Купальскае свята

Купальскі фестываль "Свята Сонца" пройдзе 17-18 чэрвеня ў Дудутках

85
(абноўлена 21:22 12.06.2017)
Міжнародны двухдзённы фестываль беларускай культуры сёлета будзе прысвечаны галоўнаму сімвалу Купалля – агню.

МІНСК, 26 мая — Sputnik. Фестываль аб'яднае некалькі разнапланавых мерапрыемстваў — FireShow-фестываль, канцэрт на адкрытай пляцоўцы, кірмаш рамеснікаў, абрадавыя і забаўляльныя мерапрыемствы, распавялі арганізатары фестывалю.

Асноўная мэта фестывалю — аднаўленне традыцый і абрадаў нацыянальнай беларускай культуры і, ў прыватнасці, свята Купалля.

"Пасля завяршэння асноўнай праграмы ў 01:30 мы з гасцямі фестывалю пакрочым на бераг ракі Пціч, дзе традыцыйна запалім купальскія вогнішчы і запусцім вянкі па рацэ. Будзе гучаць стражытная музыка, пад якую ўсе ахвочыя будуць прыгаць праз вогнішча", — распавялі арганізатары мерапрыемства.

Спіс асноўных мерапрыемстваў і пляцовак фестывалю "Свята Сонца":

  • фестываль агню — найвідовішчнае мерапрыемства Купальскага фэста. У межах "вогненнага" мерапрыемства выступяць каля 20 калектываў фаершчыкаў з Беларусі і іншых краін. Гледачам будуць прадстаўлены шоу лепшых вогненных тэатраў, выступленні сольных артыстаў у жанры вогненнага шоу, а таксама каскадзёраў і акрабатаў;
  • канцэртная пляцоўка, open-air канцэрт. Выступленне гуртоў folk/folk-rock/pagan і сумежных кірункаў;
  • горад майстроў — кузня, апрацоўка каменя, зброевая майстэрня, пляценне з саломкі, абрадавая лялька, ткацтва, гарбарная майстэрня, ювелірная, манетны двор;
  • купальскі кірмаш — будуць прадстаўлены вырабы традыцыйных рамесных майстэрняў: изделия традиционных ремесленных мастерских: каваныя вырабы і сярэднявечныя ўпрыгажэнні, посуд і ганчарныя вырабы, вырабы з лёну, традыцыйная адзенне, сувеніры, рэквізіт для вогненнага шоу і г. д.;
  • этна-пляцоўка — аднаўленне традыцыйных абрадаў святкавання Купалля, варожбы, пляценне і запуск вянкоў па вадзе, купальскія вогнішчы і г. д.
  • карчма — можна пакаштаваць стравы традыцыйнай беларускай кухні, узяць удзел у майстар-класах;
  • квэст па пошуку "папараць кветкі" (17 чэрвеня);  
  • "вясковая плошча" — выступленні танцавальных і музычных калектвыў, вулічных тэатраў, факіраў, перфомансы на купальскую тэматыку, майстар класы па традыцыйным танцам;
  • Інтэрактыўныя пляцоўкі — лучны і арбалетны цір, сярэднявечныя і народныя гульні, "гульні вікінгаў", шатландская пляцоўка, дзіцячая пляцоўка, пляцоўка "Героі: Балтгеймінг", настольныя гульні, скаладром і іншыя.

Музычная праграма фестывалю:

  • 16:00-16:30 — Hardwood;
  • 16:40-17:10 — BY CRY;
  • 17:20-18:00 — "Рокаш"; 
  • 18:10-19:00 — "Стары Ольса";
  • 22:10-23:00 — Irdorath;
  • 23:10-00:00 — Pawa;
  • 00:00-00:40 — Все Crazy;
  • 00:40-01:10 — Ketri; 
  • 01:10-01:50 — Племя.

17 і 18 чэрвеня 2017 на тэрыторыі фестывалю будзе дзейнічаць намётавы лагер для гасцей і ўдзельнікаў фестывалю. Можна будзе размясціцца ў намётах арганізатараў ці ўсталяваць ўласны на тэрыторыі лагера.

Намётавы лагер будзе абсталяваны ўсім неабходным: біяпрыбіральні, вада, вываз смецця, пракат мангалаў, дроў і г. д. У непасрэднай блізкасці ад намётавага лагера будуць працаваць кропкі грамадскага харчавання. У 15 метрах ад намётавага лагера — паркоўка.

Для гледачоў будуць арганізаваны аўтобусныя рэйсы па маршруце Мінск — Дудуткі — Мінск і Рудзенск — Дудуткі — Рудзенск.

Свята Купалле — старажытная земляробчае свята, звязанае з росквітам прыроды і летняй цеплыні. У абрадах гэтага беларускага свята цесна пераплецены старажытныя паганскія і больш познія хрысціянскія традыцыі.

Купальскі фестываль "Свята Сонца" пройдзе 17-18 чэрвеня ў музейным комплексе "Дудуткі"; пачатак мерапрыемстваў у 11:00; кошт квіткоў — 15 рублёў. Падрабязней пра мерапрыемства на афіцыйным сайце і ў суполцы VK. 

85
Тэги:
Фестываль, Музычныя жанры, Музейны комплекс "Дудуткі", Беларусь
Тэмы:
Летнія фестывалі Беларусі-2017 (21)
Дудуткі - Сігнал да свята

Музейны комплекс Дудуткі запрашае на сапраўдную шляхецкую Масленіцу

37
(абноўлена 11:55 06.03.2021)
Наведвальнікаў свята чакаюць старажытныя танцы, шляхецкія паядынкі на шаблях і дзідах, традыцыйныя пачастункі і адмысловае вогнішча.

МІНСК, 6 сак – Sputnik. Пакаштаваць смачных масленічных блінцоў, здабыць незвычайны падарунак на святочным слупе і з задавальненнем паўдзельнічаць у іншых народных квэстах запрашае Музейны комплекс старадаўніх рамёстваў і тэхналогій "Дудуткі".

Ужо не першы год тут ладзяцца мерапрыемствы, прысвечаныя святкаванню Масленіцы. Таксама і ў гэты раз у Дудутках адбудзецца традыцыйнае развітанне з зімой і сустрэча новай вясны.

Гасцям абяцаюць стварыць атмасферу шляхецкіх часоў з касцюміраваным тэатралізаваным прадстаўленнем "Вызваленнне Вясны" і пастановачнымі шабельнымі паядынкамі "Шатландская пяхота".

Дудуткі - Масленіца ў самым разгары
© Photo : "Берсерк"
Дудуткі - Масленіца ў самым разгары!

На працягу дня народныя гулянні будуць шчодра аздобленыя жывой музыкай. Чакаеццца, што галоўнай музычнай падзеяй свята стане праграма "Сусветныя хіты на гуслях" ад  вядомага беларускага выканаўцы Алеся Чумакова, а таксама выступленні музычных гуртоў "Яварына", "Hardwood" і "Менестрэлі".

Для тых жа наведвальнікаў музейнага комплексу, хто асабліва пранікнецца духам Масленіцы, будзе дана магчымасць адчуць сябе сапраўднымі шляхцічамі і шляхцянкамі і паўдзельнічаць у майстар-класах па старажытных танцах.

Рукавіцы, рукавічкі, рукаўкі, рукавачкі…
© Photo : Ларыса Мятлеўская

Самым малым гасцям мерапрыемства таксама будуць рады! Для дзяцей і іх бацькоў арганізатары свята падрыхтавалі анімацыйнае шоў, выступленне скамарохаў і інтэрактыўныя лакацыі з сярэднявечнымі гульнямі і забавамі. Больш дарослыя наведвальнікі змогуць паспрабаваць свае сілы ў лучным і арбалетным ціры.

Больш таго, кожны жадаючы зможа самастойна здабыць агонь, а потым падзівіцца на ўрачыстае спальванне пудзіла Масленіцы і вялікае вогнішча.

Дарэчы, маляўнічая, яркая і пазнавальная падзея дазволіць кожнаму ўздельніку адчуць асалоду па-сапраўднаму народнага свята з нацыянальным каларытам, асаблівасцямі і традыцыямі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Дудзічы).

Калі: 13 сакавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

37
Тэги:
Беларусь, танцы, Масленіца, Шляхецкая Масленіца, Дудуткі, Музейны комплекс "Дудуткі"
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

14
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

14
Тэги:
Музейны комплекс "Дудуткі", Першая сусветная вайна
Які сёння дзень: 8 сакавіка 2021 года

Які сёння дзень: 8 сакавіка 2021 года

202
(абноўлена 17:18 06.03.2021)
Гэты дзень з'яўляецца шэсцьдзясят сёмым па грыгарыянскім календары, да канца года засталося 298 дзён.

Сёння адзначаецца Міжнародны жаночы дзень. Якія яшчэ падзеі адбыліся 8 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 8 сакавіка

  • У 1911 годзе адбылося першае святкаванне Міжнароднага жаночага дня.

Хто нарадзіўся 8 сакавіка

  • 1910 год: Пётр Васілевіч Конюх, беларускі оперны спявак.
  • 1917 год: Сяргей Іванавіч Селіханаў, беларускі скульптар.
  • 1931 год: Сямён Падокшын, беларускі філосаф і гісторык-медыявіст, даследчык культуры Адраджэння і Рэфармацыі.
  • 1952 год: Аляксандр Аляксандравіч Козак, беларускі акцёр, тэатральны дзеяч.
  • 1962 год: Славамір Адамовіч, беларускі паэт, грамадскі дзеяч.

Таксама сёння нарадзіўся савецкі і расійскі акцёр тэатра і кіно Андрэй Міронаў.

8 сакавіка ў народным календары

Сёння пачынаецца Масленіца - старадаўняе народнае свята, якое адзначаецца на працягу сямі дзён перад пачаткам Вялікага посту. Масленіца спакон вякоў азначае праводзіны зімы і сустрэчу вясны - прадвесніцу цяпла і абнаўлення прыроды і чалавека.

Кожны дзень Масленічнага тыдня мае сваё імя. Дарэчы, панядзелак - "Сустрэча". У гэты дзень гаспадыні распачыналі пячы бліны, першы з якіх трэба было аддаць жабраку для ўшанавання памяці памерлых. Гаспадыні абавязкова частавалі блінамі гасцей і запрашалі да хаты сваякоў.

Таксама сёння праваслаўныя вернікі шануюць памяць святапакутніка Палікарпа.

У гэты дзень назіралі за птушкамі: калі яны хаваюцца, будзе завіруха. Калі ж вераб'і ўжо в'юць гнёзды, будзе цяпло. Гнёзды гракоў з паўднёвага боку – лета будзе халодным.

Калі 8 сакавіка на рэках і азёрах яшчэ трымаецца лёд, рыбалка будзе дрэнная.

202
Тэги:
народны каляндар, які сёння дзень
Тэмы:
Які сёння дзень: каляндар знакавых падзей