Аэраграфічныя работы Джэрарда Даторы

Выстава Даторы, Шагала, Суціна і Хадасевіч-Лежэ адкрылася ў Мінску

164
(абноўлена 13:47 31.05.2017)
У Нацыянальным мастацкім музеі адкрылася выстава "Даторы, Шагал, Суцін, Хадасевіч-Лежэ. Энергія, экспрэсія, сімволіка і сны. Погляд на мастацтва Італіі і Беларусі першай паловы XX стагоддзя".

МІНСК, 31 мая — Sputnik. Італьянскае пасольства ў гонар дваццаціпяцігоддзя ўсталявання дыпламатычных адносін з Беларуссю прывезла ў Мінск карціны знакамітага мастака Джэрарда Даторы.

Пасол Італіі Стэфана Б'янкі адзначыў, што ідэя выставы заключаецца ў тым, што гэта спроба ўявіць магчымы дыялог паміж італьянскім і беларускімі майстрамі.

Пасол Італіі Стэфана Б'янкі, Тэрэза Северыні і Віктар Бабарыка
© Sputnik Артем Бордовский
Пасол Італіі Стэфана Б'янкі, Тэрэза Северыні і Віктар Бабарыка

Акрамя жывапісных і графічных твораў, на выставе прадстаўлены дакументы, лісты, фатаграфіі і часопісы з "Архіваў Даторы". Наведвальнікі змогуць таксама прагледзець дакументальныя фільмы пра жыццё італьянскага футурыста.

Па дзве працы Марка Шагала і Хаіма Суціна прадстаўлены з карпаратыўнай калекцыі Белгазпрамбанка. Гэта знакамітыя работы — "Закаханыя" і "Гадзіннік на палаючым небе", а таксама самая дарагая карціна Беларусі — работа Суціна "Ева" і пейзаж "Вялікія лугі ў Шартры каля віядука". Нацыянальны мастацкі музей выставіў з уласнага збору дзве графічныя работы Надзі Хадасевіч-Лежэ.

Супрэматычныя работы Надзеі Хадасевіч-Лежэ
© Sputnik Артем Бордовский
Супрэматычныя работы Надзеі Хадасевіч-Лежэ

Мастацтва і прыгажосць як пасланне

"Мастацтва — галоўнае дзеючая асоба ў святкаванні ўсталявання дыпламатычных адносін паміж Італіяй і Беларуссю", — з радасцю адзначыла асэсар па культуры, універсітэтам і турызму Перуджы Тэрэза Северыні.

Па яе словах, якасць работ Даторы і прыгажосць яго пейзажаў адлюстроўвае душу Умбрыі. Кантэкст спалучэння яго работ з Шагалам, Суціным і Хадасевіч-Лежэ вельмі цікавы і павінен атрымаць працяг.

Карціна Джэрарда Даторы Выбух
© Sputnik Артем Бордовский
Карціна Джэрарда Даторы "Выбух"

Беларусь як частка еўрапейскай культуры

Старшыня праўлення Белгазпрамбанка Віктар Бабарыка сказаў, што адразу прыняў прапанову ўдзельнічаць у сумесным праекце. "Гэта абумоўлена правільным выбарам кола параўнання. Важна разумець, што сабою ўяўляе мастак. Праект спалучэння яскравейшага прадстаўніка італьянскага футурызму і Шагала, Суціна — гэта і дыялог, і сутыкненне. Гэта дае магчымасць гледачам упэўніцца, што Беларусь — частка еўрапейскай культуры", — падкрэсліў Віктар Бабарыка.

Па яго словах, калі ўсе чатыры позірка Даторы, Шагала, Суціна і Хадасевіч-Лежэ прадстаўлены ў адным месцы, гледачы абавязкова ацэняць гэта.

Пейзаж пэндзля Джэрарда Даторы
© Sputnik Артем Бордовский
Пейзаж пэндзля Джэрарда Даторы

Нью-Ёрк, Лондан і Мінск

Куратар выставы з італьянскага боку Масіма Дуранці распавёў, што прадстаўленыя работы Даторы выстаўляліся ў музеі Гугенхайма ў Нью-Ёрку ў 2014 годзе. Пасля праз годы яны выстаўлены ў Лондане. І вось, нарэшце, Даторы ў Мінску.

"Значнасць Даторы як мастака сапраўды міжнародная. Работы, прадстаўленыя на выставе, адлюстроўваюць развіццё яго творчага метаду напрацягу ўсяго жыцця", — распавёў Масіма Дуранці.

Таксама ён падзяліўся сваімі назіраннямі пра творчасць беларускага мастака Язэпа Драздовіча. "Яго работы маюць нешта агульнае з відамі зверху аэрамаляўнічых работ Даторы. Мы хацелі б вывучыць гэта глыбей для далейшага параўнання", — адзначыў італьянскі мастацтвазнаўца.

Карціна Джэрарда Даторы Аліўкавыя дрэвы
© Sputnik Артем Бордовский
Карціна Джэрарда Даторы "Аліўкавыя дрэвы"

Квартэт супрацьлегласцей

Куратар выставы з Нацыянальнага мастацкага музею Вольга Клёцкіна адзначыла, што выстава надзвычай насычаная інфарматыўна.

"На выставе можна ўбачыць не толькі работы Джэрарда Даторы, але і дакументы, звязаныя з яго жыццём, якія адлюстроўваюць яго месца ў футурыстычным рухе", — распавяла мастацтвазнаўца.

Па яе словах, на выставе сфарміраваны сапраўдны квартэт майстроў адной эпохі, але з абсалютна супрацьлеглымі позіркамі.

"Выкажу здагадку, калі б гэтыя чатыры аўтары паспрабавалі б зрабіць сумесную выставу, то яны б страшэнна разругаліся. Кожны з іх быў упэўнены ў сваім творчым шляхе і правільнасці сваёй выразнай мовы", — дадаў куратар калекцыі Белгазпрамбанка Аляксандр Зіменка.

Дзе: Нацыянальны мастацкі музей Рэспублікі Беларусь.
Калі: з 31 мая да 7 ліпеня.

164
Тэги:
выстава, мастакі, Белгазпрамбанк, Пасольства Італіі ў Беларусі, Нацыянальны мастацкі музей Рэспублікі Беларусь, Надзея Хадасевіч-Лежэ, Джэрарда Даторы, Стэфана Б'янкі, Хаім Суцін, Марк Шагал, Італія, Мінск, Беларусь
По теме
Шагал, Суцін і Бакст упершыню ў Мінску пад адным дахам
Фестываль кельцкай культуры Бельтайн

Ірландскія танцы, вогнішча і абрады: што чакае гасцей свята "Бельтайн"

25
(абноўлена 16:55 27.03.2020)
Бельтайн – свята пачатку лета, якое па старажытнай кельцкай традыцыі адзначаецца на пачатку мая.

МІНСК, 27 сак - Sputnik. Вясновы фестываль "Белтайн" прысвечаны музуцы і традыцыям кельтаў пройдзе на тэрыторыі Цэнтральнага батанічнага сада 1-2 мая, паведамілі арганізатары мерапрыемства.

Гасцей фестываля чакаюць open-air канцэрт, інтэрактыўныя пляцоўкі, шматлікія фотазоны, конкурс вогненных тэатраў, ірландскія танцы, кантактны заапарк, выступ шатланскіх дудараў, вялікі рынак рамеснікаў і фудкорт.

На галоўнай пляцоўцы фестываля пройдзе традыцыйны для гэтага свята выбар Майскай каралевы, можна будзе таксама сустрэць і містычнага "Зялёнага чалавека".

На музычнай сцэне фестываля выступяць тэматычныя калектывы: Всё_Crazy, PAWA, Няміга, Hard Wood, Без Панікі, KaS, PyLai, студыя этнічнага танца і музыкі "Кетры"і многія іншыя.

Адным з галоўных рытуалаў свята Бельтайн было распальванне вялікіх вогнішчаў на вяршынях гор або размешчаных паблізу паселішча высокіх узгоркаў – на фестывалі гэтую традыцыю прадставяць маштабным вогненным шоу.

25
Тэги:
Цэнтральны батанічны сад НАН Беларусі, Мінск
Брытанскі спявак Крыс Норман

Голас некалькіх пакаленняў Крыс Норман прыедзе ў Мінск

13
(абноўлена 11:05 24.02.2020)
Група Smokie дасягнула піка папулярнасці ў 1978 годзе, але сам экс-вакаліст Норман працягвае збіраць залы.

Крыс Норман - былы вакаліст гурта Smokie - сустрэнецца з мінчанамі 20 красавіка ў Палацы рэспублікі.

Песні Smokie яшчэ ў 1970-х сталі папулярныя не толькі ў яго роднай Англіі, але ў ЗША і Еўропе.

Сам Норман прызнае, што свайму поспеху ён у вялікай ступені абавязаны бацьку. Калі вакалісту споўнілася 7 гадоў, тата падарыў яму першую гітару. У той перыяд у сэрцах і розумах падлеткаў гучаў рок-н-рол, і Крыс гэтак жа, як і многія, быў захоплены гэтым напрамкам, музыкай Элвіса Прэслі, Літл Рычарда і Лоні Донегана.

Пасля кар'еры ў Smokie вакаліст пачаў выступаць як сольны выканаўца. Першая ж сольная кампазіцыя Нормана Midnight Lady пабіла ўсе папярэднія дасягненні, шэсць тыдняў заставалася на першым месцы ў еўрапейскіх чартах. Зараз на рахунку Крыса Нормана больш за 20 сольных альбомаў.

Норман не старэе, ён крочыць у нагу з часам. Ён не толькі не перастае радаваць аматараў яго музыкі новымі кампазіцыямі, але і не забывае аб трэндах, актыўны ў сацыяльных сетках, дзе рэгулярна выкладвае фатаграфіі з выступленняў і дзеліцца навінамі з жыцця.

А галоўная навіна для беларускага слухача - мінскі канцэрт Нормана.

13
Тэги:
Беларусь, музыка
Амапавец на плошчы Свабоды ў Мінску

Лукашэнка заявіў, што мог бы ўвесці рэжым НС перад выбарамі, але не хоча

0
(абноўлена 17:01 02.04.2020)
Беларускія ўлады здольныя за суткі нейтралізаваць любы горад, калі гэта спатрэбіцца, але масавая ізаляцыя будзе толькі пагаршаць сітуацыю.

МІНСК, 2 кра - Sputnik. У Беларусі будуць змагацца з любой хваробай, а не толькі з каронавірусам, заявіў Аляксандр Лукашэнка ў інтэрв'ю міждзяржаўнай тэлерадыёкампаніі "Мір".

"Калі ўжо шчыра, я б сёння мог увесці надзвычайнае становішча. Патрулі па вуліцах, усе сядзяць, і паказаць перад прэзідэнцкімі выбарамі, які я круты хлопец, што я магу ўсё ўзяць пад кантроль", - прызнаўся кіраўнік дзяржавы.

Пры гэтым ён адзначыў, што не хацеў бы апынуцца ў сітуацыі, калі абмяжоўваюць магчымасці для людзей выйсці на вуліцу і пагуляць з дзіцем.

"І я ў гэтыя гульні гуляць не жадаю. Мы будзем змагацца з любой хваробай. Я не вылучаю таму каронавірус", - патлумачыў сваю пазіцыю прэзідэнт Беларусі.

Аляксандр Лукашэнка ў чарговы раз адзначыў, што масавая ізаляцыя ў дамах можа толькі паспрыяць пагаршэнню стану людзей, якія чымсьці захварэлі.

"Гэта не праблема. Мы за суткі нейтралізуем горад. Але чаго гэта будзе каштаваць і колькі будзе тады смерцяў? Мы ўжо потым будзем выхопліваць з кватэр людзей, якія будуць цяжкія, і адразу іх на штучную вентыляцыю лёгкіх. І што, мы выратуем гэтых людзей? Таму не трэба дурасцю займацца", - заклікаў ён.

Пасля чаго нагадаў пра старое правіла, што трэба праветрываць памяшканні і выходзіць дыхаць свежым паветрам. Улады, у сваю чаргу, калі прыйдзе такая неабходнасць, патушаць "пажар".

"І прытым значна больш эфектыўна, чым літоўскі прэзідэнт (Гітанас Науседа - Sputnik). Ён паклапаціўся пра беларускі вірус. Сваім вірусам займіся, у цябе там куча пытанняў. Ён яшчэ папракае, што, напэўна, беларусы не пра ўсё інфармуюць", - абурыўся Аляксандр Лукашэнка.

Пры гэтым беларускі прэзідэнт падзякаваў медыкам за іх працу і тое, як яны лечаць вірусныя захворванні. Праўда, адзначыў, што сітуацыю ў Беларусі нельга назваць спакойнай.

"Глупства поўнае, проста мы не панікуем. Займаемся кожны сваёй справай. Не вырашаем праз каронавірус ніякіх палітычных пытанняў, хоць у нас палітычны год", - падкрэсліў кіраўнік дзяржавы.

0
Тэги:
каронавірус, Беларусь, Аляксандр Лукашэнка
Тэмы:
Успышка каронавіруса з Уханя