 12:50 — выступленне сярэднявечных танцораў;
  • 12:50 — 13:20 — выступленне сярэднявечных музыкаў;
  • 13:20 — 18:30 — турнір лучнікаў;
  • 13:40 — 15:00 — турнір пешых рыцараў;
  • 15:00 — 15:20 — выступленне сярэднявечных танцораў;
  • 15:20 — 15:50 — фінал пешага рыцарскага турніру;
  • 15:50 — 16:10 — выступленне сярэднявечных музыкаў;
  • 16:10 — 17:00 — масавыя баі рыцараў;
  • 17:00 — 17:20 — выступленне сярэднявечных танцораў;
  • 17:20 — 18:10 — коннае шоу, баі рыцараў на конях;
  • 18:10 — 18:30 — выступленне сярэднявечных танцораў;
  • 18:40 — 19:00 — цырымонія ўзнагароджання пераможцаў;
  • 19:00 — 22:00 — канцэрт сярэднявечнай музыкі, выступленне гурта "Стары Ольса";
  • 22:00 — 23:00 — сярэднявечная дыскатэка.

28 мая

  • 11:00 — 11:10 — адкрыццё другога фестывальнага дня;
  • 11:10 — 11:30 — выступленне сярэднявечных танцораў;
  • 11:30 — 12:10 — рэканструкцыя сярэднявечнага бітвы "Штурм умацаванняў";
  • 12:10 — 13:10 — турніры 5х5;
  • 13:10 — 13:30 — выступленне сярэднявечных танцораў;
  • 13:30 — 14:00 — турнір алебардыстаў;
  • 14:00 — 15:30 — "deathmatch" ад лучнікаў;
  • 15:00 — 16:30 — канцэрт сярэднявечнай музыкі;
  • 16:30 — 17:00 — цырымонія ўзнагароджання пераможцаў;
  • 17:00 — 17:30 — закрыццё фестывалю.

На працягу двух дзён на фестывальнай пляцоўцы будуць працаваць кірмашы і анімацыйныя зоны для дзяцей і дарослых, а 27 мая — яшчэ і выстава рыцарскіх даспехаў.

Фестываль "Эпоха рыцарства" пройдзе 27-28 мая ў Музеі народнай архітэкруры і побыту (Мінскі раён, в. Азярцо, 4 км ад МКАД); пачатак 27 мая а 12-й гадзіне. Кошты квіткоў: для дарослых — 15 рублёў, для школьнікаў — 8 рубёў; сямейны квіток (два дарослых і два дзіцяці) — 36 рубёў, для дзяцей да 5 гадоў — уваход вольны. 

49
Тэги:
Рыцарскі фэст, Рыцарскі турнір, Фестываль, Стыль жыцця і адпачынак, Мінскі раён, Беларусь
Тэмы:
Летнія фестывалі Беларусі-2017 (21)
По теме
Беларусь эпохі Сярэднявечча
Марат Башараў у спектаклі Граф Люксембург

Марат Башараў стане салістам мінскай Музкамедыі

29
(абноўлена 16:19 15.06.2021)
Заслужаны артыст Татарстана, лаўрэат дзяржаўнай прэміі Расіі Марат Башараў выйдзе на сцэну Беларускага дзяржаўнага акадэмічнага музычнага тэатра ў ролі Князя Базінэлі ў аперэце Ферэнца Легара "Граф Люксембург".

Вядомы акцёр і тэлевядучы стане салістам мінскага тэатра. Праўда, толькі на два дні. На сцэну Музкамедыі ён выйдзе 22 чэрвеня і 11 ліпеня. У гэтым годзе Беларускі дзяржаўны акадэмічны музычны тэатр адзначае 50-годдзе. Удзел медыйнай персоны ў аперэце "Граф Люксембург" - своеасаблівы падарунак верным прыхільнікам гэтай культурнай установы. Дарэчы, за паўстагоддзя на гэтай сцэне было пастаўлена больш за 300 разнажанравых спектакляў.

Марат Башаров в спектакле Граф Люксембург
© Photo : БГАМТ
Марат Башараў у ролі Князя Базінэлі ў аперэце Ферэнца Легара "Граф Люксембург".

Прэм'ера "Графа Люксембурга" там адбылася 25 сакавіка 2012 года. Хоць упершыню гэта аперэта была пастаўлена ў далекім 1909 у Вене. Новае тварэнне Ферэнца Легара мела вялікі поспех у сучаснікаў, не страціў сваёй актуальнасці твор і праз стагоддзе. Дзеянне ў аперэце адбываецца ў Парыжы. Менавіта ў сталіцы кахання і весялосці сустрэліся і пакахалі адзін аднаго збяднелы арыстакрат і таленавітая актрыса…

Дзе: Беларускі дзяржаўны акадэмічны музычны тэатр (г.Мінск, вул Мяснікова, 44).

Калі: 22 чэрвеня, 11 ліпеня.

Кошт квіткоў: ад 40 да 100 рублёў.

29
Тэги:
артыст, тэатр, Марат Башараў
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

41
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

41
Тэги:
музей, Якуб Колас
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

9
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

9
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь